SHENU MUCHIMA HAMUDIMU WAKUSHIMWINA | IKALENU NAMUZAÑALU CHIKUPU MUMUDIMU WAKUSHIMWINA
Kwashenu Atudizi Enu aBayibolu Kutondolwela Amabwambu Atama
Hakwila nawu ekali amabwambu jaYehova, atudizi atela kutonda amabwambu amawahi. (Ms 15:1, 4) Amabwambu amawahi akuyikwasha kwila yuma yayiwahi.—Yis 13:20; lff kudiza 48.
Ikalenuña naluwi hakukwasha atudizi enu hakwila atondolweleña amabwambu atama. Chinateli kuyikalila kuleka kudikunda nawamabwambu jawu amukaayi. Dichi yimwekeshelenuña kukeña nimafuku imunakubula kudiza nawu. Mukwila mwenimu munabombeli kuyitemeshela meseji, kuyitemeshela foni hela kuya nakuyihempula. Chiyakuyilañaku hambidi, mwatela kuyitambikaña kulonda ahanjekeña nawamabwambu jaNzambi. Kuhiñahu, akwiluka nawu anekali nawamabwambu amavulu kubadika anajimbeshiwu. (Mak 10:29, 30) Ninenu mukwikala namuzañalu hakumona chisaka chaYehova chinakutohelaku.
TALENU VIDIYO YA KWASHENU ATUDIZI ENU ABAYIBOLU KUTONDOLWELA AMABWAMBU ATAMA, NAWA AKULENU AWA MALWIHU:
Amabwambu atama hiyantu amuchidinyi?—1Ko 15:33
Jade watoñojoka nindi pati yawakwaKristu yinateli kwikala ñahi?
Neeta wamukwasha ñahi Jade kuleka amabwambu atama kulonda yekali nawamabwambu amawahi?