“Hanenu Magazini Yayikulu Hela Buloshuwa Yinakuhosha Hachuma Chinakukeñayi Muntu”
Neyi munakwanuka mutunu tukweji tunakuhana mukanda waChatañishaña Bayibolu nikutachika kudizisha enimatala Bayibolu halwendu lwatachi, neyi enimatala akweti iwu mukanda nawa anakaani kuyidizisha, atuleja “kuhana magazini yayikulu hela buloshuwa yidi yejima yinakuhosha hachuma chinakukeña muntu.” Muloñadi?
Muloña mabuloshuwa nimagazini amakulu ahoshaña hayuma yambokamboka yahampinji yatelela. Nsañu yamuniyi nyikanda yayikulu yinateli kumushika mwiniitala hamuchima. Dichi, neyi munakuloñesha chikwama chenu chanyikanda shenumu mabuloshuwa nimagazini amakulu. Neyi mudina magazini amakulu munateli kutambula kudi nkoñi wamagazini. Neyi mwiniitala wukweti mukanda waChatañishaña Bayibolu ilaña nakaani kumudizisha Bayibolu, munateli kumuleja magazini hela mabuloshuwa amakulu imukweti nakumuleja kulonda yatonduhu yinakeñiyi. Kuhiñahu loñeshenu kulonda mwakafuntiluku nakumusañumuna mpwila. Hadaha wamba keteja kumudizisha Bayibolu.