Mukanda waBushe Cinshi Baibolo Isambilisha?—Chakuwuzatisha

Mukanda waIco Baibolo Isambilisha nimukanda waChatañishaña Bayibolu yoyimu. Iyi yitwa yejima yinafumi muchikasha chetu chayozelu yakuzatisha hakudizisha, yikweti nsañu yalala yoyimu nawa ayisoneka munjila yoyimu. Hela chochu, mukanda waIco Baibolo Isambilisha anawusoneki munjila yapela nawa yayiwahi. Anawusoneki kulonda wukwasheña antu akañanyaña kutiyisha mukanda waChatañishaña Bayibolu. Chatela wikali naapendikisi, mukanda waIco Baibolo Isambilisha wukweti Ifyebo na Fimbi anakulumbulula mazu amakwawu niyikuma yidi mukapetulu. Tupetulu tudana malwihu akutachikilahu hela chikasha chakuhitulukamu. Ilaña kunsa yatupetulu kudi yikuma yamuBayibolu yalumbululawu mukapetulu. Neyi chochitwahanaña mukanda waChatañishaña Bayibolu, mukanda waIco Baibolo Isambilisha niwena munateli kuwuhana kala mpinji hela neyi anashimuni wanyi kuwuhana munowu kakweji. Tunateli kuzatisha ñahi yuma yalema yidi muniwu mukanda waIco Baibolo Isambilisha hakulombola kadizi waBayibolu?

IFISHINKA MWASAMBILILA: Kudi antu amavulu, njila yitwazatishaña hakulombola kadizi yakutaña paragilafu mumukanda waChatañishaña Bayibolu nikumwihula lwihu, diyi njila yitukuzatishaña. Ndochu neyi kadizi welukisha wanyi idimi hela hatañaña chiwahiku? Munateli kuzatisha mukanda waIco Baibolo Isambilisha. Kuhiñahu, mukuzatisha chibalu chayikuma yinalumbululi kapetulu hakumudizisha nawa mukoleshenu kadizi yakatañi yomweni nsañu yidi mukapetulu kejima. Chikuma hichikuma chamuBayibolu kakavulu anateli kuchihanjekahu hadi maminiti 15 hakulombola kadizi. Chineli yikuma hiyinabombelimu nsañu yidi mukapetuluku, ntañishi watela kuloñeshela chadimu kwesekeja nayuma yinakukeñeka kudi kadizi. Neyi ntañishi nakulombola kadizi kuzatisha nsañu yidi mukapetulu, watela kuzatisha yikuma hakuhitulukamu.

IFYEBO NA FIMBI: Mazu ninsañu yidi mumazu adi kunsa anayishimu kwesekeja nachiyidi mukapetulu. Hampinji yinakudizawu, ntañishi nateli kufuukulahu kuhanjeka mazu adi kunsa yamukanda waIco Baibolo Isambilisha hela nehi.