Komana Mwatela Kuleka?

Neyi anakuzata mumudimu wakushimwina, akwakushimwina amakwawu ekala nachaaku chakuleka kushimwina hampinji yimu, hadaha hampinji yachayili. Kafwampi, amakwawu atela kuleka kushimwina hampinji yatoñolawu kwesekeja nachidi yuma. Komana mwalekaña kushimwina muloña wakwila amakwawu mwizanvu analeki indi kwiji mwiluña denu mwekala chaaku chakuleka kushimwina hampinji yimu? Munateli kuzata mudimu wakushimwina hadi jiminiti jajivulu nikushimwina wunsahu wahatooka chidi neyi kushimwina mumukwakwa? Komana munateli kufuntila kudi muntu wumu hela ayedi hakufunta kwitala? Toñojokenu hayuma yayiwahi yimukuzata neyi muwana muntu wukweti mpwila yakudiza Bayibolu hetala hela muhana magazini ayedi kudi muntu wunakuhita. Kutwalekahu kuzata hadi jiminiti jantesha hinjila yimu yakusweja ‘kulambula mulambu wakuhameka.’—Heb. 13:15.