CHATELA KUSHAKAMAWU AKWAKRISTU
Dimonenuña Neyi Chayimonañayi Yehova
“Yehova wayitiyaña kuwaha antu jindi.” (Ms 149:4) Hela chakwila twawanina wanyi, wamonaña yilwilu yayiwahi niyuma yitunateli kwila. Hela chochu, mpinji yikwawu chatukalilaña kumona yilwilu yayiwahi mudi etu aweni. Tunateli kutoñojoka netu twashikilamu wanyi nanochu chatumonañawu kudi antu amakwawu. Hela neyi tusweja kwanuka yiluwa yetu yakunyima, tunateli kujinooka neyi Yehova watukeña. Chumanyi chikutukwasha neyi dichitunakutiya?
Anukenuña nenu Yehova wamonaña yuma yejima kubadika antu. (1Sa 16:7) Dikwila nawu watumonaña kubadika chitwadimonaña etu aweni. Twasakililaña muloña Bayibolu yatukwashaña kwiluka chatumonañayi Yehova. Tunateli kwiluka chumichi neyi tutaña mavasi amuBayibolu anakumwekesha Yehova chakeñayi antu adifukulaña kudi yena.
TALENU VIDIYO YINAKWILA NAWU SHENU MUCHIMA WENU KUDI YEHOVA, NAWA AKULENU AWA MALWIHU:
Chakutalilahu chamukakutemuka natata yindi chinakutudizishadi hadi Yehova chatumonañayi?
Neyi muntu wunakoñi nshidi yeneni azata nañovu kulonda awahishi wubwambu windi naYehova, nateli kwiluka ñahi chikupu mumuchima nindi anamwanakeni?—1Yo 3:19, 20
Kutaña nikutoñojoka hansañu yaDavidi niYehoshafati kwamukwasha ñahi manakwetu?