Kuwahisha Njila Jetu Jakushimwinamu—Kutachika Atudizi aBayibolu Kuzatisha Buloshuwa yaNsañu Yayiwahi Kufuma Kudi Nzambi
Chikwalemena: Hakwila twilishi atumbanji, twatela kwikala antañishi Ezu daNzambi. (Mat. 28:19, 20) Wejima wetu tunateli kutañisha chiwahi nsañu yalala kuzatisha yozelu yitukweti. Buloshuwa yaNsañu Yayiwahi Kufuma Kudi Nzambi, ayisoneka munjila yakwila yitukwasheña kutañisha antu nsañu yalala. Dichi, tunateli kuyizatisha kutachika kudiza Bayibolu namwiniitala halwendu lwatachi.
Esekenu Kuzatisha Iyi Njila Mukanu Kakweji:
Lombenu muchima wakukeña kulombola kadizi. Mulombenu cheñi Yehova yayikwashi kuwana kadizi waBayibolu nikwikala ntañishi wamuwahi.—Fwi. 2:13.
Hakudifukula kwachisaka hela kudiza kwahalwenu, hitulukenu munsañu yindi muchikasha kulonda mwiluki chimunateli kuhana buloshuwa. Chumichi chikuyikwasha kwikala ahamuka nawa mukutachika kadizi hampinji yimudi mwiha.