“Nukutambula Mukanda Wenu Neyi Mutambula Wami”

Dichahoshañawu enimatala amakwawu. Chineli twahimpashanaña wanyi nyikanda yetu yashindamena haBayibolu nanyikanda yamukwitiya kukwawu yatandishaña nsañu yamakudi, tunateli kwakula ñahi chakubula kuhilisha muntu? (Rom. 1:25) Tunateli kuhosha netu: “Kusakililaku. Iwu mukanda wunakuhosha nawudi kutalisha hakumanisha kukala kunakumonawu antu? [Mulekenu yaakuli. Neyi yayila nindi tañenu mukanda kulonda mwiluki, munateli kumwila nenu himwamwinka mukanda wetu chakubula kumuleja nsañu yidumuku. Kuhiñahu tañenu hela hoshenu nsañu yekala haMatewu 6:9, 10.] Yesu wahosheli nindi Wanta waNzambi wakela yuma yafuukulayi Nzambi hamaseki. Dichi natañaña hohu nyikanda yawakwakwitiya yakonkomwenaña haWanta waNzambi. Kwila niyilejaku yuma yikwawu yashimunawu muBayibolu yikakoña Wanta waNzambi nehi?”