CHATELA KUSHAKAMAWU AKWAKRISTU
Munadiloñeshi Dehi Neyi Mali Anakoli?
Twahayamaña wanyi neyi yuma yinakumwekana mukaayi yikojeja mali kukala. Muloñadi? Muloña tunakushakama mumafuku akuminina chikupu nawa Bayibolu yatulejaña nawu bayi mukuhwelela “mumaheta anoñañaku.” (1Ti 6:17; 2Ti 3:1) Chuma cheliliyi Mwanta Yehoshafati chatudizishañadi hakwikala adiloñesha neyi mali anakoli?
Yehoshafati wamukuhweleli Yehova hampinji yamutiyishiliwu woma kudi ayilumbu jindi akanyuza. (2Ku 20:9-12) Waloñesheli chadimu muza kulonda wikala wadiloñesha kuhitila mukukolesha nyisumba niamashidika kulonda awukiñeña. (2Ku 17:1, 2, 12, 13) Kufwana Yehoshafati, twatela kumukuhwelela Yehova nikudiloñesha mumpinji yakala.
TALENU VIDIYO YINAKWILA NAWU MUNADILOÑESHI DEHI HENOHU WUBANJI WADIMWEKENAÑA KANDA? NAWA AKULENU AWA MALWIHU:
Chumanyi chitunateli kwila halwetu kulonda tudiloñeshi hawubanji wadimwekenaña?
Tunateli kudiloñesha ñahi kulonda tukwashi amakwawu?