Diloñeshenuña Munanu Mafuku ‘aMafuku Akukuminina’

Chitunakushakama munanu mafuku ‘amafuku akukuminina,’ tunakuhweleli netu kukala kukuswejelañaku. (2 Ti 3:1; Mat 24:8) Neyi kudi wubanji wadimwekenaña, antu jaYehova atambwilaña nshimbi yayikwashaña hampinji yatelela. Dichi hakwila tukapuluki, twatela kudiloñeshela chadimu chayinu mpinji, kuspiritu nikumujimba.—Luk 16:10.

• Diloñeshenu kuspiritu: Ikalenu nandandanda. Ilukenu njila jashiyashana jakushimwinamu. Bayi musweja kwakama neyi himudi nawamanakwenu amuchipompelu hanoku kapinjiku. (Isa 30:15) Muloña mudi naYehova niYesu.—od-CW 176 ¶15-17

• Diloñeshenu kumujimba: Muntu wejima mwitala watela kwikala nakachola mwakusendela tuyuma, chidi neyi yakuda, menji, yitumbu nituyuma tukwawu, hadaha anateli kushakama kwiluña dimu hadi mpinji yayilehi.—Yis 22:3; g17.5-CW 4, 6

TALENU VIDIYO YA MUNADILOÑESHI DEHI HENOHU WUBANJI WADIMWEKENAÑA KANDA? NAWA AKULENU AWA MALWIHU:

• 

  Tunateli kudiloñesha ñahi kuspiritu nawubanji wadimwekenaña?

• 

  Muloñadi chitwatela:

  • kutwalekelahu kuhanjeka nawakulumpi?

  • kuloñeshela chadimu kachola kakutemuka nachu?

  • kuhanjekela hawubanji wunateli kumwekana nichitunateli kwila hanoyu mpinji?

• 

  Yumanyi yisatu yitwatela kwila hakukwasha antu adi muwubanji?

DIHULENU NENU, ‘Yumanyi yinnadizili kuniwu musoñu wacorona kutalisha hakudiloñesha?’