Hoshenu Hayuma Yakeñawu Antu

Chamwekesheliyi Yesu Ichi Chilwilu

VIDIYO: Yesu Wudi naMumbanda Heshima

1. Talenu VIDIYO, hela tañenu Yowanu 4:​6-9. Kufumahu dihulenu awa malwihu:

1. Chumanyi chamweniyi Yesu mudi iwu mumbanda henohu kanda yatachiki kuhanjeka nindi?

2. Yesu nindi: “Nyinkihu menji akunwa.” Tukuhosheladi netu iyi njila yazatishiliyi Yesu kutachika kuhanjeka yayiwahi?

Chumanyi Chitunakudizila Kudi Yesu?

2. Neyi tutachika kuhanjeka namuntu hayuma yinakeñiyi, kuhanjeka kwetu kukuwaha.

Mufwanenu Yesu

3. Ikalenu amwovu. Bayi mukolela hohu kunsañu yimwaloñesha hakutachika kuhanjeka namuntuku. Tachikenu kuhanjeka hansañu yinakutoñojokawu antu hanoyu mpinji. Dihulenu nenu:

1. ‘Yumanyi yinakuhoshawu antu?’

2. ‘Indi antuñi nami, akwetu mutwazatilaña, hela akwetu akashikola anakuhosha hayumanyi?’

4. Ikalenu asoñama. Dihulenu nenu:

1. ‘Yumanyi yinakwilayi iwu muntu? Yumanyi yinakutoñojokayi?’

2. ‘Indi nvwalilu, mmwekenu hela itala danowu muntu yinakunlejadi kutalisha hayuma yakuhwelelayi hela chisemwa chindi?’

3. ‘Komana ayinu mpinji yinawahi kuhosha nindi?’

5. Tiyenu chinakuhoshayi.

1. Bayi musweja kuhoshaku.

2. Mulekenu yashimuni. Neyi chinatwesheki, mwihulenu.