Kuwahisha Njila Jetu Jakushimwinamu—Kukwasha Antu Akweti “Nyichima Yashinshika” Kwikala Atumbanji

CHICHALEMENA: Yehova wakwashaña mbutu yachalala kukula munyichima yawantu anakukeña “kwikala nawumi wahaya nyaaka.” (Yil 13:48; 1Ko 3:7) Twazatilaña hamu nindi mumudimu wakushimwina neyi tusha maana hadi antu anakulondela yuma yinakudizawu. (1Ko 9:26) Atudizi aBayibolu atela kwiluka nawu hakwila akapuluki, atela kupapatishewa chipapatishu chawakwaKristu. (1Pe 3:21) Twayikwashaña kwikala atumbanji neyi tuyikwasha kuhimpa chihandilu chawu, tuyishimwina nawa tuyidizisha kuhana mawumi awu kudi Yehova.—Mat 28:19, 20.

YUMA YIMWATELA KWILA:

• Yilejenu atudizi aBayibolu nenu munakudiza nawu kulonda muyikwashi amwiluki Yehova nawa amuzañalesheña.—Ywn 17:3

• Yikwashenu apameña kuspiritu kuhitila mukushinda ikañesha, chidi neyi yilwilu yatama nawa nikubula kudikunda nawamabwambu atama

• Yikoleshenu henohu kanda apapatishewi nihanyima yakupapatishewa.—Yil 14:22

TALENU VIDIYO YINAKWILA NAWU YEHOVA WUKUYIKWASHA, KUHIÑAHU AKULENU MALWIHU ANALONDELIHU:

• Yumanyi yikumutiyisha woma muntu kupapatishewa?

• Aeluda anateli kukwasha ñahi atudizi aBayibolu kupaminaku?

• Indi nsona ya Isaya 41:10 yatudizishañadi hadi Yehova?

• Yilwilwinyi yikutukwasha kumuzatila Yehova hela chakwila tudi akanshidi?