SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Itejenu Wukwashu Wawakwenu
Yehova watwinka wukwashu kufuma kudi “[anakwetu] ejima mukaayi.” (1Pe 5:9) Anateli kutukwasha kuumika kukala kwejima kutwamonaña mumudimu wakushimwina. Chakutalilahu, kapostolu Pawulu amukwashili kudi Akwila niPrisila, Silasi, Timotewu niantu amakwawu.—Yil 18:1-5.
Akwenu akwakukalakala anateli kuyikwasha ñahi mumudimu wakushimwina? Anateli kuyilejaku njila jinateli kuyikwasha kutondolwela ikañesha, kuyikwasha kwiluka chakufuntila hela chakuhosha nichakulombola atudizi aBayibolu. Toñojokenu hadi muntu wamuchipompelu chenu wunateli kuyikwasha nawa mwilenu yayikwashi. Chakadi nikujina, chikuyikwasha wejima wenu nawa mukwikala namuzañalu.—Fwp 1:25.
TALENU VIDIYO YA IKALENU NAMUZAÑALU WAFUMAÑA MUKWILISHA ATUMBANJI—ITEJENU WUKWASHU WAYEHOVA—AMANAKWETU, NAWA AKULENU AWA MALWIHU:
Neeta wamukwasha ñahi Jade kulonda yatachiki kuya nakupompa?
Muloñadi chitwatela kusendañaku akwetu akwakushimwina hampinji yitunakulombola atudizi?
Chipompelu chejima chinateli kuzataku mudimu wakwilisha atumbanji
Yumanyi yadifwana yakeñayi Jade niAbigay?
Yumanyi yinateli kuyidizishawu akwenu akwakukalakala kutalisha hamudimu wakushimwina?