SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Kwashenu Atudizi Enu aBayibolu Ayeña naKupompa
Kupompa kwahachipompelu himbadi yalema yakudifukula kwakadi majilu. (Ms 22:22) Antu ejima enzaña nakudifukula kudi Yehova ekalaña namuzañalu nawa ayikiswilaña. (Ms 65:4) Atudizi apaminañaku neyi apompaña mpinji yejima.
Munateli kukwasha ñahi atudizi enu aBayibolu kulonda apompeña? Yitambikenuña. Yitalishenu vidiyo yaYumanyi Yamwekanaña Hetala daWanta? Mulumbulwilenu chichawahila kuya nakupompa. (lff kudiza 10) Mulejenuku yikuma yimunadizi hakupompa hela kuhituluka muyuma yimwakadiza mulungu wunakwinza. Mwinkenu kadizi nyikanda yimwakadizaña. Cheñi, mukwashenu munjila yidi yejima. Hadaha wukukeña kumusendaku. Kadizi wenu wukutiya kuwaha nanjila yidi yejima yimukuzatisha neyi nayi nakupompa katachi.—1Ko 14:24, 25.
TALENU VIDIYO YA KWASHENU ATUDIZI ENU ABAYIBOLU AYEÑA NAKUPOMPA, NAWA AKULENU AWA MALWIHU:
Chumanyi chelayi Neeta hakwila yamutambiki Jade kukupompa?
Twatiyaña ñahi neyi kadizi waBayibolu yenza nakupompa?
“Chalala Nzambi wudi mukachi kenu”
Yumanyi yamonayi Jade chayayi nakupompa katachi?