Kampeni Kakutiyakesha Chanukishu Kakatachika haMarch 1
1. Twakatachika kutiyakesha Chanukishu ifukwinyi, nawa kampeni kakatachikiladi swayi chinu chaaka?
1 Hachitanu March 1, twakatachika kampeni ketu kahachaaka kakutambika antu kuChanukishu. Chanukishu chakekalaku haMarch 26, dikwila nawu twakatachika kampeni swayi kabadika hayaaka yakunyima. Antu amavulu akekala nakukooleka kwakutambwila yipapilu, sweje-e neyi chipompelu chikweti iluña dakushimwinamu deneni.
2. Analoñeshi ñahi hakutabula yipapilu yakutambikilahu antu kuChanukishu nikushimwina mwiluña dejima?
2 Kudiloñesha: Aeluda akayileja chimwakashimwina mwiluña denu, nawa neyi chakwila mwatela kushiya yipapilu yakutambika nachu antu hamatala hanabuli antu. Neyi yipapilu yakutambika nachu antu yinashaluhu hanyima yakumanisha kushimwina kwitala nikwitala mwiluña dakushimwina, munateli kuyihana mumudimu wakushimwina hatooka. Nkoñi wamudimu watela kwiluka chikupu nindi yipapilu yakutambika nachu antu yakusonekahu yidi hatambwilañawu nyikanda hela magazini kulonda akwakushimwina asendeña, ilaña bayi ayishahu yejima hampinji yimuku. Twatela kusenda hohu yipapilu yitwatela kuzatisha mumulungu wumu hampinji hampinji.
3. Yumanyi yitwatela kwanuka hakuhana yipapilu?
3 Yumanyi Yitwakahosha? Chikuwaha neyi tuhosha mazu antesha, muloña chumichi chikatukwasha kushimwina antu amavulu. Hefu 4 hadi njila yitwatela kuzatisha mwiluña detu. Hela chochu, bayi tunyakala kumushiya mwiniitala neyi natutambwili chiwahi hela neyi wudi namalwihuku. Neyi tunakuhana yipapilu kunsa yamulungu, tunateli kuhana nimagazini neyi chinatwesheki. HaMarch 2, tukashindamena hakuhana hohu yipapilu kubadika kutachika kudizisha antu Bayibolu.
4. Muloñadi wutwatela kudikita chikupu mukampeni?
4 Tunakuhweleli netu antu amavulu akenza kuChanukishu. Mpanji yikalumbulula chikupu chekalayi Yesu. (1 Kor. 11:26) Yikashimuna cheñi kufwa kwindi chikwatukwashaña. (Rom. 6:23) Nawa yikalumbulula chichalemena kumwanuka. (Yow. 17:3) Dichi tudikitenu chikupu mukampeni.