Kuwahisha Njila Jetu Jakushimwinamu—Kwala Chikuku Kulonda Twakafuntiluku

CHICHALEMENA:

Twakeñaña kutukumwina mbutu yachalala yitwatumbaña. (1 Kor 3:6) Neyi tuwana muntu wudi nampwila, twatela kumwihula lwihu kulonda twakahanjeki neyi tunafunti. Mwakamona wakekala nampwila nawa yuma yakatupelela neyi tunafunti. Chitwafunta, tukamuleja hohu netu tunafunti nakwakula lwihu lutwehwili hitwenjili.

YUMA YIMWATELA KWILA:

• Hakuloñesha mazu akuhosha hakushimwina kwitala nikwitala, loñeshenu nilwihu lumwakakula halwendu lukwawu. Lunateli kwikala mumukanda wumunakuhana. Hadaha hilwihu lwakulawu mumukanda wutwadizishañamu atudizi wumunakufwila kumwinka neyi munafunti.

• Hakukunkulula mpanji yenu namuntu wudi nampwila, mulejenu nenu munakufwila kuhanjika nindi cheñi nawa mwihulenu lwihu lumwaloñesha lumwakakula himwakenza. Tambulenu keyala yindi neyi wukweti.

• Neyi mumushiika mpinji yimwakamuwana, mwani bayi mujiñaku.—Mat 5:37.