Munadiloñeshi Dehi?

Munadiloñeshi dehi neyi mwiluña denu mumwekana wubanji wadimwekenaña? Nyitentanshi, mpepela yahurricane, kesi nidibaji jinateli kumwekana kala mpinji nawa jinateli kukisañana yuma. Kubombelahu, kunateli kumwekana madombu, kuyilukuka kudi atupondu, niyipupu mukukasumwisha. (Mkw 9:11) Bayi tutoñojoka netu mwiluña detu himwakamwekanahu yuma yamuchidiwuku.

Wejima wetu hamuntu-hamuntu twatela kudiloñeshela chadimu. (Yis 22:3) Hela chakwila kuloñesha kwaYehova kwakwashanaña mumpinji yawubanji, ilaña muntu-himuntu watela kudiloñeshela chadimu.—Ñal 6:5, tth.

TALENU VIDIYO, MUNADILOÑESHI DEHI HENOHU WUBANJI WADIMWEKENAÑA KANDA? NAWA AKULENU AWA MALWIHU:

• 

  Tunateli kudiloñesha ñahi kuspiritu nawubanji wadimwekenaña?

• 

  Chalemenadi . . .

  • • kuhanjeka nawakulumpi henohu wubanji kanda, mpinji yawubanji nihanyima yawubanji?

  • • kuloñela chadimu yuma mukachola yakutemuka nayu?—g17.5 6

  • • kuhanjeka hawubanji wunateli kumwekana nichimwakela neyi wumwekana?

• 

  Njilanyi jisatu mutunateli kukwashila akwetu neyi adi muwubanji?