Wunakumwekana Ñahi?

Ilu hilwihu lwaluwahi nankashi lutwatela kudihula neyi hitukuhana nyikanda mwiha. Mukanda wejima wunavuñekivuñeki kunsa, wunafukuluki, wudi nandamba hela watabuka wukutamisha ijina dakuloñesha kwetu nawa wukukojeja mwini itala kubula kutaña nsañu yayiwahi yakupulwisha mawumi yidi mukachi.

Hanu dinu tunateli kuhemba ñahi nyikanda yetu nawunyonji? Amavulu aloñeshaña ipakumuna dakusenda mwiha kulonda asheñamu nyikanda yamuchidi wumu. Chakutalilahu, ipakumuna dawu dinateli kwikala nachisweku chanyikanda, dikwawu damagazini nimabuloshuwa, dikwawu damatalakiti ninyikanda yikwawu. Neyi hiyafuntisha Bayibolu yawu hela nyikanda yikwawu yinazatisheñawu mwipakumuna dawu, ayishañamu chiwahi chakadi kuyivuñavuña. Akwakushimwina amakwawu ashaña nyikanda yawu mumafwayilu hela mumalanjeli amawahi. Hela chakwila twazatishaña yozelu yamuchidinyi yakusendelamu nyikanda, hitunakukeña kwila chuma chikukojeja muntu yadiwuli mudimu wetu kuhitila mukumwinka mukanda wachikekaku.—2 Kor. 6:3.