Yuma yahaChanukishu Yimwatela Kwanuka

Chidika chakwanakana kufwa kwaMwanta kwachinu chaaka kukekalaku haChimu, April 2. Aeluda atela kwakamena yuma yidi heshina.

◼ Hakutonda mpinji yakupompa, ilukenu chikupu nenu kupompa kukatachiki namelela nankashi kulonda yifwikija akayihitishimu henohu itañwa dahuma dehi.

◼ Antu ejima, kushilahu ninhoshi atela kuyileja mpinji yikatachika chidika niiluña kuchakekalila.

◼ Mwatela kutambwilañahu dehi dinkendi nivinyu yinakukeñeka nikuyitula chiwahi kulonda kuyizatisha.—Talenu Kaposhi Kakutalila kaCibemba kaFebruary 15, 2003, mafu 14-15.

◼ Mwatela kuletelañahu dehi yeña yamawumba, malupasa, mesa yayiwahi niihina dahamesa mwitala dawanta nikuyisha chiwahi.

◼ Itala daWanta hela iluña dikwawu dakupompela mwatela kudiwahisha chachiwahi henohu kushidi mpinji.

◼ Atulama niakwakuhitishamu yifwikija atela kuyilejela chadimu kutalisha hamudimu wawu, njila yatela kulondelawu, ninvwalilu yayiwahi nimmwekenu.

◼ Aeluda atela kuloñesha kulonda ayi nakuhana yifwikija kudi wawayishewa wakata, wunakañanyi kwinza.

◼ Neyi yipompelu yayivulu anayitanjiki kuzatisha Itala daWanta dimu, yipompelu yatela kuloñesha yuma chiwahi kulonda kubuli kwikala kudichima mwakuhitila, muyisu, mujinjila jawantu amavulu, nihamaluña akwimika nyotoka.