Munadiloñeshi Neyi Mwiluña Denu Mwikala Yikonkojola niMadombu?

Chitunakuswina kukukuma kwakaayi, tunakukuhwelela yikonkojola, wubanji nimadombu kuswejelaku. (Chi 6:4) Tukudiloñesha ñahi chadimu nakukala kwakamwekana?

• Diloñeshenu kuspritu: Keñenu Nsona niyishina yikuyikwasha kumukuhwelela Yehova, kuloñesha kwindi nawa yikuyikwasha kubula kudiñija munsañu jamatuña nachiyuulu. (Yis 12:5; jr 125-126 ¶23-24) Yinu diyi mpinji yakukolesha wubwambu wenu nawamanakwenu muchipompelu.—1Pe 4:7, 8

• Diloñeshenu kumujimba: Neyi himwakafuma hetalaku, toñojokenu chimwakadikiña nawa keñelenu chadimu yuma yakakeñekaña. Diloñeshelenu chadimu chakwenda neyi mwakafuma hetala. Talenu yuma yidi muchola chakutemuka nachu neyi yinashikili nawa shenumu jidi neyi maglovu tumahina twahakanwa nimali. Tambwilenu dimu manaamba awakulumpi nawa yinkenu yenu.​—Isa 32:2; g17.5 3-7

Mpinji yayikonkojola nimadombu ilenuña yuma yakuspiritu. (Fwp 1:10) Bayi mwendujokañaku, chiña neyi chinakali. (Mat 10:16) Inkenuhu akwenu yakuda niyuma yikwawu yimukweti.​—Ro 12:13.

TALENU VIDIYO YAMUNADILOÑESHELI DEHI HENOHU WUBANJI WADIMWEKENAÑA KANDA? NAWA AKULENU AWA MALWIHU:

• Yehova watukwashaña ñahi mumpinji yawubanji?

• Yumanyi yitwatela kwila kulonda tudiloñesheli chadimu?

• Tunateli kukwasha ñahi anaholokeli muwubanji?