Kuwahisha Njila Jetu Jakushimwinamu—Kwala Chikuku Kulonda Mwakafuntili

Chikwalemena: Neyi tunawani muntu wudi nampwila yakudiza, twatela kufunta hampinji yakekalayi hetala kulonda twakatukumwini mbutu yachalala yitwatumbili. (1 Kor. 3:6) Dikwila nawu, twatela kwala chikuku chakufuntila kuhitila mukumwihula mwiniitala ifuku ditwakafunta. Cheñi, twatela kumwihula lwihu lutwakahanjekahu ifuku ditwakafunta. Neyi twila mwenimu mwiniitala wukwikala nampwila yakututalila nawa neyi olu lwihu lukweti ñakwilu mumukanda wutwamushilili, wukwikala nampwila yakutaña. Neyi twala chikuku kulonda twakanjeki ifuku ditwakenza chakatupelela kufunta muloña tuneluki mutu wutukuhanjekahu, mwiniitala niyena wukwiluka yuma yitukuhanjekahu. Chitwadimona nindi kamuchiyedi, tukumuleja netu tunafunti nakwakula lwihu lutwehwili hanjila yatachi nawa tukutwalekahu.