Kampeni Kakutambika Antu kuChanukishu Kakatachika HaMarch 22
Chinu chaaka kampeni kakutambika antu kuChanukishu kakatachika haMposu, haMarch 22. Wonsu wetu anatukoleshi kuzata nañovu. Neyi chinatwesheki, kunsa yanyilungu tukahanaña cheñi magazini akuhana munowu kakweji. Hamposu yatachi muApril, tukasha muchima hakuhana yipapilu yakutambika nachu antu chatela tukatachiki kudizisha antu Bayibolu. Hela chochu, neyi tuwana muntu wunamwekeshi mpwila yakudiza, tunateli kutachika kumudizisha Bayibolu. Nkoñi wamudimu diyi watela kumona neyi kuhana yipapilu mumudimu wakushimwina kumaluña kwawanikaña antu amavulu kunateli kukwasha chipompelu kushimwina antu amavulu adi mwiluña dachipompelu. Sonekelenu chadimu majina awantaña, antu imwazataña nawu, akwenu akashikola, antu imwakanini kufuntilaku niamabwambu imunakukeña kutambika kulonda mukayinki yipapilu neyi kampeni kanatachiki. Tunakuhweleli netu tukapompa nawantu amavulu hampinji yitukanakanaña njila jiyedi mwatumwekesheleluwu kukeña kwabadika.—Yow. 3:16; 15:13.