ISAYA
1 Ma e fweny ma Isaya*+ wuod Amoz ne oneno e wi Juda kod Jerusalem e kinde ma Uzia,+ Jotham,+ Ahaz,+ kod Hezekia+ ne locho e wi Juda:+
2 Winjuru un polo; chikuru itu un piny,+
Jehova owacho niya:
3 Ruath ong’eyo wuon-go ma nong’iewe,
Punda ong’eyo kul ma wuon-go ogerone;
Israel to ok ong’eya,+
Joga ok ti gi rieko.”
4 Yaye, nobed malit ne oganda mohero richo,+
Oganda ma opong’ gi richo,
Koth jo morochore, nyithind mibadhi!
5 Be nitie ka modong’ e dendu ma digo nikech pod wiu tek ateka?+
Adhonde opong’o wiu,
Kendo chunyu duto tuo.+
6 Dendu duto tuo kochakore e wiu nyaka e tiendu.
Dendu oridhore, oriemo, kendo opong’ gi adhonde,
Pok oket yath e adhondego, pok obogi, kendo pok owirgi gi mo.+
7 Pinyu osedong’ gunda.
Osewang’ miechu gi mach.
Jo ma a e pinje mamoko oseyako puotheu kuneno.+
Pinyu chalo gi gunda ma jomamoko oseketho.+
8 Nyar Sayun odong’ ka kiru manie puoth mzabibu,
Ka kiru manie puoth budho,
Ka dala ma jowasigu olworo.+
9 Ka dine Jehova Nyasach oganda lweny ok oreso jomoko kuomwa,
Dikoro wachal gi Sodom,
Kendo dikoro wachal gi Gomora.+
10 Un ruodhi mag Sodom, winjuru wach Jehova.+
Un Jo-Gomora, chikuru itu ne chike mag Nyasachwa.+
11 Jehova penjo kama, “Misengni mang’eny muchiwo konya gang’o?+
“Aol gi misengni mag yimbe ma uwang’ona+ gi boche mag le machwe muchiwo,+
Kendo ok agomb remb+ nyiruedhi,+ gi remb nyirombe, kod remb diek muchiwona.+
12 Ng’ano ma noluongou mondo ubi e nyima?+
Ng’ano ma nonyisou ni utim kamano?
Ang’o momiyo unyono anyona laruna kamano?+
13 Weuru kelona chiwou manono mag cham.
Asin gi ubani ma uwang’ona.+
Kik ugo milome miluongogo ji e chokruoge,+ kendo kik utimna sawo mag dwe manyien+ gi mag sabato.+
Chunya osin gi chokruoge mowal ma utimona ka konchiel to uhero timbe juok.+
14 Asin gi sawo mutimo mar dwe manyien gi sewni mamoko.
Gisebedona ka osigo mapek;
Aol gi ting’ogi.
15 Kata ka uting’o lweteu malo,
To anapandnu wang’a.+
17 Puonjreuru timo gik mabeyo, dwaruru tim makare,+
Kweruru jo ma sando ji,
Keduru ne ratiro mag nyithi kiye,
Kod mag mond liete.”+
18 Jehova owacho niya, “Koro, biuru walos weche.+
“Kata obedo ni richou kwar ka remo,
Ginibed ma rachar ka pe;+
Kata gikwar ka otamba makwar,
Ginibed ma rachar ka yie rombe.
19 Ka uikoru winja,
Unucham gik mabeyo manie piny.+
21 Mano kaka dala ma ne oluoro Nyasaye+ oselokore jachode!+
23 Jotendu wigi tek kendo giriwore gi jokuoge.+
Giduto gihero asoya kendo gimanyo mich gi kinda.+
Ok giyal buch nyithi kiye e yo makare,
Kendo ok gidew buch mond liete.+
24 Omiyo, Jehova Nyasach oganda lweny,
Ruoth ma nigi teko, Nyasach Israel, wacho niya:
“Abiro tieko wasika duto,
Kendo abiro chulo kuor.+
25 Abiro chwadou gi lweta,
Analeny chilo man kuomu mana ka ng’at ma lwoko nanga gi sabun,
Mi anagol chilo duto man kuomu.+
26 Anaketnu jong’ad bura mabeyo mana kaka chon
Kod jong’ad rieko mana kaka chon.+
Eka ibiro luongi ni Dala mar Tim Makare kendo Taon Moluoro Nyasaye.+
27 Ibiro res Sayun gi bura makare+
Kendo joge moduogo ibiro res gi tim makare.
30 Unuchal ka yath maduong’ ma obokene oner,+
Kendo ka puodho motwo.
31 Ng’at ma ratego nobed ka yuk tworo,*
Kendo tijene nobed ka pilni mach;
Giduto ibiro wang’gi e mach,
Kendo onge ng’at ma nosim majno.”
2 Ma e gima Isaya wuod Amoz ne oneno e wi Juda gi Jerusalem:+
2 E ndalo mag giko,
Ibiro gur motegno got ma od Jehova nitiere,
Enobed malo moloyo gode duto,+
Ibiro ting’e malo moloyo gode duto,
Kendo ogendni duto nodhiye.+
3 Ji mang’eny biro wacho niya:
“Biuru, wadhi e god Jehova,
E od Nyasach Jakobo.+
Obiro puonjowa yorene,
Mi wanawuoth e yorene.”+
4 Obiro ng’ado bura e kind ogendni,
Enorie weche mondo okel ber ne ji mang’eny.
Ginithedh ligengnigi obed kwer,
Kendo tongegi obed pand keyo.+
Oganda ok noting’ ligangla ne oganda machielo,
Ok ginichak gipuonjre lweny kendo.+
5 Yaye od Jakobo, biuru,
Wawuothuru e ler mar Jehova.+
6 Isejwang’o jogi, jood Jakobo,+
Nikech pile giluwo timbe jo modak yo wuok chieng’,
Gihero timbe juok+ mana ka Jo-Filistia,
Kendo nyithind welo e mopong’o pinygi.
7 Pinygi opong’ gi fedha kod dhahabu,
Mwandu ma gin-go ng’eny ma ok kwanre.
Pinygi opong’ gi farese,
Gin gi geche lweny ma ok kwanre.+
8 Pinygi opong’ gi nyiseche manono.+
Gikulore ne gik ma giloso gi lwetegi,
Adier, gikulore ne gik ma giloso gi lith lwetegi.
9 Dhano kulore kendo oduokore piny,
Ok inyal weyonegi richogi.
11 Jo ma ng’awore ibiro duok piny,
Kendo jo ma sungore noyud wich-kuot.
E odiechiengno, Jehova kende e ma ibiro ting’ malo.
12 En odiechieng Jehova Nyasach oganda lweny.+
Odiechiengno nobi kuom ji duto ma ng’awore kod josunga,
Jo ma nigi huma kod ma ongego,+
13 Kuom yiend sida maboyo mag Lebanon kendo moting’ore malo,
Kendo kuom yiende madongo mag Bashan,
14 Kuom gode duto madongo
Kendo kuom gode duto maboyo,
15 Kuom ohinga duto maboyo kod kuonde duto mochiel motegno,
16 Kuom meli duto mag Tarshish+
Kendo kuom yiedhi mabeyo duto.
17 Jo ma ng’awore ibiro duok piny,
Kendo jo ma sungore noyud wich-kuot.
E odiechiengno, Jehova kende e mibiro ting’ malo.
18 Nyiseche manono biro lal nono.+
19 E kinde ma Jehova noa malo mondo oyieng piny matek
Ji biro donjo e rogni manie lwendni+
Kendo e buche manie piny,
Nikech giluoro duong’ne malich+
Kod tekone miwuoro.
20 E odiechiengno, ji biro choko nyisechegi mag fedha kod dhahabu
Ma ne giloso mondo gikulrenegi
Kendo gibiro witogi ne oyieyo kod oliktiga,*+
21 Mondo gidonj e rogo manie lwendni
Kendo e buche manie lowo
E kinde ma Jehova noa malo mondo oyieng piny matek,
Nikech giluoro duong’ne malich
Kod tekone miwuoro.
22 Ka udwaro ber, kik ugen dhano adhana
Ma muche nie ume.
Ang’o ma dimi ugene?
3 Neuru! Jehova Ruoth madier kendo Nyasach oganda lweny,
Golo e Jerusalem kod Juda yoregi duto ma gisirorego,
Ogolo chiemo kod pi,+
2 Ng’at ma ratego kod jalweny,
Jang’ad bura kod janabi,+ jakor wach kod jaduong’,
3 Jatend ji 50,+ gi ng’at ma nigi duong’, kod jang’ad rieko,
Jambofwa kod jandagla.+
4 Anaket yawuoyi obed jotendgi,
Kendo jo ma yom yom noloch e wigi.
5 Ji biro sando jowetegi,
Ng’ato nodhaw gi nyawadgi.+
Wuoyi matin biro goyo jaduong’ moti,
Kendo ng’at mocha biro sungore e nyim ng’at ma imiyo luor.+
6 Ng’ato ka ng’ato nomak owadgi e od wuon-gi kowachone niya:
“Bed jatendwa nimar in gi law abola.
Bed ruoth e wi piny mokethoreni.”
7 To obiro tamore e ndalono kowacho niya:
“Ok anathiedh adhondeu;
Aonge gi chiemo kata lewni e oda.
Kik uketa ruoth.”
8 Jerusalem osekethore,
Kendo Juda osepodho,
Nikech Jehova osin gi wechegi kod timbegi;
Gisekwedo duong’ne e nyime.+
Yaye nobednegi malit, giniyud masira nikech timbegi.
10 Nyis jo makare ni gik moko biro dhinegi maber;
Gibiro yudo pok nikech gik ma gitimo.+
11 Nobed malit ne jaricho!
Masira biro nwang’e,
Ibiro timne mana kaka osetimo ne jomoko!
12 Jo ma otelo ne joga e tich sandogi,
Mon e ma locho e wigi.
Yaye joga, jotendu osemiyo ubaro tenge,
Gin e ma gisegwenyo yoreu.+
13 Jehova osechung’ mondo odonjne ji;
Osechung’ mondo okum ji.
14 Jehova biro yalo jodongo kod jotend joge.
“Usewang’o puoth mzabibu,
Gik musekwalo kuom jochan nie uteu.”+
15 Jehova Wuon Loch Duto kendo Nyasach oganda lweny penjou kama: “Ang’o momiyo uthago joga kama?
Ang’o momiyo uridho wenge jo modhier e lowo?”+
16 Jehova wacho niya: “Nikech nyi Sayun sungore,
Giwuotho ka giting’o wigi malo,*
Gidiyo wengegi ka giwuotho gi sunga
Bangli manie tiendegi ywak ka giwuotho,
17 Jehova biro goyo wi nyi Sayun gi adhonde,
Kendo Jehova biro miyo pat wigi odong’ nono.+
18 E odiechiengno Jehova biro golo gik dusruok ma girwako,
Bangli, gik ma gitueyo e wigi,+
19 Stadi, tigo, kod otamba miumogo wang’,
20 Otembni miumogo wich, bangli mag tielo, kod msip mitueyo ariwa e kor,
Gik miting’oe gik ma ng’we ng’ar kod gagi,
21 Tere mag lwedo kod mag um,
22 Lepgi mabeyo, kabut, law abola, kod kibeti,
23 Kio mag lwedo+ kod lewni mag kitani,*
Kilemba kod otembni miumogo wang’.
24 Kar winjo tik mamit mar mor balsam,+ unuwinj mana tik motow;
Kar tueyo msip unutue tol;
Kar suko wiu maber, unubed robonde;+
Kar rwako law maber, unurwak gunia;+
Kar bedo jochia, unubed gi mbelni e dendu.
25 Jogi noneg gi ligangla,
Kendo jogi ma thuondi notho e lweny.+
4 E ndalono, mon abiriyo biro dhi ir dichwo achiel+ kendo wachone niya:
“Wabiro chamo chiembwa,
Wabiro rwako lepwa wawegi;
Yienwa ayiea oluongwa gi nyingi
2 E ndalono, yath ma Jehova biro miyo olodhi nobed gi duong’ malich miwuoro, kendo gik ma piny onyago e ma nokel ne Jo-Israel motony mor kod pak.+ 3 Ng’ato ang’ata ma biro dong’ Sayun kendo ma biro dong’ Jerusalem, ibiro luong ni ng’at maler. Ibiro ndik nyinge ji duto man Jerusalem e kitap ngima.+
4 Jehova biro ng’ado bura ne Jerusalem gi mirimbe mager. Obiro lwoko chilo* mag nyi Sayun+ kendo pwodho Jerusalem kuom remo ma ne gichuero.+ 5 Jehova bende biro keto bor polo kod yiro godiechieng’ kendo obiro keto mach gotieno e alwora duto mag Got Sayun kod kuonde duto ma otimoe chokruogene.+ Kendo tipo noim dala ma nigi duong’no. 6 Kiru nobedie ma ng’ato nyalo donjoe sa ma piny liet godiechieng’+ kendo ma onyalo bwokie ka koth maduong’ chue.+
5 Yienauru awer ne jaherana
Wend jaherana kod puothe mar mzabibu.+
Jaherana ne nigi puoth mzabibu e bath got ma nyak ahinya.
2 Ne opure mi ogolo kite e iye.
Nogeno ni mzabibuno biro nyago olemo,
To ne onyago mana olemb bungu.+
3 “To koro un jo modak Jerusalem kod Juda,
Yalauru kod puotha mar mzabibu.+
4 Ang’o ma ne ok atimo ne puothani
Ma ne onego atim?+
Nageno ni obiro nyago olemo,
To ang’o momiyo ne onyago mana olemb bungu?
5 Koro, asayou, winjuru,
Ma e gima abiro timo ne puotha mar mzabibu:
Abiro golo yiende ma ochielego,
Kendo ibiro wang’e duto.+
Abiro muko kite ma ochielego,
Kendo ibiro nyone anyona.
6 Abiro weye mondo okethre;+
Ok bi lwere kendo ok bi doye.
7 Puoth mzabibu mar Jehova Nyasach oganda lweny en od Israel;+
Yath ma nohero ahinya gin Jo-Juda.
Nogeno ni gidhi bedo jo adiera,+
To neuru! Ne ok gitimo kamano;
Nogeno gik makare,
To neuru! Nowinjo mana ywak malit.”+
8 Yaye, nobed malit ne jogo ma medo gero udi+
Kod ma medo yaro puothe+
Mi chop ka ma piny opong’ thich,
Ma koro udong’ kudak kendu e piny!
9 Asewinjo gi ita ka Jehova Nyasach ogendni kuong’ore,
Ni ute madongo kendo mabeyo,
Biro dong’ nono,
Kendo ji ok nodagie.+
10 Unuyud divai ma romo rapim* achiel e puoth mzabibu ma romo eka apar,
Unuyud cham ma romo efa* achiel ka ukomo kodhi ma romo homer* achiel.+
11 Nobed malit ne jogo ma mondo madho kong’o,+
Kendo ma budho nyaka dier otieno ka gimer gi divai!
12 Gitimo nyasi mopong’ gi divai kendo gigoyo gige thum ma nigi tonde,
Gigoyo oyieke, asili, kod nyatiti;
To ok gidew tije Jehova,
Kendo ok gipar tich lwete.
13 Omiyo, joga biro dhi e tuech
Nimar ok ging’eya;+
Jo ma gimiyo duong’ biro riyo kech,+
Kendo riyo noneg ogandagi duto.
14 Liel* oseng’amo dhoge malach,
Ee, oseyawo dhoge maduong’;+
Joge ma nigi duong’, ogandane mopong’ gi koko, kod joge manie nyasi mochochni
Biro nyumore e iye.
15 Ng’ato biro kulore,
Ng’ato ibiro duok piny,
Jo ma ng’awore ibiro duok piny.
16 Jehova Nyasach oganda lweny noyud duong’ kong’ado bura;
Nyasaye madier kendo Ng’at Maler+ biro nyiso ni oler kokalo kuom timne makare.+
17 Nyirombe biro kwayo kuondego mana ka gima gikwayo e legegi,
Welo nokwa kuonde mojwang’ ma yande jamni machwe kwayoe.
18 Yaye nobed malit ne jogo ma ywayo richogi gi tonde mag miriambo,
Ka jo ma ywayo gari gi tol;
19 Jogo ma wacho niya: “Otim tichne piyo;
Otime piyo mondo wanene.
Dwach Ng’at Maler mar Israel mondo otimre,
Mondo wang’e dwacheno!”+
20 Yaye nobed malit ne jo ma wacho ni gima ber rach to gima rach ber,+
Jo ma wacho ni mudho en ler to ler en mudho,
Jo ma wacho ni gima mit kech, to gima kech mit!
21 Yaye nobed malit ne jo ma neno ni giriek,
Kendo ma paro ni ging’eyo!+
22 Yaye nobed malit ne jo moowore gi madho divai,
Kaachiel gi jo ma olony e loso kong’o makech,+
23 Jogo ma weyo joketho nikech asoya,+
Kendo ma ketho buch ng’at makare!+
24 Omiyo, mana kaka ligek mach wang’o yugi,
Kendo kaka lum motwo wang’ e mach,
E kaka tiendegi biro tow,
Kendo thiepegi biro kere ka buru,
Nikech gisetamore luwo chik Jehova Nyasach oganda lweny,
Mi gichayo wach Ng’at Maler mar Israel.+
25 Mano e momiyo Jehova olo mirimbe mager e wi joge,
Obiro rieyo lwete mi nochwadgi.+
Kendo pod orieyo lwete mondo ogogi.
26 Oseng’awo bendera ne oganda man ka mabor;+
Oseliyonegi mondo gibi ka gi a e tung’ piny;+
Neuru! Ogandano biro ka ringo.+
27 Onge ng’ato ang’ata kuomgi mool kata ma chwanyo tiende.
Onge ma nindo tero.
Msip ma gitueyo e nungogi ok ombekni kata matin,
Tonde wuochegi ok ochot.
28 Asernigi duto bith,
Atungegi duto oseywa.
Ombong’ faresegi tek ka kidi,
Kendo tiend gechegi winyore ka kalausi.+
29 Giruto mana ka sibuor;
Mana ka sibuoche motegno.+
Gibiro ruto matek kae to gimako le,
Gibiro a gi leno kendo onge ng’at ma norese.
30 E ndalono gibiro ruto e pinyno
Mana ka nam ma wuo.+
Ng’ato ang’ata ma ng’iyo pinyno biro neno mudho mandiwa;
Kata mana ler biro lokore mudho nikech boche polo.+
6 E higa ma ne Ruoth Uzia othoe,+ ne aneno Jehova kobet e kom-lochne moting’ore malo+ kendo ma nigi duong’, kendo lawe ma norwako ne opong’o hekalu. 2 Joserafi ne ochung’ e wiye; moro ka moro kuomgi ne nigi buombe auchiel. Giduto ne giumo wengegi gi buombe ariyo, tiendegi bende ne giuomo gi buombe ariyo, to ariyo modong’ ne gifuyogo.
3 Moro ka moro ne wacho ne nyawadgi niya:
“Maler, maler, maler, en Jehova Nyasach oganda lweny.+
Piny duto opong’ gi duong’ni.”
4 E kinde ma ne gikok kamano, mise mag dhoudi ne yiengni kendo yiro ne pong’o ot duto.+
5 Eka ne awacho niya: “Yaye, piny lichna!
Achalo mana ng’at mosetho,
An ng’at ma dhoge ok ler,
Kendo adak e kind jo ma dhogi ok ler;+
To aseneno Jehova Ruoth kendo Nyasach oganda lweny!”
6 Eka achiel kuom joserafigo nofuyo mobiro ira koting’o maka maliel+ ma nokwanyo gi ramaki e kendo mar misango.+ 7 Ne omulo dhoga mowachona kama:
“Ne! Gini osemulo dhogi.
Osegolni kethoni duto,
Kendo osepwodh richoni duto.”
8 Eka ne awinjo dwond Jehova ka penjo niya: “Abiro oro ng’a? Ng’ano ma nobednwa jaote?”+ Mi nadwoko niya: “An ka! Ora!”+
9 Mi nowachona niya, “Dhi iwach ne jogo niya:
10 We mondo chuny jogo obed matek+
Mondo weche kik donjnegi,+
Din itgi
Mondo kik giwinj wach gi itegi,
Din wengegi
Mondo kik ginen gi wengegi,
Kendo kik gilokre mi gichangi.”+
11 Eka ne apenje niya: “A Jehova, nyaka karang’o?” To nodwoka niya:
“Nyaka chieng’ ma mier nodong’ie gunda
Kendo ma ute nodong’ ka onge jo ma odakie
Kendo ma piny ibiro we kokethore chuth;+
12 Nyaka chieng’ ma Jehova biro riembo ji duto mabor+
Mi kuonde mojwang’ e piny nobed mang’eny.
13 “To pod achiel kuom apar biro dong’ie, to ibiro wang’e kendo mana kaka yath maduong’ kendo kaka yadh mwaloni* ma ka osetong’ to weyo kisikine; kodhi maler e ma nobed kisikine.”*
7 E ndalo ma Ahaz+ wuod Jotham ma wuod Uzia ne locho e wi Juda, Rezin ruodh Siria kod Peka+ wuod Remalia ruodh Israel nobiro monjo Jerusalem. Kata kamano, ne ok olocho.*+ 2 Wach ne ochopo ne jood Daudi niya: “Jo-Siria oseriwore gi Jo-Efraim.”
Eka luoro maduong’ ne omako Ahaz kod joge, mi gichako tetni mana ka yiende ma yamo yuko e bungu.
3 To Jehova nowacho ne Isaya niya: “Wuog idhi gi wuodi ma Shear-jashub*+ mondo irom ne Ahaz kama freji ma golo pi e yawo ma malo ogikie,+ but yo mochomo puoth jalwok lewni. 4 Iniwachne kama, ‘Kik iluor kendo kik iwe mirima ma wuod Remalia kod Rezin ma ruodh Siria nigo oneg chunyi, nikech gin mana osiki ariyo mag mach machiegni sim.+ 5 Nikech Jo-Siria gi Efraim kaachiel gi wuod Remalia osechano tiekou ka giwacho niya: 6 “Wadhi waked gi Juda, wakidhe, kendo wakawe,* kae to waket wuod Tabeel obed ruoth kuno.”+
7 “‘Jehova Wuon Loch Duto owacho niya:
“Gima kamano ok nyalre,
Kendo ok notimre ngang’!
8 Nimar wi Siria en Damaski,
To wi Damaski en Rezin.
Kendo ka pok higni 65 orumo,
Ibiro keth Efraim chuth mi ok nochak obed oganda.+
Ka ionge gi yie motegno,
To miseni ok nobed motegno.”’”
10 Jehova nomedo wacho ne Ahaz niya: 11 “Kwa Jehova Nyasachi mondo otimni ranyisi moro amora.+ Onyalo bedo ranyisi matut ka Liel* kata mabor ka polo.” 12 To Ahaz nodwoko kama: “Ok abi kwayo Jehova wachno, kendo ok abi teme.”
13 Eka Isaya nowacho niya: “Winjuru un jood Daudi! Usejogo ji, to koro ang’o momiyo udwaro jogo Nyasaye bende?+ 14 Kuom mano, Jehova owuon biro timonu ranyisi: Neuru! Nyako moro biro mako ich kendo obiro nyuolo wuoyi,+ mi nochake ni Emanuel.*+ 15 Nyathino biro chako chamo mor dhiang’ gi mor kich ka pok ong’eyo pogo ber gi rach. 16 Nimar ka pok nyathino ong’eyo pogo ber gi rach, ibiro jwang’ pinje ma ruodhi ariyo ma iluorogo lochoe.+ 17 To in Ahaz, kod jogi, kaachiel gi jood wuonu, Jehova biro miyo ubed gi kinde matek. Mago nobed kinde ma pok nobedoe chakre ne Efraim pogre gi Juda,+ nimar obiro kelonu ruodh Asuria mondo oked kodu.+
18 “E ndalono, Jehova biro liyo mi lwang’ni moa mabor e aoche mag Nael e piny Misri nobi, kendo kich moa e piny Asuria bende nobi. 19 Mi ginipi e hohni, e buche mag lwendni, e wi yiende duto motimo kuthe, kaachiel gi pewe mag kwath duto.
20 “E ndalono, Jehova biro lielo yie wiyi, yie tiendi, kaachiel gi yie tiki kotiyo gi wembe mohol e pinje man but Aora.* Obiro tiyo gi ruodh Asuria.+
21 “E ndalono, ng’ato nopidh dhiang’ achiel gi rombe ariyo. 22 Kendo nikech chak nobed mang’eny e piny, ng’atno nocham mor dhiang’, kendo ng’ato ang’ata modong’ e pinyno nocham mor dhiang’ gi mor kich.
23 “E ndalono, puothe ma yande opidhie mzabibu 1,000 ma nengogi romre gi fedha 1,000 nolokre bunge motimo kuthe gi buya. 24 Jo ma biro dhi kuno noting’ atunge kod asere, nikech pinyno nopong’ gi bunge kod kuthe. 25 Kendo ubiro luor dhi but gode duto ma yande upuro gi kwer, nikech ginitim bunge kod kuthe mang’eny. Ruedhi gi rombe e ma biro kwayo kuondego.”
8 Jehova nowachona kama: “Kaw bao moro malach+ gi kalam mondo indik e wi baono ni ‘Maher-shalal-hash-baz.’* 2 Kendo Uria+ jadolo kod Zekaria wuod Jeberekia e ma mondo obedna joneno* nikech gin jo mogen.”
3 Ne anindo gi chiega ma ne en janabi, mi nomako ich monyuolo nyathi ma wuoyi.+ Eka Jehova nowachona niya: “Chak nyathino ni Maher-shalal-hash-baz, 4 nimar ka pok ong’eyo wacho ni ‘Baba!’ kata ‘Mama!’ to ruodh Asuria nomonj Damaski kod Samaria mi noyak mwandugi duto.”+
5 Jehova ne owachona kendo niya:
6 “Nikech ogandani osedagi modho pi mamol mos koa Shiloa*+
Kendo gimor gi Rezin kod wuod Remalia,+
7 Jehova biro kelonegi
Pi Aora* mang’eny ma ringo matek,
Ruodh Asuria+ gi duong’ne duto.
Obiro pong’o aochene matindo duto,
Mi omwom gengene duto
8 Kendo enoywe Juda.
9 Un ogendni, dhiuru uhinygi, to ng’euru ni ibiro ng’inju matindo tindo.
Winjuru un jo moa kuonde maboyo mag piny!
Ikreuru aika ne lweny, to ng’euru ni ibiro ng’inju!+
Ikreuru aika ne lweny, to ng’euru ni ibiro ng’inju!
10 Chanuru gima udwaro timo, to ung’e ni chenrono biro kethore!
11 Lwet Jehova ma nigi teko ne ni kuoma ka ne osiema ni kik aluw timbe ogandani. Nowachona niya:
12 “Gima ogandani luongo ni ndhogruok,* in kik iluong ni ndhogruok!
Kik iluor gima giluoro;
Gino kik bwogi.
13 Jehova Nyasach oganda lweny, en e monego ikwane ka Jal maler,+
En kende e ma onego iluore,
Kendo en kende e ma onego obwogi.”+
14 Obiro bedo kaka ka maler,
Kaka kidi ma ji chwanyoree,
Kaka lwanda ma chwanyo ji+
Dhoudi ariyo mag Israel,
Kaka obadho kendo otegu
Ne jo ma odak e Jerusalem.
15 Ng’enygi biro chwanyore mi gipodh kendo ginitur;
Obadhono biro makogi.
16 Dol buk mondikie wechegi;
Tue matek chik ma amiyo jopuonjrena!
17 Abiro rito Jehova+ ma osepando wang’e ne jood Jakobo.+ En e ma abiro gene.
18 Neuru! An kaachiel gi nyithindo ma Jehova osemiya,+ wan ranyisi+ kendo honni ma Jehova Nyasach oganda lweny modak e Got Sayun oseoro e piny Israel.
19 Kendo ka giwachonu niya: “Penjuru wach kuom ajuoke kod jokor wach ma jajni kendo ma dhum,” donge Nyasachgi e mowinjore gipenj wach? To be owinjore jo mangima openj wach kuom jo motho?+ 20 Ooyo. Kar mano, onego gipenj wach e wi chik kod gik mosendiki!
Ka ok giwacho gik mowinjore gi wachni, to ok ginine ler mokinyi.+ 21 Ng’ato ka ng’ato biro kadho e piny ka othagore kendo kodenyo,+ kamano iye biro wang’ mi oting’ wang’e malo mondo okuong’ ruodhe kod Nyasache. 22 Kae to kong’iyo piny obiro mana neno chandruok gi mudho, lit kod kuyo kaachiel gi mudho mandiwa.
9 Kata kamano, mudho mandiwano ok bi chalo gi kinde ma ji ne chandore e piny, kaka e kinde ma ji nochayo piny Zebulun kod Naftali.+ To e ndalo ma biro Nyasaye biro miye duong’, tiende ni, Galili ma en piny ogendini mamoko man e yo ma dhi e nam e alwora mar Jordan.
2 Jo ma ne wuotho e mudho
Oseneno ler maduong’.
Kendo ler oserieny
Ne jo modak e piny motimo mudho.+
3 Isemiyo oganda obedo gi huma;
Isemiyo mor ma gin-go omedore.
Gimor ahinya e nyimi
Mana kaka ji mor e ndalo keyo
Mana kaka ji mor sa ma gipogo gik moyaki.
4 Iseturo jok ma giting’o,
Luth ma giting’ogo gik moko e gokgi, ludh nyapara margi
Mana kaka e ndalo Midian.+
5 Wuoch duto ma yiengo piny sa ma ji wuotho
Kod lewni duto monyum e remo
Nowang’ mana ka yien michwakogo mach.
Ibiro luonge ni Jang’ad Rieko Molony,+ Nyasaye ma Jateko,+ Wuoro Mosiko, Ruodh Kuwe.
7 Lochne biro medore ameda,
Kuwe mobiro kelo kolocho e kom-loch Daudi+ kod e pinyruodhe
Nobed ma onge giko,+
Enogur komno+ gi bura makare+ kod tim makare+
Mondo obed motegno
Chakre sani kendo nyaka chieng’.
Jehova Nyasach oganda lweny biro timo mano gi kinda.
8 Jehova oseoro wachne ka osiemogo jood Jakobo,
Kendo wachno osechopo kuom Israel.+
9 Ji duto biro ng’eyo wachno
—Efraim kod jo modak Samaria—
Ma wacho gi sunga kendo gi tok matek niya:
10 “Matafari osepodho,
To wanaged gi kite mopa.+
Osetong’ yiend ng’ope
To wabiro pidho yiend sida.”
11 Jehova biro kelo jowasigu mondo oked gi Rezin
Kendo obiro thuwe gi wasike,
12 Siria noa yo wuok chieng’ to Jo-Filistia yo podho chieng’,+
Gibiro yawo dhogi mi gimuony Israel.+
Kata kamano, mirimbe pok odok chien,
Kendo pod orieyo lwete mondo ogogi.+
13 Nimar ogandano pok oduogo ir Ng’at ma nogoyogi;
Pok gimanyo Jehova Nyasach oganda lweny.+
15 Wich en jaduong’ kod ng’at ma imiyo luor,
Yip en janabi ma riambo.+
16 Jo ma tayo ogandani e ma osewitogi,
To jo mitayo ok ong’eyo ka ma onego gidhiye.
17 Mano e momiyo Jehova biro sin gi yawuotgi,
Kendo ok obi kecho nyithi kiye kod mond lietegi
Nikech giduto giseng’anyone kendo gihero timo richo+
Bende, giduto giwacho weche mofuwo.
Kata kamano, mirimbe pok odok chien,
Kendo pod orieyo lwete mondo ogogi.+
18 Nimar richo liel ka mach,
Ma wang’o yiend kuthe kod buya.
Obiro wang’o bungu,
Mi giniidh malo mana ka yiro motuere.
19 Mirima mager mar Jehova Nyasach oganda lweny
Osemoko mach e piny duto,
Kendo ji e ma biro bedo kaka yien miwang’o.
Ng’ato ok bi kecho kata mana owadgi.
20 Ng’ato nocham gima nie bade korachwich
To pod kech nokaye;
Ng’ato nocham gima nie bade koracham
To ok obi yieng’.
Ng’ato ka ng’ato nocham ringre bade owuon,
21 Manase biro chamo Efraim,
To Efraim bende nocham Manase.
Giduto gibiro kedo gi Juda.+
Kata kamano, mirimbe pok odok chien,
Kendo pod orieyo lwete mondo ogogi.+
10 Yaye nobed malit ne jogo ma loso chike ma hinyo ji,+
Jogo ma pile keto chike ma thiro ji,
2 Mondo giketh buch jachan,
Mondo giyak gige joga ma chandore,+
Giyak mond liete
Kendo peyo nyithi kiye!+
4 Ubiro kirni e kind jo motue*
Unupodh e kind jo ma onegi.
Kata kamano, mirimbe pok odok chien,
Kendo pod orieyo lwete mondo ogogi.+
6 Abiro ore mondo ogo oganda moseng’anyona,+
Ogo oganda mosewang’o iya;
Abiro chike mondo oyak kendo ope mwandugi mang’eny,
Kendo onyon-gi mana ka chuodho manie wang’ yo.+
7 To ok obi dwaro timo kamano,
Kendo chunye ok bi chwale timo kamano;
Nikech chunye gombo mana tieko ji,
Ogombo tieko ogendni mang’eny.
8 Nimar owacho niya,
‘Donge jotenda duto gin ruodhi?+
9 Donge Kalno+ chal mana gi Karkemish?+
Donge Hamath+ chal mana gi Arpad?+
Donge Samaria+ chal mana gi Damaski?+
10 Lweta osemako pinjeruodhi duto ma lamo nyiseche manono,
Pinjeruodhi ma sanamu maggi ne ng’eny moloyo mag Jerusalem gi Samaria!+
11 Donge abiro timo ne Jerusalem gi sanamu mage
Gima ne atimo ne Samaria gi nyisechene manono?’+
12 “Ka Jehova osetieko tijene duto e Got Sayun kod Jerusalem, obiro kumo ruodh Asuria nikech weche mosetimo kosungore, kong’awore, kendo gi wich-teko.+ 13 Nimar owacho niya,
‘Abiro timo kamano gi tekona awuon,
Kendo gi riekona, nikech ariek.
14 Mana kaka ng’ato soyo lwete e od winyo,
E kaka lweta biro kawo mwandu mag ogendni;
Kendo mana kaka ng’ato choko tong winy mowe,
E kaka abiro choko pinje duto!
Onge ng’ato ang’ata ma biro kwadho buombene, kata ma biro ng’amo dhoge, kata ma biro ywak.’”
15 Be le nyalo sungore ne ng’at ma tong’o kode?
Be msumeno nyalo sungore ne ng’at ma ng’eto kode?
Be okwajo+ nyalo ting’o ng’ato mi ofwaye koni gi koni?
Be luth nyalo ting’o ng’at ma ok olos gi bao?
16 Kuom mano, Jehova Ruoth madier kendo Nyasach oganda lweny,
Nomi joge machwe obed modhero,+
Kendo obiro moko mach e bwo duong’ ma en-go.+
17 Ler mar Israel+ nobed ka mach,+
Kendo Ng’ate Maler ka ligek mach;
Obiro liel mi owang’ buya kod yiend kuthene duto e odiechieng’ achiel.
19 To yien ma biro dong’ e bungene
Nobed manok ma kata nyathi nyalo kwano.
20 Chieng’no Jo-Israel modong’
Kaachiel gi jood Jakobo motony
Ok nochak oyiengre kuom ng’at ma nogoyogi;+
To gibiro yiengore kuom Jehova,
Ng’at Maler mar Israel gi adiera.
21 Jo modong’ e ma biro duogo,
Jood Jakobo modong’ e ma biro duogo ir Nyasaye ma Jateko.+
22 Yaye Israel, kata obedo ni in oganda maduong’,
Ka kuoyo manie nam,
Jogi manok kende e ma biro duogo.+
23 Adier, Jehova Wuon Loch Duto kendo Nyasach oganda lweny,
Oseng’ado ni ibiro tiek pinyi duto.+
24 Kuom mano, ma e gima Jehova Wuon Loch Duto kendo Nyasach oganda lweny wacho: “Un joga modak Sayun, kik uluor Jo-Asuria ma ne ting’onu ludhegi malo mondo gichwadugo+ mana kaka Jo-Misri ne timonu.+ 25 Odong’ mana kinde matin to mirimba rumo. Gin e ma abiro olonegi mirimba.+ 26 Jehova Nyasach oganda lweny biro chwade gi del+ mana kaka notimo e kinde ma ne oloyo Jo-Midian but lwanda man Oreb.+ Obiro ting’o ludhe e wi nam mana kaka notimo ne piny Misri.+
27 E odiechiengno, ibiro gol ting’ mapek ma oseketo e goku,+
Kendo ibiro gol jok motweyo e ng’utu,+
Ibiro tur jokno+ nikech mo.”
29 Giseyoro aoche;
Gibworo Geba;+
Rama kirni, Gibea+ dala Saulo oseringo.+
30 Yaye nyar Galim, go nduru kendo iywag matek!
Chik iti, yaye Laisha!
To in Anathoth,+ gibironi!
31 Madmena oseringo.
Jo-Gebim osemanyo ka ma digipondie.
32 Kawuononi obiro goyo kambi e Nob.+
Ong’ino ngum ne god nyar Sayun,
God Jerusalem.
33 Neuru! Jehova Ruoth madier kendo Nyasach oganda lweny
Ng’ado bede yien, kendo gigore piny matek;+
Yiende mabocho itong’o piny,
Kendo moting’ore malo iduoko piny.
34 Otong’o bunge madongo gi le,
Lebanon biro podho e lwet ng’at ma tekone ng’eny.
2 Roho mar Jehova nobed kuome,+
Roho mar rieko+ kod mar winjo tiend weche,
Roho ma ng’ado ne ji rieko kod mar teko,+
Roho mar ng’eyo kod mar luoro Jehova.
3 Enobed mamor nikech oluoro Jehova.+
Ok obi ng’ado bura kaluwore mana gi gima wang’e oneno,
Kata kwero ji kaluwore gi gima ite owinjo.+
4 Obiro ng’ado bura makare ne jochan,
Kendo nokwer ji e yo makare mondo jo mamuol oyud ber e piny.
Obiro goyo piny gi luth mowuok e dhoge+
Obiro nego jo maricho gi muya moa e dhoge.+
5 Tim makare nobed msip motueyo e nungone,
Kendo adiera nobed msip motueyo e oguche.+
6 Ondiek nodag kuom kinde matin gi nyarombo,+
Kendo nyadiel gi kwach biro nindo kanyachiel,
Kendo nyaroya, sibuor, kod le machwe nobed kanyachiel;*+
To nyathi matin e ma notelnegi.
7 Dhiang’ kod dubu biro chiemo kanyachiel,
Kendo nyithindgi biro nindo kanyachiel.
Sibuor biro chamo lum mana kaka ruath.+
8 Nyathi madhoth notug e bur thuond rachier,
To nyathi moseweyo dhoth noket lwete e bur thuol ma nigi sum mager.
9 Ok ginikel hinyruok moro amora+
Kata ketho goda maler,+
Nimar ng’eyo mar Jehova nopong’ piny duto
Mana kaka pige pong’o nam.+
10 Chieng’no, tiend yadh Jesse+ biro chung’ kaka bendera ne ji.+
Ogendni duto nobi ire,+
Kendo kare mar yueyo nobed gi duong’.
11 Chieng’no, Jehova Nyasaye norie bade kendo, mondo ores joge ma nodong’ e piny Asuria,+ Misri,+ Pathros,+ Kush,+ Elam,+ Shinar,* Hamath kod ma nodong’ e chulni duto manie nam.+ 12 Obiro chungo bendera mondo obed ranyisi ne ogendni duto. Kendo obiro choko Jo-Israel+ kod Jo-Juda ma noke e tunge ang’wen mag piny.+
13 Nyiego ma Efraim nigo norum,+
Kendo jogo mosin gi Juda ibiro tieki.
Efraim ok nobed gi nyiego gi Juda,
Kendo Juda ok nosin gi Efraim.+
14 Gibiro lor mapiyo ka gimonjo Jo-Filistia gi yo podho chieng’,*
Gibiro yako mwandu jo ma wuok yo wuok chieng’.
Enokel muche maliet mondo ogo aochene abiriyo matindo.*
Obiro miyo ji ong’ad aorano gi wuoche.
16 Kendo ndara+ nobedie ma joga modong’ noluwo ka giwuok Asuria,+
Mana kaka e ndalo Jo-Israel ka ne giwuok Misri.
12 Chieng’no iniwach niya:
“A Jehova, agoyoni erokamano ahinya,
Nimar kata obedo ni nawang’o iyi,
Mirimbi nodok chien mi ihoyo chunya.+
2 Neuru! Nyasaye e jawarna.+
3 Inituom pi ka imor
E sokni mag warruok.+
4 Kendo chieng’no iniwach niya:
“Gouru ne Jehova erokamano, luonguru nyinge,
Nyisuru ji gik mosetimo!+
Landuru ni oseting’ nyinge malo.+
5 Weruru ne Jehova,+ nimar osetimo gik madongo.+
Wachni mondo ong’ere e pinje duto.
6 In ng’at modak Sayun, ting’ dwondi malo kendo ikog gi mor,
Nimar Ng’at Maler mar Israel nie dieru gi duong’ne duto.”
13 Ma e wach ma ne ofweny ne Isaya+ wuod Amoz e wi bura ma ne idhi ng’ad ne Babulon:+
2 “Ng’awuru bendera malo+ e wi got ma onge bungu.
Luonggiuru kendo fwanegiuru
Mondo gidonj e dho rangeye mag jodongo.
3 Asegolo chik ne jo ma asewalo.+
Aseluongo jolwenyna mondo anyis mirimba,
Joga mamor kendo ma sungore.
4 Neuru! Oganda maduong’ nie gode;
Koko ma gigoyo chal gi mar ji mang’eny!
Winjuru! Pinjeruodhi goyo koko,
Gigoyo koko kaka ogendni mochokore kanyachiel.+
Jehova Nyasach oganda lweny choko jolweny.+
5 Gibiro ka gia e piny man ka mabor,+
E piny manie tung’ polo,
Jehova biro kaachiel gi gige mag nyiso mirimbe,
Mondo oketh piny mangima.+
6 Gouru nduru, nimar odiechieng Jehova chiegni!
Enobi kaka masira moa kuom Nyasaye Manyalo Duto.+
7 Mano e momiyo lwet ji duto notho thudhno,
Kendo chuny ji duto nobed maluor.+
8 Luoro omako ji duto.+
Parruok oloyogi kendo rem omakogi
Mana ka dhako ma muoch kayo.
Ng’ato ka ng’ato ng’iyo nyawadgi gi luoro,
Wengegi opong’ gi kuyo.
9 Neuru! Odiechieng Jehova biro,
Obiro gi ich-wang’ kod mirima mager,
Mondo oketh piny olokre gimoro nono,+
Kendo tieko joricho modak e iye.
10 Nimar sulwe manie polo kod kanyaklagi*+
Ok bi rieny;
Chieng’ biro lokore mudho sa mowuok,
Dwe bende ok bi rieny.
11 Abiro kumo piny mangima nikech richone,+
Kendo joricho nikech kethogi.
Abiro tieko sunga mar jo ma hedhore,
Abiro duoko jo ma sando ji piny.+
12 Abiro miyo dhano obed matek yudo moloyo dhahabu maberie mogik,+
Ginibed matek yudo moloyo dhahabu moa Ofir.+
13 Mano e momiyo abiro miyo polo otetni,
Kendo piny biro yiengni mi oa kare+
Chieng’ ma Jehova Nyasach oganda lweny biro nyiso mirimbe mager.
14 Mana kaka mwanda ma ilawo, kendo kaka kueth ma onge jakwath,
Ng’ato ka ng’ato nodog ir joge;
Ng’ato ka ng’ato noring e pinye.+
15 Ng’ato ang’ata mibiro yud, ibiro chuo mi tho,
Kendo ng’ato ang’ata momak ibiro neg gi ligangla.+
16 Nyithindgi ibiro tong’ matindo tindo e nyimgi,+
Utegi ibiro pe,
Kendo mondegi ibiro nindgo gi thuon.
17 Neuru! Achungo Jo-Media mondo oked kodgi,+
Fedha ok en gima duong’ e wang’gi,
Dhahabu bende ok lomb wang’gi.
19 Babulon, piny ma jaber moloyo pinjeruodhi mamoko,+
Piny ma Jo-Kaldea sungorego nikech berne,+
Biro chalo gi Sodom gi Gomora ka ne Nyasaye okethogi.+
Ja-Arabia ok nogur hembe kuno,
Kendo onge jakwath ma nokwa jambe kuno.
21 Le mag thim nonind kuno,
Tula biro pong’o utegi.
22 Ondiegi noywag e ohingage,
To bwe e ute madongo mag ruodhi.
Ndalone chiegni, ndalone ok bi chwalre kata matin.”+
14 Nimar Jehova biro kecho Jakobo,+ obiro yiero Israel kendo.+ Obiro miyogi kar yueyo e pinygi,+ kendo jo moa e pinje mamoko biro riwore kodgi mi ginimakre gi od Jakobo.+ 2 Ji biro kawogi mi giniduokgi thurgi, kendo od Israel biro kawogi mondo gitinegi kaka jotich ma nyiri gi ma chwo+ e piny Jehova. Gibiro tueyo jo ma yande notueyogi, kendo gibiro bedo gi loch e wi jo ma ne chunogi gi tich matek.
3 Chieng’ ma Jehova biro golonu sand kod rem kaachiel gi tich matek ma utiyo kaka wasumbni, mi omiu yueyo,+ 4 ubiro goyo ngeroni ne* ruodh Babulon niya:
“To mano kaka ng’at ma yande chuno ji gi tich matek osepodho!
To mano kaka osetiek jasand ji!+
5 Jehova oseturo ludh joricho,
Odunga mar ruodhi,+
6 Ng’at ma goyo ji gi mirima pile,+
Ma locho e wi ogendni mamoko kosandogi malit.+
7 Piny duto koro nigi kuwe, onge ng’at ma thagogi.
Ji duto kok gi mor.+
8 Kata mana yiende junipa mor,
Yiend sida mag Lebanon bende mor.
Giwacho ni, ‘Nyaka ne ipodhi,
Onge jatong’ yien mosebiro tong’owa.’
9 Kata mana Liel* manie bwo piny mor,
Kendo obiro romoni.
Osechiewo jo motho nikech ibiro,
Ji duto ma ne locho gi gero e wi piny.
Osemiyo ruodhi duto mag ogendni oa malo e kombegi.
10 Giduto gipenji niya,
‘Kara in bende isebedo ma yom yom ka wan?
Kara tinde ichal mana kodwa?
Kudni e ma inindoe kaka otandani,
Kendo gin e onget miumorigo.’
12 To mano kaka iselwar kia e polo,
Yaye sulwe marieny, wuod okinyi!
Osetong’i ma ilwar piny,
In ma ne iloyo ogendni mang’eny!+
13 Ne iwacho e chunyi ni, ‘Abiro idho nyaka e polo.+
Abiro keto kom-lochna e wi sulwe mag Nyasaye,+
Kendo nabed e wi god chokruok,
Man ka mabor mogik yo nyandwat.+
14 Abiro idho malo mi akal boche polo;
Abiro chalo gi Ng’at Mamalo Chuth.’
15 Kar mano, ibiro lori e Liel,*
Nyaka ka matut mogik e bur.
16 Jogo moneni biro hum;
Gibiro noni mos ka gipenjore ni,
‘Be ma e ng’at ma ne yiengo piny,
Ma ne miyo pinjeruodhi tetni,+
17 Ma nomiyo piny obedo thim,
Ma noketho mier madongo,+
Ma ne ok gony jo motueyo?’+
18 Ruodhi mamoko duto mag ogendni,
Ee, ruodhigo duto, onindo gi duong’,
Moro ka moro e liende.
19 To in, ne owiti ma ok oyiki
Mana ka bad yien mojogo ji,
Jo ma noneg gi ligangla, mi owit e bur motimo kite,
E ma ogangore kuomi.
Ichal gi ringre ng’at motho ma ji nyono anyona.
20 Ok noyiki kodgi e liel,
Nikech ne iketho pinyi,
Kendo ne inego jogi.
Ok nohul kendo nyinge nyithind joricho.
21 Ikreuru nego yawuote
Nikech richo mag wuonegi,
Mondo kik gia malo mi giloch e wi piny
Kendo pong’o piny gi miechgi.”
22 Jehova Nyasach oganda lweny owacho niya: “Anachung’ malo mondo aked kodgi.”+
Kendo Jehova owacho ni, “Abiro yweyo nying Babulon chuth, kaachiel gi joge modong’, nyithindgi, kod nyikwagi duto.”+
23 “Analoke thidhiya, kendo enobed kar dak mar chieu. Abiro yweye gi ywech mar kethruok,”+ Jehova Nyasach oganda lweny osewacho.
24 Jehova Nyasach oganda lweny osekuong’ore kama:
“Gima aparo timo, nyaka timre,
Kendo gima aseng’ado, nyaka chop kare.
25 Abiro ng’injo Asuria e pinya,
Abiro nyone e godena.+
Ibiro gol jok ma noketo kuomgi,
Kendo ibiro gol ting’ mapek ma ne oketo e gokgi.”+
26 Mano e gima oseng’ad ne piny duto,
Kendo ma e lwedo moseikore goyo ogendni duto.
27 Jehova Nyasach oganda lweny oseng’ado kamano,
Ng’ano ma nyalo tame?+
Oserieyo lwete,
Ng’ano ma nyalo duoke?+
28 Ma e wach ma Nyasaye ne ooro e higa ma Ruoth Ahaz nothoe:+
29 “Yaye Jo-Filistia, kik ubed mamor,
Mana nikech ludh ng’at ma ne goyou koro osetur.
30 Sa ma nyithindo makayo mag jochan chiemo,
Kendo jo modhier nindo gi kuwe,
Abiro nego kothi gi kech,
Kendo jogi modong’ bende ibiro negi.+
31 Yaye in rangach, go uwi! Go nduru, yaye in dala!
Yaye in Filistia, uduto chunyu biro a!
Nimar yiro biro koa yo nyandwat,
Kendo onge ng’at ma yom yom e kindgi.”
32 Ere dwoko ma gibiro miyo joote mag ogandano?
Jehova oseketo mise mar Sayun,+
Kendo joge ma jochan biro pondo kuno.
15 Bura ma ne idhi ng’ad ne Moab:+
Oseketh Ar+ manie piny Moab e otieno achiel,
Mi koro oling’ chuth.
Oseketh Kir+ mar Moab e otieno achiel,
Mi koro oling’ chuth.
2 Oseidho malo e Hekalu kendo nyaka Dibon+
Oseidho kuonde moting’ore malo mondo oywagi.
Moab ywak nikech Nebo+ kendo nikech Medeba.+
Wiye duto oseliel,+ tik duto osetiti.+
3 Giwuotho e wang’ yo ka girwako lep gunia.
Gigoyo nduru e wi tat udi, kendo kuonde ma ji chokoree;
Gilor piny ka giywak malit.+
Mano e momiyo jolweny mag Moab kok matek.
Otetni ahinya.
5 Chunya ywago Moab.
Joge oseringo nyaka Zoar+ kendo nyaka Eglath-shelishiya.+
Giidho yo ma dhi Luhith ka giyuak;
Gidhi Horonaim ka giyuak malit nikech masirano.+
6 Pige mag Nimrim oseduono;
Lum osener,
Lum duto osetwo kendo onge gimoro mang’ich modong’.
7 E momiyo giting’o mwandugi gi gik ma nodong’ e dechegi;
Ging’ado hoho ma yien otwi e bath aochene.
8 Nimar koko winjore e alwora duto mar Moab.+
Nduru ma gigoyo chopo nyaka Eglaim;
Ee, ochopo nyaka Beer-elim.
9 Nimar pige mag Dimon opong’ gi remo,
Kendo pod anakel ne Dimon masiche mathoth:
Anakel sibuor ne Jo-Moab moringo
Kendo ne jo modong’ e pinyno.+
16 Teruru yim moa Sela ne ruodh piny,
Kendo ung’ad e thim
Nyaka uchop e god nyar Sayun.
3 “Ng’ad ne ji rieko, tim kaka iseng’ado.
Tiponi mondo ogeng’nwa chieng’ makech, mondo ochalnwa ka gima en otieno.
Pand jo moriemb, kendo kik indhog jo moringo.
4 Yaye in Moab, yie ne joga moriemb odag kodi.
Pandgi mondo kik jayeko okethgi.+
Ibiro tiek ng’at ma sando ji,
Masira biro rumo,
Kendo jogo ma nyono ji ibiro gol e piny.
5 Eka kom-loch ibiro gur motegno kuom hera mosiko.
Ng’at mobet e komno, e hema mar Daudi nobed ja adiera;+
Obiro ng’ado bura makare, kotimo gik makare ma ok odeko.”+
6 Wasewinjo humb Moab, en ng’at ma sungore ahinya+
Ong’awore, wiye tek, kendo en gi mirima mang’eny;+
To wechene manono nobed kayiem.
7 Moab biro ywago Moab;
Giduto gibiro goyo nduru.+
Ji duto moyudo masira biro ywago kek moted gi mzabibu mag Kir-hareseth.+
8 Nimar puothe mag Heshbon+ osetwo,
Mzabibu mag Sibma+ osener,
Ruodhi mag ogendni osenyono bedene ma nigi mzabibu makwar;
Puothego ne ochopo Jazer,+
Kendo ne giyarore nyaka e thim.
Tiendegi ne olak nyaka e nam.
9 Mano e gimomiyo abiro ywago mzabibu mag Sibma kaka aywago Jazer.
Yaye, pi wang’a biro pong’i in Heshbon kod Eleale,+
Nikech koko osechopo e olembu mag ndalo oro kendo keyo maru oserumo.*
10 Mor kod ilo osegol e puotheu monyak maber,
Onge wende mag mor e puotheu mag mzabibu.+
Onge ng’at ma nyono mzabibu e kuondeu mag bicho,
Nimar asetieko koko mugoyoga ka umor.+
11 Mano e gimomiyo chunya chandore nikech Moab,+
Chunya tetni mana kaka tonde mag nyatiti,
Kendo chunya chandore nikech Kir-hareseth.+
12 Kata Moab chandre manade kodhi kuonde moting’ore malo, kendo kodhi lemo e hekalune, mano ok bi konye.+
13 Mago e weche ma Jehova ne osewacho e wi Moab. 14 Kendo koro Jehova wacho niya: “Ka higni adek pok orumo, kaluwore gi kaka jatich kwano higa,* ji biro chayo duong’ mar Moab kendo tungni nobedie. Obiro dong’ mana gi ji manok kendo ma onge teko.”+
17 Ma e bura ma ne idhi ng’ad ne Damaski:+
“Neuru! Taon mar Damaski biro kethore chuth,
Kendo ute momukore omukore e ma biro pong’e.+
3 Mier mochiel motegno mag Efraim biro lal nono,+
Pinyruodh Damaski bende nolal;+
Kendo jo ma biro dong’ Siria
Duong’gi biro chalo gi mar Israel,” Jehova Nyasach oganda lweny osewacho.
4 “Chieng’no, duong’ mar Jakobo biro lal,
Kendo obiro dhero kata obedo ni sani ochwe.
5 Obiro chalo kaka kinde ma jakeyo kayo cham
Kendo lwete kayo wi cham,
Mana kaka jahulo hulo e Hoho mar Refaim.+
6 Gik ma ihulo kende e ma biro dong’,
Mana kaka yadh Zeituni ma iyiengo:
Olembe ariyo kata adek mochiek e ma dong’ e bedene ma malo,
Ang’wen kata abich e ma dong’ e bedene ma nyago olemo,”+ Jehova Nyasach Israel osewacho.
7 Chieng’no, ng’ato nogen Jachuechne, kendo wang’e biro ng’iyo Ng’at Maler mar Israel. 8 Ok obi geno kendo mag misengni+ ma oseloso gi lwete owuon;+ kendo ok obi ng’iyo gik ma lith lwetene oseloso, bed ni gin sirni mag yien* kata kuonde miwang’oe ubani.
9 Chieng’no, mier mage mochiel motegno biro chalo ka gunda mojwang’ e bungu,+
Kendo kaka bad yath ma nojwang’ e nyim Jo-Israel;
Enobed piny mojwang’.
Mano e momiyo ipuro cham mabeyo e puotheni
Kendo ipidho ei puothego bede yien ma yore yore.*
11 Chieng’ ma ubiro chielo puotheu,
Ubiro purogi kendo gibiro chako twi gokinyi,
Kata kamano, keyo biro kethore chieng’ ma tuo malit ma ok nyal chango ogoyou.+
12 Winjuru! Ogendni mathoth chochni,
Giwuo mana ka nam!
Nitie koko mar ogendni mang’eny,
Koko ma gigoyo chalo gi mar apaka madongo!
13 Ogendni biro goyo koko mana kaka nam wuo.
Obiro siemogi mi giniring mabor,
Gibiro ringo mana kaka mihudhi manie gode ma yamo tero,
Mana kaka buru ma kalausi tero.
14 Godhiambo luoro maduong’ omako ji.
To ka piny pok oyawore gionge.
Mano e pok mar jo ma peyowa
Kod mar jo ma yako gigewa.
2 Ooro jootene gie yor nam,
Ging’ado pige gi yiedhi molos gi togo:
“Dhiuru un joote ma jong’wech,
E oganda ma joge roboche kendo dendgi poth,
Oganda ma ji oluoro kuonde duto,+
Oganda ma roteke kendo ma loyo ogendni mamoko,
Oganda ma aoche oywero pinye.”
3 Un jopiny, kendo un jo modak e iye,
Ubiro neno gima chalo gi bendera mong’aw malo e wi gode,
Kendo ubiro winjo dwol ma chalo gi mar tung’.
4 Nimar, ma e gima Jehova osewachona:
“Abiro bet ka akuwe mos ka arango kar dakna,*
Kaka piny mokuwe mos sa ma chieng’ rieny kogolo liet mager,
Kendo kaka tho moko e lum ndalo keyo ka piny liet.
5 Nimar ka pok keyo ochakore,
Kinde ma mzabibu osemoyo, kendo olembgi chiegni chiek,
Ibiro ng’ad bede mzabibu gi pelni mag keyo
Kendo bedegi molak ibiro ng’ad mi gol oko.
6 Ibiro wegi ne winy modak e gode ma chamo ring’o
Kaachiel gi le modak e piny.
Winyogo biro chamogi ndalo oro,
To lego biro chamogi ndalo keyo.
7 E kindego ibiro kel ne Jehova Nyasach oganda lweny mich,
Moa kuom oganda ma joge roboche kendo ma dendgi poth,
Oganda ma ji oluoro kuonde duto,
Oganda ma roteke kendo ma loyo ogendni mamoko,
Oganda ma aoche oywero pinye,
Gibiro terogi ka ma iluongo gi nying Jehova Nyasach oganda lweny, Got Sayun.”+
19 Ma e bura ma ne idhi ng’ad ne Misri:+
Neuru! Jehova oidho bor polo ma ringo ng’wech kochomo Misri.
Nyiseche manono mag Misri biro tetni e nyime,+
Kendo chuny Misri biro a.
2 “Abiro thuwo Jo-Misri gi Jo-Misri wetegi,
Kendo gibiro kedo e kindgi giwegi,
Ng’ato biro goyo owadgi kaachiel gi jabute,
Taon noked gi taon, kendo pinyruoth noked gi pinyruoth.
3 Kendo chuny Misri biro chochni,
Abiro rocho chenroge.+
Gibiro manyo kony kuom nyisechegi manono
Kendo kuom jondagla, jo ma tudore gi jochiende, kod jokor wach.+
4 Abiro keto Misri e lwet ruoth mager,
Ruoth makwiny noloch e wiye.”+ Jehova Ruoth madier kendo Nyasach oganda lweny osewacho.
5 Pige nam biro duono,
Kendo aora biro duono mi two.+
6 Aoche biro dum marach;
Aoche mag Misri ma golo pi e Nael biro duono.
Togo man e bath aora biro tow.+
7 Gik motwi e bath Aora Nael, kaachiel gi motwi e dho Nael
Yamo biro kwadhogi mi gilal nono.
8 Jolupo biro ywak,
Jo ma lupo gi olowu bende noywagre,
Kendo jo ma lupo gi gogo nobed manok.
10 Jotweng’o mage biro dhier nono;
Jotich duto mondik biro kuyo.
11 Jotend Zoan+ ofuwo.
Jong’ad rieko mag Farao wachone weche mofuwo.+
Ere kaka inyalo wacho ne Farao ni:
“An nyakwar jo mariek,
An nyakwar ruodhi machon”?
12 Koro, ere jogi mariek?+
We mondo ginyisi ka ging’eyo gima Jehova Nyasach oganda lweny osewacho ni obiro timo ne Misri.
14 Jehova osebage gi rohone;+
Kendo gisewuondo Misri e yorene duto,
Mana ka jakong’o ma lagore e ng’okne.
15 Onge tich moro amora ma biro tiyore Misri,
Bed ni en tich mitiyo gi wich kata yip, thuok kata lum.*
16 Chieng’no, Misri biro chalo gi mon moluor kendo ma tetni nikech Jehova Nyasach oganda lweny biro rieyo bade mondo ogogi.+ 17 Kendo piny Juda biro bwogo Misri. Gibiro luor ka giwinjo nying Juda nikech bura ma Jehova Nyasach oganda lweny oseng’adonegi.+
18 Chieng’no, taonde abich madongo mag Misri biro wacho dho Kanaan+ kendo gibiro kuong’ore ni gibiro tiyo ne Jehova Nyasach oganda lweny. Achiel kuom taondego ibiro luong ni Dala Maduong’ mar Kethruok.
19 Chieng’no, kendo mar misango mar Jehova biro yudore e dier piny Misri kendo siro mar Jehova biro yudore e tong’ pinyno. 20 Enobed ranyisi kendo janeno ne Jehova Nyasach oganda lweny e piny Misri. Nimar gibiro ywak ne Jehova mondo ogolgi e lwet josand, to obiro oronegi jawar, kendo ng’at makende mondo oresgi. 21 Jehova nong’ere e piny Misri kendo chieng’no Jo-Misri biro ng’eyo Jehova. Gibiro chiwo ne Jehova misengni kod mich, kendo gibiro chopo singruoge duto ma gitimo kode. 22 Jehova biro goyo Misri.+ Obiro goye kendo obiro change. Giniduog ir Jehova, obiro winjo kwayogi mi enochanggi.
23 Chieng’no, yo malach+ nobedie moa Misri nyaka Asuria. Asuria nobi Misri, kendo Misri biro dhi Asuria. Misri gi Asuria biro tiyo ne Nyasaye kanyachiel. 24 Chieng’no, Israel biro riwore gi Misri kod Asuria,+ kendo pinje adekgo nobed gueth e dier piny, 25 nimar biro yudo ka Jehova Nyasach oganda lweny oseguedhogi niya: “Oguedh Jo-Misri ma joga, kod Asuria ma en tich lweta, kod Israel ma en mwanduna.”+
20 E higa ma Sargon ruodh Asuria ne ooro Tartan* mondo odhi Ashdod,+ ne okedo kod Ashdod mi oloye.+ 2 E kindeno, Jehova nonyiso Isaya+ wuod Amoz niya: “Dhi igol law gunia mitueyo e nungoni, kendo ilony wuocheni.” Isaya ne otimo mana kamano. Ne owuotho duk,* kendo gi tiende nono.
3 Eka Jehova nowacho niya: “Mana kaka jatichna Isaya osewuotho duk kendo gi tiende nono kuom higni adek mondo obed ranyisi+ kendo siem ne Misri+ kod Ethiopia,+ 4 e kaka Ruodh Asuria biro tero yawuoyi kod jodongo ma omako e piny Misri+ kod Ethiopia e tuech. Giniwuoth gi tiendegi nono, ka gin duge, kendo ka siandagi neno. Misri noyud wich-kuot. 5 Luoro biro makogi kendo gibiro yudo wich-kuot nimar ne gigeno Ethiopia, kendo Misri e ma ne gimiyo duong’. 6 Chieng’no, jo ma odak e tiend nam nowach ni, ‘Neuru gima osetimore ne ng’at ma ne wageno, ng’at ma ne waringo ire mondo okonywa kendo oreswa e lwet ruodh Asuria! Koro wabiro ringo ir ng’a?’”
21 Ma e bura ma ne idhi ng’ad ne thim man but nam:*+
Nitie gima biro ma chalo gi yamo mager ma kutho koa milambo,
Oa e thim, oa e piny ma ji oluoro.+
2 Osenyisa fweny moro malich:
Ja andhoga ndhogo ji,
Kendo jaketh ketho aketha gik moko.
Yaye Elam, dhi imonje! Yaye Media,+ dhi ilwore!
Abiro tieko kuyo duto ma osekelo.+
3 Mano e gimomiyo ogucha rama malit.+
An gi rem mang’eny
Mana ka dhako ma muoch kayo.
Achandora ma koro ita ok winji;
Aparora ma koro wang’a ok nen.
4 Chunya gwecho matek; aluor kendo atetni.
Ne ageno yueyo ka chieng’ opodho, to luoro maduong’ e ma nomaka.
5 Panguru mesa kendo uchan kombe!
Chiemuru kendo umethi!+
Auru malo un jotelo, waluru* okumba.
6 Nimar ma e gima Jehova nowachona:
“Dhi iket jarit, kendo inyise ni owach gik moneno.”
7 Ne oneno geche lweny ma farese ariyo ariyo ywayo,
Geche lweny ma punde ywayo,
Geche lweny ma ngamia ywayo.
Ne ong’icho adimba mondo one maber gima ne timore.
8 Eka ne okok gi dwol maduong’ ka sibuor ma ruto niya:
“A Jehova, achung’ pile e wi ohinga mar jarito godiechieng’,
Kendo pile an kanyo ka arito otieno mangima.+
9 Neuru gima biro:
Aneno geche lweny ma farese ariyo ariyo ywayo!”+
Eka ne owacho niya:
“Osepodho! Babulon osepodho!+
Osego nyisechene duto manono piny ma ging’injore!”+
10 Yaye joga mosenyon,
Mana kaka bel minyono kidino,+
Asenyisou gik ma asewinjo ka Jehova Nyasach oganda lweny kendo Nyasach Israel owacho.
11 Ma e bura ma ne idhi ng’ad ne Duma:*
Awinjo ka ng’ato penja ka en Seir+ niya:
“Jarit, in gi wach mane otienoni?
Jarit, in gi wach mane otienoni?”
12 Jarit nodwoko niya:
“Piny chiegni ru, to obiro yuso kendo.
Ka udwaro penjo wach to upenj apenja.
Uduog kendo!”
13 Ma e gima ne owach ni ne dhi timore ne thim:
Un jowuoth mag Dedan+
Ubiro bworo e bungu man e thim gotieno.
14 Un jo modak Tema+
Keluru pi ne jalo ma riyo oloyo,
Kendo keluru makate ne jalo moringo.
15 Nimar giseringo ligangla, osewuodhnegi ligangla,
Giseringo atung’, kendo giseringo lweny mager.
16 Ma e gima Jehova owachona: “Ka higa achiel pok orumo, kaluwore gi kaka jatich kwano higa,* duong’ duto ma Kedar+ nigo biro rumo. 17 Kendo Jo-Kedar molony e kedo gi atung’ biro dong’ manok. Nimar Jehova Nyasach Israel osewacho mano.”
22 Ma e gima nowach e wi Hoho mar Fweny:*+
En ang’o ma otimou momiyo uduto uidho e wi tat udi?
2 Ne ipong’ gi chochni,
Dala ma ne ohero koko, taon ma ne sungore.
Jogi ne ok neg gi ligangla,
Kata tho e lweny.+
3 Ruodhi duto ma ne locho gi agoko oseringo kanyachiel.+
Ne omakgi ka pok oywa atung’.
Ji duto ma ne oyud ne omak,+
Kata obedo ni ne giseringo mabor.
4 Mano e momiyo ne awacho niya: “Weuru ng’iya,
Kik utem hoyo chunya.
5 Nimar en odiechieng chochni, luoro, kendo ma iloyowae,+
Odiechiengno oa kuom Jehova Wuon Loch Duto kendo Nyasach oganda lweny,
E Hoho mar Fweny.
Imuko ohinga+
Kendo ywak winjore e gode.
7 Hohni magi mabeyo
Biro pong’ gi geche lweny,
Kendo farese biro riedo e dho rangau,
8 Ibiro gol rageng’ ma Juda ogeng’orego.*
“Chieng’no unuchom wang’u kuom gigeu mag lweny mokan e ot miluongo ni Od Bungu,+ 9 kendo unune kuonde momukore e ohinga manie Dala Daudi.+ Mi unuchik pi e yawo ma mwalo.+ 10 Ubiro kwano udi man Jerusalem, kendo ubiro muko moko kuomgi mondo ulosgo ohinga obed motegno. 11 Ubiro kunyo yawo e kind ohinga ma oko kod ohinga ma iye, mondo pi soko machon odonjie. Kata kamano, ok unupar Jachuechne Maduong’, kendo ok ubi dewo Jal ma nolose chon gi lala.
12 Chieng’no Jehova Wuon Loch Duto, kendo Nyasach oganda lweny,
Biro luongou mondo uywagi, ugo nduru,+
Uliel yie wiu, kendo urwak lep gunia.
13 Kata kamano, un to ubiro mana timo nyasi kumor
Ubiro nego dhok kod rombe,
Kuchamo ring’o kendo kumadho divai.+
Unuwach ni, ‘Wachiemuru kendo wamethuru nimar kiny wanatho.’”+
14 Eka Jehova Nyasach oganda lweny ne ohulona wachni e ita: “Richoni ok nopwodh nyaka chop utho,”+ Jehova Wuon Loch Duto kendo Nyasach oganda lweny osewacho.
15 Ma e gima Jehova Wuon Loch Duto kendo Nyasach oganda lweny owacho: “Dhi ir Shebna,+ jal mochung’ ne od ruoth, mondo inyise niya, 16 ‘Ere gima itimo kae, koso ere wadu man kae momiyo isekunyo liendi?’ Shebna osekunyo liende e ka ma oting’ore malo; osekunyo lwanda mondo obed kama ringrene biro yueyoe. 17 ‘Winji! Jehova biro goyi piny matek, yaye in dhano, obiro maki matek. 18 Obiro doli, motueyi matek, kae to oboli mana kaka ibolo opira e pap. Ibiro tho kuno, kendo gecheni mag lweny ma ne isungorigo biro siko kuno. In e misemiyo od ruodhi wich-kuot. 19 Abiro goli e tiji, kendo anaduoki piny.
20 “‘Chieng’no abiro luongo jatichna Eliakim+ wuod Hilkia, 21 abiro rwakone lawi, kendo anatuene msibi mar akor.+ Abiro miye teko ma in-go. En e ma nobed wuon jo modak Jerusalem, kendo wuon dhood Juda. 22 Abiro keto ofungu mar od Daudi+ e goke. Onge ng’at ma biro loro gima oyawo; kata ma biro yawo gima oloro. 23 Anagure matek mana kaka msumal. Enobed kaka kom-loch ma nigi duong’ e od wuon-gi. 24 Duong’ duto mar od wuon-gi ibiro lier kuome. Kendo nyithindgi kod nyikwagi biro gene mana kaka agulni, bakunde, gi dapige mong’aw e msumal.
25 “Jehova Nyasach oganda lweny owacho niya: ‘Chieng’no, ibiro wuodh msumal mogur matek,+ ibiro ng’ade mi olwar, kendo gik moko duto ma ne oliero kuome biro lwar piny mi gikethre, nimar Jehova owuon e mowacho kamano.’”
23 Ma e bura ma ne idhi ng’ad ne Turo:+
Gouru nduru, un meli mag Tarshish!+
Nimar oseketh dho wath; onge ka ma unyalo gowoe.
Gisewinjo wachno koa e piny Kitim.+
2 Ling’uru un jo modak e dho nam.
Jolok ohala ma ng’ado nam kowuok Sidon+ osepong’o pinyu.
4 Mad iyud wich-kuot, A Sidon, dho wath mochiel motegno,
Nimar nam osewacho niya:
“Muoch pok okaya, kendo pok anyuol,
Kendo pok apidho yawuoyi kata nyiri.”+
5 Mana kaka ji ne oluor ka ne giwinjo gima ne otimore Misri,+
E kaka ji biro luor ka giwinjo wach Turo.+
6 Ng’aduru udhi Tarshish!
Gouru nduru, un jo modak e dho nam!
7 Be ma e taondu ma humbe ne landore e ndalo machon?
Chon tiendene ne tere dak kuonde maboyo ahinya.
8 Ng’ano mosekelo masirani e wi Turo,
Ma ne sidho ne jomoko osimbo,
Jolok ohala mage ma ne wuotho ne gin nyithi ruodhi,
Jolok ohala mage ne imiyo duong’ e piny mangima?+
9 Jehova Nyasach oganda lweny e mosetimo mano,
Mondo oketh sungane kod berne duto,
Kendo okel wich-kuot ne jogo duto ma ne imiyo duong’ e piny mangima.+
10 Yaye nyar Tarshish, kadh akadha e pinyi mana kaka Aora Nael.
Onge kuonde moyang mag loso meli.*+
11 Oserieyo bade e wi nam;
Oseyiengo pinjeruodhi.
Jehova osegolo chik mondo omuk kuonde mochiel motegno mag Foinike.+
12 Kendo owacho kama: “Ok inichak iyud duong’,+
Yaye in nyar Sidon, nyako ma silili kendo ma sandore.
A malo, idhi Kitim.+
To kata mana kuno ok ibi yudo yueyo.”
13 Neuru! Piny Jo-Kaldea.+
Magi e jogo—to ok Jo-Asuria+—
Giseloke obedo ka ma le mag bungu odakie.
Gisegero ohinga madongo mondo gimonje;
Gisemuko ohinga mage ma ne ochiel motegno,+
Odong’ mana gi udi momukore omukore.
14 Gouru nduru un meli mag Tarshish!
Nimar dho wadhu mochiel motegno osekethi.+
15 Chieng’no, wi ji biro wil gi Turo kuom higni 70,+ ma romre gi hik ruoth achiel. To bang’ higni 70, Turo biro chalo gi dhako ma jachode miwerne niya:
16 Yaye jachode ma wi ji owilgo, kaw nyatiti mondo ilwor taon.
Go thum mamit;
Wer wende mang’eny,
Mondo imi ji oparigo.”
17 Bang’ higni 70, Jehova biro paro Turo, mi nodog e tije machon. Obiro terore gi pinjeruodhi duto manie piny mana kaka dhako ma jachode. 18 Kata kamano, mwandu mobiro yudo biro bedo gima ler e wang’ Jehova. Ok bi kung mwandugo kendo ok bi kan-gi, to ibiro ti kodgi e ng’iewo chiemo gi lewni mabeyo ne jotich Jehova.+
24 Neuru! Jehova teng’o piny kendo ogolo gik moko duto e iye.+
Oloke ataro+ kendo okeyo jo ma odak e iye.+
2 Ji duto nobed ma romre:
Jodolo gi jomamoko,
Jatich gi ruodhe,
Jatich ma nyako gi dhako ma otiyone,
Jang’iepo gi jauso,
Ng’at ma holo gi ng’at ma ohole,
Ng’at ma ibandho gi ng’at ma bandhe.+
4 Piny ywagore;*+ piny kethore.
Piny two; gik manie piny ner.
Jo ma nigi huma e piny ner.
6 Mano e momiyo kuong’ muonyo piny,+
Kendo bura oseloyo jo ma odak e iye.
Mano e gimomiyo kwan mar jo ma odak e piny nok,
Kendo jo ma odong’ e piny tin.+
9 Gimadho divai ma ok giwer,
Kendo kong’o kech e dho jo ma madhe.
10 Taon modong’ nono osekethore chuth;+
Dhoudi duto olor mondo kik ng’ato ang’ata odonjie.
11 Ji ywagore e wang’ yore, nikech divai onge.
Mor duto ma ne ji nigo oserumo;
Mor ma ne nie piny oselal nono.+
12 Dala osedong’ gunda;
Kendo osetur rangach ma tindo tindo.+
13 Kama e kaka nobed e piny ngima, e dier ogendni:
14 Gibiro ting’o dwondgi malo,
Gibiro kok gi mor.
Gibiro lando duong’ mar Jehova ka gia gi yo podho chieng’.*+
15 Mano e momiyo gibiro miyo Jehova duong’ e alwora motimo ler;*+
Gibiro pako nying Jehova Nyasach Israel e chula manie nam.+
16 Wawinjo ka ji wer koa e tung’ piny nyaka e tung’ piny niya:
“Miuru Ng’at Makare duong’!”+
To ne awacho kama: “Arumo, Arumo!
Piny litna! Jo andhoga timo andhoga;
Ee, jo andhoga timo andhoga.”+
17 Yaye un jo ma odak e piny, masira gi bur kod obadho e ma ochomou.+
18 Ng’ato ang’ata ma ringo koko mar masira, biro nyumore e bugo,
To ng’at mowuok e bugo biro podho e obadho.+
Nimar ibiro yaw rangeye mag polo,
Kendo mise mag piny biro yiengni.
20 Piny kwang’ ka ng’at momer,
Kendo oyiengni ka ot ma yamo tero koni gi koni.
Richone ohewe,+
Obiro podho piny kendo ok obi chung’ kendo.
21 Chieng’no, Jehova biro ng’ado bura ne oganda lweny man e polo
Kaachiel gi ruodhi ma locho e piny.
22 Ibiro chokgi kanyachiel,
Mana ka mabuse mochok e bur,
Kendo ibiro lornegi e od tuech;
Bang’ ndalo mang’eny, ibiro kumgi.*
23 Dwe manyien biro rieny matip tip,
Nimar Jehova Nyasach oganda lweny osebedo Ruoth+ e Got Sayun+ kendo e Jerusalem,
Oseyudo duong’ e nyim jodong joge.+
25 A Jehova, in e Nyasacha.
Abiro dendi, abiro pako nyingi,
Nimar isetimo gik mabeyo miwuoro,+
Isetimogi gi adiera,+ ka ng’at migeno.
2 Nimar isemuko udi manie dala mi gidong’ pidhe pidhe,
Taon ma ne ochiel motegno osekethore chuth.
Ohinga mar jopinje mamoko oselal nono;
Ok nochak ogere kendo.
3 Mano e momiyo jo ma roteke biro miyi duong’;
Dala mar ogendni ma kwiny biro luori.+
4 Nimar isebedo kar geng’ruok ne jochan,
Kar pondo ne jodhier ma chandore,+
Kar bwok ka yamo kutho matek,
Kendo kaka tipo sa ma piny liet.+
Sa ma jo ma kwiny ger ka yamo ma kutho e wi ohinga,
5 Mana kaka liet wang’o piny motwo,
E kaka itieko koko mag welo.
Mana kaka tipo mar bor polo geng’o liet,
E kaka igeng’o wer ma jo ma kwiny wero.
6 Godni+ e ma Jehova Nyasach oganda lweny biro loso ne ogendni duto
Nyasi mopong’ gi chiemo mamit,+
Nyasi mopong’ gi divai mamit,
Mopong’ gi chiemo ma nigi ondhudho,
Mopong’ gi divai mosebudho.
7 Godni e ma obiro goloe law moumo ji duto
Kod otamba moyar e wi ogendni duto.
Jehova Wuon Loch Duto biro yweyo pi wengegi duto.+
Obiro golo achaya duto ma joge yudo e piny,
Nimar Jehova owuon osewacho kamano.
9 Chieng’no, gibiro wacho niya:
“Neuru! Ma e Nyasachwa!+
Ma e Jehova!
En e ma wagene.
Wabeduru mamor kendo wail nikech oseresowa.”+
10 Nimar lwet Jehova biro yueyo e wi godni,+
Kendo ibiro nyon Moab+
Mana kaka tiang’ monyon e pidh manyiwa.
11 Obiro goyo pi gi lwetene
Mana kaka ng’at ma goyo abal timo,
Kotiyo gi lwete e yo molony.
12 Obiro ketho
Taondi mochiel motegno kod ohinga magi maboyo;
Obiro mukogi mi gilwar piny nyaka e lowo.
26 Chieng’no wendni e ma ibiro wer+ e piny Juda:+
“Wan gi dala motegno.+
Osemiyo ohinga mage obedo kar resruok.+
2 Yawuru dho rangeye+ mondo oganda makare odonji,
Ee, oganda ma luwo adiera.
5 Oseduoko jo ma nodak e dala moting’ore malo piny.
Omuko dalano,
Ogoye piny,
Ee, ogoye piny nyaka e lowo.
6 Tielo e ma biro nyone anyona,
Tiend jo mithiro, ondamo mag jochan.”
7 Yor ng’at makare oriere tir.*
In ng’at matir,
Ibiro loso ne jo makare yo ma giluwo.
8 A Jehova, waluwo bucheni,
Kendo wageni ahinya.
Chunywa osegombo nyingi kod rapar mari.*
9 Chunya dwari ahinya gotieno,
Adier, chunya siko kamanyi;+
Nimar sa ma bucheni makare ochopo e piny,
Jo modak e piny puonjore tim makare.+
10 Kata ka okech ng’at marach,
Ok obi puonjore tim makare.+
11 A Jehova, iseting’o badi malo to ok ginene.+
Gibiro neno kinda ma in-go ne jogi mi wigi nokuodi.
Ee, mach ma iseiko ne wasiki biro tiekogi.
14 Gisetho; ok ginibed mangima kendo.
Gisetho, gionge teko kendo; ok gini a malo kendo.+
Nimar iseparo wachgi
Mondo itiekgi kendo kik chak pargi chuth.
Iseyaro tong’ mar piny mi obedo maduong’.+
16 A Jehova, ka ne gichandore ne gimanyi;
Ne giwuoyo kodi e lamo gi dwol ma piny ka ne ikumogi.+
17 A Jehova, isemiyo wachalo gi dhako machiegni nyuol,
Ee, wachal gi dhako ma muoch kayo
Ma ywak nikech rem.
18 Ne wamako ich, muoch bende nokayowa,
To chalo ka gima ne wanyuolo mana yamo.
Pok wakelo resruok e pinywa,
Kendo onge ng’at ma inyuolo mondo odag e piny.
19 “Jogi motho biro bedo mangima.
Kitundni maga biro a malo.+
Chung’uru malo mondo ukog gi mor,
Un jo ma odak e lowo!+
Nimar tho magi momoko e lum chalo gi tho mokinyi.*
Kendo piny biro golo jo motho mondo gibed mangima.
Ponduru kuom kinde machuok,
Nyaka chop mirimb Nyasaye okadhi.+
21 Nimar neuru! Jehova biro koa e kar dakne,
Mondo ong’ad ne jopiny bura nikech kethogi,
Piny biro elo remo mosechwer kuome,
Mi ok noum kendo joge mosenegi.”
27 Chieng’no, Jehova biro kawo liganglane mabith, maduong’, kendo motegno,+
Nokumgo Levayathan,* thuol ma ringo gi ng’wech,
Ee, Levayathan thuol ma ringo ka gondore,
Enoneg le maduong’ manie nam.
2 Chieng’no ibiro wero ne dhakono* niya:
“Puoth mzabibu ma divaine golo buoyo!+
3 An Jehova, an e ma arite.+
Aolonega pi kinde duto.+
Arite odiechieng’ gotieno,
Mondo ng’ato kik hinye.+
4 Aonge gi mirima.+
Ng’ano ma biro kedo koda gi yiend kuthe kod buya?
Abiro nyonogi mi awang’gi e mach.
5 Kata kamano, pod onyalo maka mondo oyud konyruok.
We mondo olos kuwe koda;
Ee, obi olos kuwe koda.”
6 E ndalo ma biro, tiend Jakobo nogurre motegno,
Israel biro dongo kendo nothiew,+
Gibiro pong’o piny gi olembgi.+
7 Be ochuno ni nyaka goye kaka ne ogo ng’at ma ne ogoye?
Koso nyaka nege kaka ne oneg joge?
8 Ibiro ywak gi dwol ma bwogo ji sa ma ikedo kode kiriembe.
Obiro riembe gi yambe mager chieng’ ma yamb yo wuok chieng’ okutho.+
9 Omiyo, kamano e kaka ibiro pwodh richo mar Jakobo,+
Kendo ma e gima obiro timo ka osegolne richone:
Obiro rego kite duto mag kendo mar misango
Obiro regogi mi gibed ka choka molokore buru,
Kendo onge sirni mag yien* kata gige wang’o ubani mibiro we kochung’.+
10 Nimar dala mochiel motegno biro dong’ nono;
Kuonde ma nigi lum mang’ich ibiro jwang’ mana ka thim.+
Kuondego e ma roya biro kwayoe ka nindoe,
Kendo enocham bede yiendene.+
11 Ka bede yiendene otwo,
Mon biro modogi
Kendo gibiro chwekogo.
Nimar ogandani onge gi rieko,+
Mano e momiyo Jachuechgi ok bi kechogi,
Kendo Ng’at ma nochueyogi ok bi dewogi.+
12 Mana kaka ng’ato yiengo yath kae to ochoko olembene achiel-achiel, e kaka Jehova biro chokou chieng’no un Jo-Israel,+ kochakore e Aora* nyaka e Hoho mar Misri.+ 13 Tung’ maduong’ biro ywak+ chieng’no, kendo jogo machiegni tho e piny Asuria,+ kaachiel gi jogo ma oke e piny Misri+ nobi, kendo ginikulre e nyim Jehova e got maler man Jerusalem.+
28 Yaye nobed malit ne osimbo* ma jokong’o mag Efraim sungorego+
Kendo duong’ne biro chalo gi maua ma ner,
Moket e wi hoho momewo ma jo modakie ohero mer gi divai!
2 Neuru! Jehova nigi ng’ate maduong’ kendo ma ratego.
Mana kaka koth ma kelo pe, ka yamo ma ketho gik moko,
Ka koth ma kelo ohula maduong’,
Obiro kawo osimbono, mi nowite matek nyaka e piny.
3 Osimbo ma jokong’o mag Efraim sungorego
Ibiro nyon anyona.+
4 Kendo duong’ne machal gi maua ma ner,
Moket e wi dala man e hoho momewo
Nobed kaka olemb ng’owo mokwongo chiek ka oro podi.
Ma ka ng’ato oneno, to opone mochame mapiyo.*
5 Chieng’no, Jehova Nyasach oganda lweny nobed kaka osimbo ma nigi duong’, kendo kaka kondo molos gi maua ne joge modong’.+ 6 Obiro miyo ng’at ma obet e kom-bura rohone, kendo teko ne jogo ma kedo gi wasigu e dho rangach.+
7 To jogi bende oseketho nikech divai;
Kong’o e ma omiyo gikwang’.
Jadolo kod janabi obayo yo nikech kong’o;
Divai osemiyo girwenyo,
Kendo gikwang’ nikech kong’o;
Fweny ma gineno miyo gibalo,
Kendo gichwanyore ka ging’ado bura.+
8 Nimar ng’ok e mopong’o mesegi duto,
—Onge kata ka maler.
9 En ng’ano ma ibiro puonj,
Kendo ma ibiro lerne tiend weche mipuonjo?
Be ginipuonj nyithindo ma eka ogol e thuno,
Nyithindo ma koro oseweyo dhoth?
10 Nimar en mana “chik kuom chik, chik kuom chik,
Lain kuom lain, lain kuom lain,*+
Matin kae, matin kacha.”
11 Omiyo, obiro wuoyo gi jogi kotiyo gi jo ma ywayo dwal kod jo ma wacho dhok ma wendo.+ 12 Ne osegawachonegi niya: “Kae e kar yueyo. Jo mool mondo obi oyue, mondo gibed gi chuny mokuwe,” to ne gidagi winje.+ 13 Omiyo, wach Jehova biro bedonegi kama:
14 Omiyo, winjuru wach Jehova un josunga,
Un jotend oganda e Jerusalem,
15 Nimar uwacho kama:
16 Omiyo, ma e gima Jehova Wuon Loch Duto owacho:
“Aketo kidi ma osetem mondo obed mise e Sayun,+
En kidi ma nengone tek ma riwo kor ot+ mondo misene obed motegno.+
Onge ng’ato moketo yie kuoma ma biro luor.+
Kodh pe biro ywero miriambo mugeng’orugo,
Kendo ohula biro pong’o kuonde mupondoe.
Ka ohula maduong’ obiro,
Obiro tiekou.
Luoro kende e ma nomi giwinj tiend weche ma ne giwinjo.”*
20 Nimar otanda tin ahinya ma ng’ato ok nyal rieree,
Kendo onget tin ma ok nyal umo ng’ato maber.
21 Nimar Jehova Nyasaye biro chung’ mana kaka nochung’ e Got Perazim;
Obiro chung’ malo mana kaka notimo e hoho man machiegni gi Gibeon,+
Mondo otim gik miwuoro,
Kendo otim tije ma ji ok par ni onyalo timo.+
22 Omiyo, koro weuru ajara,+
Mondo kik rid opingo ma otweugo,
Nimar Jehova Nyasach oganda lweny kendo Wuon Loch Duto osegolo chik,
Mondo oketh piny duto.+
23 Chikuru itu mondo uwinj dwonda;
Chikuru itu mondo uwinj gima awacho.
24 Be japur puroga apura ndalo duto ma ok ochuo kodhi?
Be kinde duto otiyoga mana tij toyo lowo?+
25 Ka oseloso puodho maber,
Donge okiroga kumin ma rateng’ e lowo kendo opidho kumin?
Donge opidhoga ngano, kal, kod shairi kuonde mowinjore?
27 Kumin ma rateng’ ok din gi gir dino mabith,+
Kendo tiend gari ok din-go kumin.
To kumin ma rateng’ idino gi radin,
Kendo kumin igoyo gi luth.
28 Be ng’ato dinoga cham mondo olosgo makate?
29 Ma bende owuok kuom Jehova Nyasach oganda lweny,
Ma ng’adoga rieko mabeyo
29 “Yaye in Ariel,* dala ma Daudi ne obworoe, inine malit!+
Dhiuru nyime higa ka higa;
Kutimo sewni+ higa ka higa.
2 To abiro kelo masira kuom Ariel,+
Ywak kod nduru nobedie,+
Kendo obiro chalo gi ka ma ochungie kendo mar misango.+
3 Abiro dinoni koni gi koni
Abiro lwori gi chiel mar yien ma wigi bitho bitho,
Abiro chungo ohinga molwori koni gi koni.+
4 Ibiro duoki piny;
Ibiro wuoyo ka in e lowo,
Kendo wecheni nowuog mana e buru.
Dwondi biro a mana e lowo,+
Mana kaka dwond ajuoga
Kendo wecheni biro a e lowo gi dwol ma chal gi mar winyo.
5 Oganda maduong’ ma noked kodi nochal gi buru mayom,+
Oganda mager ma noked kodi biro chalo gi mihudhi ma yamo tero.+
Ee, mano biro timore mapiyo ka diemo wang’.+
6 Jehova Nyasach oganda lweny nobinu,
Enobinu gi mor polo, yiengni mag piny, koko mang’eny,
Kaachiel gi yamo mager, kod mach mager.”+
7 Eka ogendni duto ma dwaro kedo gi Ariel,+
Ji duto ma kedo kode,
Ji duto mosegero ohinga molwore,
Kaachiel gi ji duto ma sande
Biro chalo gi lek, ee, fweny motieno.
8 Adier, obiro chalo gi ng’at modenyo ma leko ni ochiemo,
To kochiewo oyudo kodenyo,
Kendo ka ng’at ma riyo oloyo ma leko ni omodho pi,
To kochiewo oyudo kool kendo ka riyo oloye.
Mano e gima biro timore ne ogendni duto
Ma kedo gi Got Sayun.+
Gimer to ok gimadho divai;
Gikwang’ to ok gimadho kong’o.
11 Fweny ka fweny koro chalonu mana gi weche manie buk motue matek.+ Ka gimiyo ng’at mong’eyo somo mondo osomnegi weche manie bugno gi dwol maduong’, ng’atno biro nyisogi ni ok onyal some nikech otueye matek. 12 To ka gikwayo ng’at ma ok ong’eyo somo mondo osome, ng’atno biro nyisogi ni ok ong’eyo somo kata matin.
13 Jehova owacho niya: “Ogandani sudo ira mana gi dhogi
Kendo gimiya duong’ mana gi wechegi,+
To chunygi bor ahinya koda;
Kendo giluora mana nikech chike dhano ma osepuonjgi.+
14 Kuom mano, anatim tije madongo kendo e kind ogandani,+
Abiro miyo giwuor ahinya,
Rieko mar joggi mariek biro lal nono,
Kendo rieko ma joggi winjogo tiend weche biro rumo.”+
15 Nobed malit ne jogo ma temo matek mondo gipand chenrogi e wang’ Jehova.+
Gitimo gigegi e mudho
Ka giwacho niya: “Be nitie ng’at ma nenowa?
Be nitie ng’at mong’eyo gik mwatimo?”+
16 To mano kaka ugwenyo gik moko!
Dipim jachue agulu gi lowo?+
Be gima ochue nyalo wacho ne jachuechne ni,
“Ne ok ichueya”?+
Be gi ma ochue nyalo wacho ne jachuechne ni,
“Ionge gi rieko”?+
17 Odong’ mana kinde matin, to Lebanon biro lokore puodho ma nigi yiende mabeyo,+
Kendo puodhono ibiro kwan ka bungu.+
18 Chieng’no rodin biro winjo weche manie bugno,
Kendo muofni biro neno, kosegolgi kuonde motimo mudho mandiwa.+
19 Jo mamuol nobed mamor kuom Jehova,
Kendo jo modhier nobed moil kuom Ng’at Maler mar Israel.+
20 Nimar ng’at ma kwiny ok nobedie kendo,
Jasunga ibiro tiek,
To jo ma buto ne jowetegi ibiro kethi.+
21 Ibiro keth jo ma riambo ne jowetegi,
Jo ma chiko obadho ne ng’at ma kwerogi e dho rangach,+
Kendo ma ketho buch ng’at makare gi weche manono.+
22 Omiyo, ma e gima Jehova Nyasaye ma nowaro Ibrahim,+ wacho ne joka Jakobo:
23 To koneno nyithinde,
Ma gin tich lwetena kochung’ kode,+
Gibiro miyo nyinga obed maler;
Adier, ginipwodh Ng’at Maler mar Jakobo,
Kendo gibiro luoro Nyasach Israel.+
24 Jo ma chunygi obalo biro yudo rieko,
Kendo jo mang’ur biro rwako puonj.”
30 Jehova owacho kama: “Nobed malit ne nyithindo ma tokgi tek,+
Ma chano timo gik ma opogore gi dwacha,+
Ma timo winjruok gi ogendni mamoko, to rohona ok otayogi,
Mondo gimed mana richo e wi richo.
3 To rit muyudo kuom Farao nokelnu wich-kuot,
Kendo geng’ruok mugeng’orugo e tipo mar Misri nokelnu wich-kuot.+
4 Nimar jotende ni Zoan,+
Kendo jootene osechopo Hanes.
5 Gibiro yudo wich-kuot
Kuom oganda ma ok nyal konyogi kata matin,
Ma ok nyal konyogi kata kelonegi ber moro amora,
To mana wich-kuot gi achaya.”+
6 Ma e gima ne owach ni ne dhi timore ne ondiegi ma yo milambo:
Giting’o mwandugi e ng’e pundegi,
Giting’o gigegi e kuombe ngamia maggi,
Gikalo e piny mopong’ gi chandruok kod masiche,
Piny ma nigi sibuor, sibuor ma ruto,
Piny ma nigi thuonde ma fuyo, kod ma nigi sum mager.
To mwandugo ok bi konyo ji.
7 Nimar onge gima Misri nyalo konyogigo.+
Mano e momiyo aseluonge ni, “Rahab,+ ma budho abudha nono.”
8 “Koro, dhi e nyimgi indik wechego e kidi mopa,
Indikgi e buk,+
Mondo oti kodgi e kinde ma biro
Kaka janeno mosiko.+
10 Giwacho ne jokor wach ni, ‘Kik une fweny,’
To ne jonabi niya, ‘Kik ukor wach madier.+
Kornwauru mana weche mamit; fweny miwuondogo ji.+
11 Weuru luwo yo; baruru uwe yo.
Weuru nyisowa wach Ng’a Maler mar Israel.’”+
12 Omiyo, ma e gima Ng’at Maler mar Israel owacho:
“Usekwedo wachni+
Uhero miriambo kod mibadhi
Kendo ugenogi,+
13 Omiyo, richouno biro chalonu gi ohinga momukore,
Gi ohinga mabor moleng’ore kendo machiegni lwar.
Obiro podho apoya.
14 Obiro tore mana kaka agulu maduong’,
Obiro ng’injore matindo tindo kendo onge kata pado ma biro dong’
Minyalo kwanygo mach
Kata minyalo twomgo pi mogudore.”*
15 Nimar Jehova Wuon Loch Duto, Ng’at Maler mar Israel owacho niya:
“Kuduogo ira kendo uling’ mos, to ubiro yudo resruok;
Kugeno kuoma kendo kuhoru mos, to unuyud teko.”+
To nutamoru timo kamano.+
16 Nuwacho kama: “Wabiro ringo gi farese!”
To adier ubiro ringo.
“Wabiro ringo gi farese ma ringo matek!”+
To adier, jo ma lawou biro lawou matek.+
17 Ji aluf achiel biro tetni e nyim ng’ato achiel;+
Ji abich biro bwogou mi uringi
Mi unuchal gi yien mokelore e wi got,
Kendo gi bendera achiel e wi got.+
Nimar Jehova en Nyasaye ma ng’ado bura kare.+
Jo ma ogene duto nobed mamor.+
19 Kinde ma ji biro dak Sayun, e dala mar Jerusalem,+ ok ibi ywak.+ Obiro kechi sa moro amora mowinjo kiluonge; obiro dwoki mapiyo kikwaye gimoro.+ 20 Jehova nomi chandruok obed chiembu kendo enomi sand obed pi mumodho.+ Kata kamano, Japuonjni Maduong’ ok nopondni kendo, to wengeni biro neno Japuonjni Maduong’.+ 21 Kendo iti biro winjo dwol moro e ng’eyi ka wacho niya, “Ma e yo,+ luwe,” kapo ni ichiko korachwich kata koracham.+
22 Ubiro ketho sanamu magu ma nupayo mubawo gi fedha kaachiel gi mag chuma mobaw gi dhahabu.+ Ubiro witogi mana kaka iwitoga kitamba ma dhako osedhigo e dwe kendo unuwachnegi ni, “Auru ka!”*+ 23 Nyasaye biro kelo koth mondo kodhi mupidho otwi,+ kendo obiro miyo puotheu ochieg cham mang’eny kendo mamiyo.+ E ndalogo, jambu nokwa e lege madongo.+ 24 Ruedhiu gi pundeu mupurogo biro chamo ngano moketie chumbi kendo mopiedh maber gi opao kod uma. 25 Chieng’ nek maduong’no, ma ikethoe ohinga madongo, aoche kod sokni+ nobed e wi gode madongo kod pidhe maboyo duto. 26 Chieng’ ma Jehova biro tueyoe tiend joge motur+ kendo chango adhonde ma ne giyudo nikech masira ma nokelonegi,+ dwe norieny mana ka chieng’ kendo ler mar chieng’ biro medore nyadibiriyo+ mana ka ler mar odiechienge abiriyo.
27 Neuru! Nying Jehova biro koa ka mabor,
Mirimbe liel ka mach ma yiche dhuolore ka boche polo.
Dhoge tetni gi mirima mager,
Kendo lewe otimo mach ma kakni.+
28 Muche chalo gi aora mopong’ ma chopo e ng’ut ng’ato.
Ochungo ogendni gi rachungi mar kethruok.
Ji biro bayo yo mana ka faras michiko gi chuma motue e dhoge.+
29 To wer muwero nochal gi wer muwero gotieno
Kuikoru ne sawo,+
Kendo chunyu biro bedo mamor
Mana ka ng’at ma goyo asili
Sa ma odhi e god Jehova ma en Lwanda mar Israel.+
30 Jehova biro miyo ji owinj dwonde+ ma nigi teko
Kendo obiro nyiso ji bade+ ka lor gi mirima mager,+
Gi mach ma wang’o gik moko duto,+
Gi mor polo+ kod koth maduong’ machwe gi pe kaachiel gi yamo mager.+
32 E kinde ma Jehova biro fwayoe ludhe koni gi koni
Mondo ochwad Jo-Asuria,
E kinde ma obiro fwayoe bade koni gi koni kokedo kodgi,+
Ubiro bedo mamor kugoyo oyieke kod nyatiti.+
Osekunyo bur matut kendo malach
Mi ochoko yien e iye.
Much Jehova ma liel ka salfa*
E ma biro moko majno.
31 Yaye, nobed malit ne jo ma dhi mwalo e piny Misri mondo gimany konyruok,+
Jo mogeno farese,+
Jo mogeno geche lweny mang’eny ma gin-go,
Kendo mogeno joidh farese nikech gin gi teko.
To ok gigeno Ng’at Maler mar Israel,
Kendo ok gimany Jehova.
2 Kata kamano, oriek kendo obiro kelo masira,
Ok obi loko gima osewacho.
To obiro a malo mondo oked gi od joricho
Kod jo ma konyo joricho.+
3 Jo-Misri gin mana dhano, ok gin Nyasaye;
Faresegi gin mana ringruok to ok roho.+
Kinde ma Jehova biro rieyoe lwete,
Jo ma konyogi biro chwanyore,
To jo ma ikonyo biro podho;
Gibiro lal nono kanyachiel.
4 Nimar Jehova osewachona niya:
“Mana kaka sibuor ruto, sibuor motegno momako le moro,
Sa ma jokwath mang’eny lawe,
Kendo dwondgi ok bwoge,
Kata koko maggi ok miye luoro,
E kaka Jehova Nyasach oganda lweny biro lor piny mondo oked
Ne Got Sayun kendo ne got man kuno.
5 Jehova Nyasach oganda biro rito Jerusalem,+ mana ka winyo ma fuyo koni gi koni.
Obiro rite kendo ware.
Obiro ng’wonone kendo rese.”
6 “Yaye un Jo-Israel, duoguru ir Ng’at ma ne upiemgo gi wang’-teko.+ 7 Chieng’no ng’ato ka ng’ato kuomu biro wito nyisechene manono mag fedha kod mag dhahabu ma ne uloso gi lweteu uwegi, momiyo utimo richo.
8 Jo-Asuria biro tho gi tho ligangla, to ok mar dhano;
Ligangla ma biro tiekogi ok nobed mar dhano.+
Obiro ringo koneno ligangla,
Kendo ibiro chun yawuote gi tich matek.
9 Lwandane biro lal nono nikech luoro,
Kendo bendera biro miyo jotende luoro,” Jehova owacho,
Nyasaye ma lerne ni Sayun, kendo maje mager ni Jerusalem.
2 Ng’ato ka ng’ato nobed kar pondo ne yamo mager,
Ka ma ji buoroe ne kodh yamo,
Kaka aoche matindo e piny ma onge pi,+
Kaka tipo mar lwanda maduong’ e piny motwo.
3 Wenge jo ma neno ok nochak oimre kendo,
Kendo jo ma winjo nochik itgi.
4 Chuny jo ma mwomore nopar matut kaka weche obet,
Kendo lew ng’at ma radwal biro wuoyo maler.+
5 Ng’at mofuwo ok noluong kendo ni jachiwo,
Jamibadhi ok noluong kendo ni ng’at migeno;
6 Nimar ng’at mofuwo biro wacho mana weche mofuwo,
Kendo chunye nopar mana gik ma hinyo jomoko,+
Ojiwo chuny mar ng’anyo, kendo owacho gik maricho e wi Jehova,
Mondo ng’at modenyo kik yud chiemo
Kendo ng’at ma riyo oloyo kik yud gima domodhi.
7 Jamibadhi chano mana gik maricho;+
Ojiwo timbe makelo wich-kuot,
Mondo otiek ng’at ma sandore gi miriambo,+
Kata sa ma jachan wacho gima kare.
8 Ng’at ma jachiwo ohero chiwo gigene,
Kendo enosik kotimo gik mang’won.
9 “Un mon ma chunygi ng’ich,* auru malo mondo uwinj dwonda!
Un nyiri ma ok dew gimoro,+ chikuru itu ne gima awacho!
10 Sani ero onge gima obadhou, to bang’ higa achiel gi ndalo moko, ubiro luor,
Nikech keyo biro rumo ka pok ukayo mzabibu kata achiel.+
11 Un mon ma sani chunyu ng’ich, beduru maluor!
Un jo ma ok odewo gimoro, beduru maluor!
Lonyuru lepu,
Kendo tweuru lep gunia e nungou.+
12 Gouru koru kuywagoru,
Ywaguru puotheu mabeyo, kod mzabibu magu.
13 Nimar kuthe e ma biro pong’o puothe joga;
Gibiro pong’o ute duto mag nyasi,
Ee, dala maduong’ ma ji morie.+
14 Nimar ohinga motegno osejwang’;
Dala ma yande ji thothie osedong’ nono.+
Ofel+ kaachiel gi ohinga oselokore thim mosiko,
Punde mag thim nodag kuondego,
Kendo rombe nokwa kuno,+
15 Nyaka chop chieng’ mibiro olnwa roho koa malo,+
Kendo thim lokre puodho momewo,
Mi puodhono obed gi yiende mang’eny.+
16 Eka bura makare nodag e thim,
Kendo tim makare nodag e puodho ma nigi yiende mabeyo.+
18 Joga nodag e piny mokuwe,
Kendo ginidag gi mor ma onge koko.+
19 Kata kamano, kodh pe biro ketho bungu,
Kendo dala maduong’ nolokre ka mopie.
20 Jo mamor gin jo ma chuoyo kodhi e bath aoche,
Kendo ma weyo ruedhigi gi pundegi owuoth awuotha.”+
33 Yaye inine malit, in jal ma ketho gik moko to pok okethi;+
In ja andhoga ma ndhogo ji to pok ondhogi!
Kisetieko ketho gik moko to ibiro kethi.+
Kisetieko ndhogo ji to ibiro ndhogi.
2 A Jehova, kechwa.+
In e ma wageni.
3 Ka ji owinjo koko, to giringo.
Ka ia malo, ogendni kere koni gi koni.+
4 Mana kaka det-bonyo chokore, e kaka mwandu magu ibiro chok;
Ji biro dum kuomgi mana ka det-bonyo.
5 Ibiro ting’ Jehova malo,
Nimar odak e polo.
Obiro pong’o Sayun gi bura makare kod tim makare.
6 Obiro sirou ndalo duto;
Ji biro luoro Jehova,+ gibiro bedo gi rieko, ng’eyo, kod resruok+
Ma e mwandune.
7 Neuru! Thuondi maggi ywak e nderni;
Joote mag kuwe ywak malit.
8 Nderni madongo ni nono;
Onge ng’ato ang’ata ma wuotho e yore.
9 Piny ywak* kendo oner.
Lebanon oyudo wich-kuot;+ osetow.
Sharon chalo mana gi thim,
Kendo oboke mag Bashan gi Karmel oselwar piny te.+
11 Ne umako ich mar lum motwo, mi unyuolo yugi.
Muchu e ma biro wang’ou mana kaka mach.+
12 Ogendni biro chalo mana ka choka mosewang’.
Ibiro wang’gi e mach, mana ka kuthe mosetong’ piny.+
13 Un jo ma ni kuonde maboyo, winjuru gima abiro timo!
To un jo modak machiegni, yieuru ni an gi teko!
14 Joricho modak Sayun oluor;+
Jo mong’anyo tetni ka giwacho niya:
‘Be nitie ng’ato kuomwa ma nyalo dak ka ma mach mager nitieree?+
Ng’ano kuomwa ma nyalo dak gi mach ma ok tho?’
15 Ng’at ma wuotho mana e tim makare,+
Ma wechene tir,+
Ma ok ohero mibadhi, kata ohala ma ok owinjore,
Ma lwetene ok kaw asoya,+
Ma dino ite ne weche mag chuero remo,
Kendo ma dino wang’e mondo kik one gik maricho
16 —Obiro dak ka moting’ore malo;
Kendo obiro geng’ore ka motimo lwendni madongo,
Ibiro miye chiembe,
Kendo pi ma omodho ok norum.”+
17 Wengeni biro neno ruoth gi duong’ne duto;
Gibiro neno piny man mabor ahinya.
18 Chunyi biro paro weche ma ne kelo luoro chon:
“Jandiko ni kanye?
Ere ng’at ma kwano osuru?+
Ere ng’at ma kwano ohinga* duto?”
19 Ok inichak ine oganda mager kendo ma tokgi tek,
Oganda ma dhogi tek winjo,
Kendo ma wechegi ok winjre nikech giywayo dwal.+
20 Ranguru Sayun! En e dalawa ma watimoe sewni.+
Wengeni biro neno Jerusalem kaka ka mokuwe ma ji odakie,
Kaka hema ma ok yiengni.+
Loyene mogur motegno ok nopudh oko,
Kendo tondene ok nochodi.
21 To kanyo e ma duong’ maler mar Jehova biro nenoree,
Obiro bedonwa gweng’ motimo aoche madongo kod matindo,
Onge yiedhi ma nokwang’ kanyo,
Kata meli madongo ma noluw kanyo.
23 Tondeni biro mbekore;
Ok ginisir siro mag yiedhi maggi, kata yaro tanga maggi.
E kindego gibiro pogore mwandu mang’eny ma giyako,
Kata mana ng’at mong’ol biro yudo mwandu mang’eny moyaki.+
34 Un ogendni, biuru machiegni mondo uwinji,
Chikuru itu, un ji.
Piny kod gik moko duto manie iye mondo owinji,
Ee, piny kod gik moko duto monyago.
Obiro kethogi;
Obiro negogi.+
4 Jolweny mag polo biro tow,
Kendo ibiro ban polo mana ka buk midolo.
Jolwenje duto nolal nono,
Gibiro ner mi gilwar ka oboke mar yiend mzabibu,
Gibiro two ka oboke mar yiend ng’owo.
5 “Liganglana biro pong’ gi remo e polo.+
Obiro lor kuom Edom mondo akumgi,+
Ee, kuom oganda ma aseng’ado ni ibiro tieki.
6 Jehova nigi ligangla; liganglano nopong’ gi remo.
Linganglano nopong’ gi boche,+
Nopong’ gi remb nyiyimbe kod diek,
Nopong’ gi boche mag nyarogno mag yimbe.
Nimar Jehova biro timo misango Bozra,
Kendo nek maduong’ biro timore e piny Edom.+
7 Ruedhi mag bungu biro ridore kodgi,
Ruedhi matindo kaachiel gi ma roteke.
Pinygi nopong’ gi remo,
Kendo boche nopong’ buru manie pinygi.”
8 Nimar Jehova nigi odiechienge ma obiro chuloe kuor,+
Higa ma obiro kumoe ji nikech gik ma ne gitimo ne Sayun.+
10 Lamno biro liel odiechieng’ gotieno;
Yiro mogolo nodum nyaka chieng’.
Enodong’ gunda kuom higni gi higni;
Onge ng’ama nochak oluw kuno.+
11 Mbusi gi chieu e ma nodag e pinye,
Tula gi agak bende nodag kuno.
Obiro pime gi tol kod kabiro,
Mondo onyis ni pinyno nokethi kendo nodong’ nono.
12 Onge jalochne moro amora ma nobed ruoth,
Kendo jotende duto biro lal chuth.
13 Kuthe biro twi e ohinga mage,
Aila kod buya bende notwi e ohinga mage.
Bwe e ma nodag kanyo,+
Kanyo e ma udo biro kwayoe.
14 Le mag thim norom gi ondiegi kuno,
Kendo diend thim* noluong nyawadgi.
Ee, nyatao nodag kanyo kendo noyud kar yueyo.
15 Thuol bende biro loso kamoro kanyo mi nonyuolie tong’e,
Obiro tokogi kendo choko nyithinde e tipone.
Ee, otenga biro chokore kanyo ariyo ariyo, ma dichwo gi ma dhako.
16 Nonuru bug Jehova kendo usome gi dwol:
Onge kata achiel kuomgi ma nobed ma onge;
Ginibed ariyo ariyo, ma dichwo gi ma dhako,
Nimar dho Jehova e mosegolo chik,
Kendo roho mare e ma nochokgi.
17 En e ma osepogonegi kargi,
Kendo lwete osepogonegi ka ma gibiro dakie kotiyo gi tond pimo.
Enobed margi kuom ndalo duto;
E tienge duto nodag kanyo.
2 Adier, obiro thiewo;+
Obiro bedo moil kendo kok gi mor.
Gibiro neno duong’ mar Jehova, gibiro neno ber mar Nyasachwa.
3 Teguru lwedo ma yom yom,
Rieuru chonge monyosore.+
4 Nyisuru jo ma chunygi chandore niya:
“Beduru motegno. Kik ubed maluor.
Neuru! Nyasachu nobi mondo ochul kuor,
Enobi mondo okum jowasiku.+
Enobi mondo oresu.”+
Nimar pi nobubni e thim,
Kendo aoche nobedie e piny motwo.
7 Lowo ma ne chieng’ obaro biro lokre thidhiya,
Kendo piny motwo biro pong’ gi sokni.+
Lum mang’ich biro twi kuonde ma ne bwe odakie,+
Ee, odundu kod togo bende biro twi kuondego.
8 Ndara maduong’ nobedie kuno,+
Ee, ndara ma iluongo ni Ndara Maler.
Ng’at ma ok ler ok nowuoth e ndarano.+
Ng’at moyiene wuothoe kende e ma biro luwe;
Ng’at mofuwo ok noluw yorno.
9 Sibuor ok nobedie kanyo,
Ondiegi bende ok nobi kanyo.
10 Jo ma Jehova osewaro noduog+ Sayun ka gikok gi mor.+
Ibiro rwaknegi osimbo mar mor mosiko.+
Ginibed mamor kendo moil,
Kuyo gi parruok biro lal nono.+
36 E higa mar 14 mar loch Hezekia, Senakerib ruodh Asuria+ nomonjo mier duto ma ne ochiel motegno e Juda, mokawogi.+ 2 Eka ne ooro Rabshake*+ kod oganda lweny mang’ongo ka en Lakish+ mondo odhi Jerusalem ir Ruoth Hezekia. Ka ne gichopo kuno, ne gichung’ but freji ma golo pi e yawo ma malo+ man e yo mochomo puoth jalwok lewni.+ 3 Kendo Eliakim+ wuod Hilkia ma nochung’ ne od ruoth, gi Shebna+ jagoro, kaachiel gi Joa wuod Asaf jandiko, nodhi ire.
4 Eka Rabshake ne owachonegi niya: “Dhiuru unyis Hezekia ni ruoth maduong’ ma ruodh Asuria wacho niya, ‘Ere gima omiyo in gi chir ma kama?+ 5 Isewacho ni, “An gi rieko kod teko mar kedo e lweny,” kata kamano, mago gin weche manono. En ng’ano migeno momiyo sani itemo piem koda?+ 6 Winji! Ang’eyo ni iseketo genoni kuom Misri, to ng’e ni Misrino chal mana gi odundu motur ma ka ng’ato osiroree to ochuoyo lwete. Mano e gima Farao ruodh Misri timo ne ji duto mogeno kuome.+ 7 To ka iwachona niya: “Wan wageno Jehova Nyasachwa,” donge en e Nyasaye ma Hezekia nomuko kuonde moting’ore ma nogerne kaachiel gi kendo mag misangone?+ Donge Hezekia e ma nonyiso Juda gi Jerusalem ni nyaka gilem mana e nyim kendo mar misangoni, koso?’+ 8 Koro akwayi, tim singruogni gi ruodha ma en ruodh Asuria:+ abiro miyi farese 2,000 ka po ni inyalo yudo jo ma nyalo idhogi. 9 Ka igeno ni Jo-Misri e ma biro konyi gi farese kod joidh farese, be iparo ni inyalo loyo kata mana achiel kuom jotend ruodha matinie mogik? 10 Koso iparo ni abiro monjou amonja ka Jehova ok e ma oora? Jehova owuon e ma nonyisa ni abi aked gi pinyni kendo akethe chuth.”
11 Eka Eliakim, gi Shebna,+ kod Joa ne owacho ne Rabshake+ niya: “Wasayi, yie iwuo kodwa gi dho Aram,*+ nimar wawinjo dhokno; to kik iwuo kodwa gi dho Jo-Yahudi mochung’ e wi ohingagi.”+ 12 To Rabshake ne openjo niya: “Uparo ni un kod ruodhu kende e ma ruodha ne oora mondo awachnu wechegi? Donge ne oora bende ir jo manie wi ohingagi, ma biro chamo chiedhgi kendo madho lachgi giwegi mana kaka un bende ubiro timo?”
13 Bang’ mano, Rabshake ne ochung’ mi okok gi dwol maduong’ kowacho e dho Jo-Yahudi+ niya: “Winjuru gima ruoth maduong’, ma ruodh Asuria osewacho.+ 14 Ma e gima ruoth owacho, ‘Kik uwe mondo Hezekia owuondu, nimar ok onyal resou.+ 15 Kendo kik uyie Hezekia omi ugen Jehova+ kowachonu niya: “Jehova biro resowa, kendo dalani ok nopodh e lwet ruodh Asuria.” 16 Kik uwinj weche Hezekia, nimar ma e gima ruodh Asuria owacho: “Losuru kuwe koda kendo ubed e bwo lochna, mi ng’ato ka ng’ato kuomu biro chamo olemb mzabibune kod ng’ope owuon, kendo enomodh pi e yawone owuon, 17 nyaka chieng’ ma anabi, mi ateru e piny ma chalo gi pinyu,+ ee, e piny ma cham kod divai chiekie maber, kendo piny mopong’ gi makate kod puothe mzabibu. 18 Kik uyie mondo Hezekia owuondu ni Jehova biro resou. Be nitie nyasaye moro amora mosereso joge e lwet ruodh Asuria?+ 19 Nyiseche mag Hamath gi Arpad ni kanye?+ Bende, ere nyiseche mag Sefarvaim?+ Be gisereso Samaria e lweta?+ 20 Kuom nyisechego duto, ere mosereso joge e lweta? Koro, ang’o momiyo uparo ni Jehova biro reso Jerusalem?”’”+
21 Ne giling’ thi, onge ng’at ma ne odwoke kata wach achiel nikech ruoth Hezekia nosechikogi ni kik gidwoke.+ 22 Eka Eliakim wuod Hilkia ma nochung’ ne od ruoth, gi Shebna+ jagoro, kaachiel gi Joa wuod Asaf jandiko nodok ir Hezekia ka giyiecho lepgi, mi ne ginyise weche duto ma Rabshake nowachonegi.
37 Ka Ruoth Hezekia nowinjo wechego, ne oyiecho lepe, mi orwako lep gunia, kae to odhi e od Jehova.+ 2 Eka ne ooro Eliakim wuod Hilkia ma nochung’ ne od ruoth, gi Shebna jagoro, kaachiel gi jodong jodolo ir janabi Isaya+ wuod Amoz. Ne gidhi ire ka girwako lep gunia. 3 Ne giwachone niya: “Ma e gima Hezekia owacho, ‘Kawuono en chieng’ chandruok, ayany, kod wich-kuot; muoch kayo mine, to gionge gi teko mar nyuol.+ 4 Koro, wakwayi ni ilem+ ne jo ma pod odong’,+ nimar samoro Jehova Nyasachi biro winjo weche ma ruodh Asuria oseorogo Rabshake mondo oyany Nyasaye mangima,+ kendo Jehova Nyasachi biro kume nikech weche ma osewachogo.’”
5 Omiyo, jotich Hezekia ne odhi ir Isaya.+ 6 Eka Isaya ne owachonegi niya: “Dhiuru uwach ne ruodhu ni Jehova owacho kama: ‘Kik iluor+ nikech weche ma isewinjo ka joote mag ruodh Asuria+ yanyago. 7 Abiro loko pache, kendo obiro winjo wach moro mi nodog e pinye.+ Abiro miyo onege gi ligangla e pinye owuon.’”+
8 Ka ne Rabshake owinjo ni ruoth Asuria osewuok Lakish, ne odok ire mi oyude ka okedo gi Libna.+ 9 Eka ruodh Asuria nowinjo ni Tirhaka ruodh Ethiopia osebiro kedo kode. Omiyo, ka nowinjo wachno, ne ooro joote kendo ir Hezekia+ niya: 10 “Dhiuru unyis Hezekia ruodh Juda niya: ‘Kik iwe mondo Nyasachi ma igeno kuomeno owuondi ni Jerusalem ok bi podho e lwet ruodh Asuria.’+ 11 Isewinjo kaka ruodhi mag Asuria oseketho pinje duto ma ne gikedogo.+ Koro iparo ni in e ma ibiro kwo? 12 Ere Gozan, Haran,+ Rezef, kod jo Eden ma nodak Eden Tel-asar? Be nyiseche ma ogendnigo ne lamo noresogi adier e lwet kwerena?+ 13 Bende, ere ruodh Hamath, gi ruodh Arpad, gi ruodh mier mag Sefarvaim,+ gi Hena, kod Iva?”
14 Hezekia ne okawo barupe ma jootego nokelone, mi osomogi. Eka ne odhi e od Jehova mi oyaro barupego e nyim Jehova.+ 15 Ne ochako kwayo Jehova+ kowacho niya: 16 “A Jehova Nyasach oganda lweny,+ Nyasach Israel mobet e kom-lochne e wi* jokerubi. In kendi e Nyasaye madier e wi pinjeruodhi duto manie piny. In e ma ne ichueyo polo gi piny. 17 Yaye Jehova, chik iti mondo iwinji!+ A Jehova, yaw wang’i mondo ine!+ Winjie weche duto ma Senakerib oseoro mondo oyanygo Nyasaye mangima.+ 18 A Jehova, en adier ni ruodhi mag Asuria oseketho pinje mamoko duto+ kaachiel gi pinygi giwegi. 19 Kendo gisewito nyisechegi e mach,+ nikech ne ok gin nyiseche, to ne gin mana gik ma dhano oloso gi lwetegi+ ka gitiyo gi bao kod kite. Mano e momiyo ne gikethogi. 20 To koro, A Jehova Nyasachwa, wakwayi ni ireswa e lwete mondo pinjeruodhi duto mag piny ong’e ni in kendi e Nyasaye, yaye Jehova.”+
21 Eka Isaya wuod Amoz ne ooro wachni ne Hezekia kama: “Jehova Nyasach Israel owacho ni, ‘Nikech isekwaya mondo aresi e lwet Senakerib ruodh Asuria,+ 22 ma e gima Jehova osewacho kuome:
“Nyar Sayun ma silili osechayi, kendo ojari.
Nyar Jerusalem kinoni wiye.*
23 Ng’ano ma isejaro+ kendo yanyo kamano?
Ng’ano ma isekokne gi dwol maduong’ kamano?+
Ng’ano ma isejowone wengeni kamano?
Isetimo kamano ne Ng’at Maler mar Israel!+
24 Iseoro jotichni mondo ojar Jehova,+ kiwacho niya:
‘Abiro idho wi gode madongo+
Gi gechena mag lweny mokalo akwana,
Anachop nyaka kuonde maboyo mag Lebanon.
Abiro tong’o yiendene madongo mag sida kod yiendene mabeyo mag junipa.
Abiro chopo nyaka e i chuny bungu man iye mogik.
25 Abiro kunyo sokni, mi anamodh pige;
Ananyon aoche matindo mag Misri gi tiendena mi giduon.’
26 Dibed ni pok uwinjo? Noseng’ad wachno chon.
Asebedo ka aike chakre ndalo mokalo.+
Wang’ni to adhi kele.+
Ibiro muko mier mochiel motegno mi ginidong’ pidhe pidhe.+
27 Jo modak kuondego biro dhier nono;
Gibiro luor kendo wigi biro kuot.
Gibiro chalo gi yiende kod lum mang’ich manie pap,
Kaka lum motwi e wi tado ma ner ka yamb ugwe ogoyo.
28 To ang’eyo sa ma ibet, sa ma iwuok, sa ma iduogo,+
Kendo sa ma in gi mirima koda,+
29 Nikech mirima ma in-go koda+ kod koko migoyo osechopo e ita.+
Omiyo, abiro keto ramaki mara e umi kod ragayi+ e dhogi,
Kendo anaduoki gi yo ma ne ibirogo.”
30 “‘To in Hezekia, ma e ranyisi ma amiyi: Higani ubiro chamo gik motwi kendgi. Higa ma biro ubiro chamo orowe.* To e higa mar adek, ubiro komo mi unuka cham. Bende, ubiro pidho mzabibu mi unucham olembgi.+ 31 Jo-Juda ma biro tony, tiende ni jo modong’,+ biro chalo gi yath ma tero tiendene piny kendo nyago olembe e bedene. 32 Nimar jo manok modong’ biro wuok Jerusalem, kendo jo motony biro wuok e Got Sayun.+ Jehova Nyasach oganda lweny biro timo mano gi kinda.+
33 “‘Kuom mano, ma e gima Jehova owacho e wi ruodh Asuria:+
“Ok obi donjo e dalani+
Ok obi baye gi asere
Ok obi monje gi okumba
Kata loso pith mondo oidhgo ohingane.”’+
34 ‘Obiro dok gi yo ma nobirogo;
Ok nodonj e dalani,’ Jehova owacho.
36 Eka malaika mar Jehova nodhi monego jolweny mag Jo-Asuria 185,000 ka ma ne gigoyoe kambi. Ka ne ji ochiewo gokinyi ne gineno mana ringre jo motho kopie.+ 37 Omiyo, Senakerib ruodh Asuria noa kanyo modok thurgi Nineve.+ 38 To ka noyudo olemo e od Nisrok nyasache, yawuote ma Adramelek gi Sharezer nobiro monege gi ligangla.+ Bang’e, ne giringo mi gidhi e piny Ararat.+ Eka wuode ma Esarhadon+ nochako locho kare.
38 E ndalogo, Hezekia nobedo matuo kendo nohewore.+ Janabi Isaya+ wuod Amoz nodhi ire monyise niya: “Jehova Nyasaye owacho ni ichik joodi e wi gima onego gitim nikech ok ibi chango, to ibiro tho.”+ 2 Eka Hezekia nolokore mong’iyo kor ot mochako kwayo Jehova niya: 3 “A Jehova Nyasaye, akwayi ni ipar+ kaka asewuotho e nyimi gi adiera kendo gi chuny matir,+ kendo kaka asetimo gik mabeyo e wang’i.” Eka Hezekia nochako ywak malit.
4 To wach Jehova nobiro ne Isaya niya: 5 “Dog ir Hezekia+ mondo inyise ni, ‘Jehova Nyasach Daudi kwaru owacho kama: “Asewinjo kwayoni+ kendo aseneno pi wang’i.+ Abiro medi higni 15,+ 6 bende, abiro resi kaachiel gi dalani e lwet ruodh Asuria, kendo anaked ne dalani.+ 7 Ma e ranyisi mowuok kuom Jehova ma biro nyisi ni Jehova biro timo gima owachono:+ 8 Abiro miyo tipo mar ngas* mar Ahaz odog chien gi ondamo apar.”’”+ Eka wang’ chieng’ ma noyudo oselor ne odok chien gi ondamo apar e wi ngasno.
9 Magi e weche ma ne Hezekia ruodh Juda ondiko ka ne osechango.
10 Ne awacho niya: “Abiro dhi ir kwerena ka pod atin
Abiro donjo e dho ranga Liel.*
Abiro tho ka hika podi.”
11 Ne awacho niya: “Ok abi neno Jah,* ee, ok anachak ane Jah e piny jo mangima.+
Ok abi neno dhano kendo
Ka an e piny ma onge ngima.
12 Kar dakna osemuk mi oting’e+
Mana ka hema mar jakwath.
Asedolo ngimana mana kaka law ma jachuecho odolo.
Oseng’ada mana kaka usi mar law.
Adier, isesanda chakre okinyi nyaka otieno.+
13 Asebet piny mos nyaka okinyi.
Oturo chokena mana kaka sibuor;
Adier, isesanda chakre okinyi nyaka otieno.+
Wengena koro ool gi ng’iyo malo:+
‘Yaye Jehova, achandora;
Akwayi mondo isira!’+
15 Koro dawach ang’o?
Osewuoyo koda kendo osetimo kaka owacho.
Abiro wuotho ka abolora e ngimana duto
Nikech chunya winjo malit.
16 ‘A Jehova, magi e weche* ma miyo ji ngima,
Gisemiyo chunya obedo mangima.
Ibiro changa kendo ibiro miyo abed mangima.+
17 Neuru! Ne an gi lit mang’eny e chunya kar bedo gi kuwe;
To ne ihera ahinya,
Ne iresa e bur ma ji towie.+
Isewito richona duto e ng’eyi.+
Jo ma osedhi e bur ok nyal geno adiera mari.+
19 To jo mangima, ee, mana jo mangima e ma nyalo paki,
Mana kaka atimo kawuononi.
Wuoro nyalo puonjo yawuote adierani.+
20 A Jehova, resa,
Wabiro weroni wende gi gige thum+
Wanawerni ndalo duto mag ngimawa e i odi, A Jehova.’”+
21 Eka Isaya nowacho niya: “Keluru ng’owo moswagi kendo uwir e bur mokwodo Hezekia, mondo ochangi.”+ 22 Noyudo Hezekia osepenjo Isaya niya: “Ere ranyisi ma nyiso ni abiro dhi e od Jehova?”+
39 E ndalogo ruodh Babulon miluongo ni Merodak-baladan wuod Baladan, ne ooro barupe kod mich ne Hezekia,+ nimar ne owinjo ni yande otuo to koro osechango.+ 2 Hezekia ne orwako jootego gi mor, kendo nonyisogi mwandune ma ne nie ode mar keno,+ kaka fedha, dhahabu, mor balsam, gi modhi mamoko ma nengogi tek, kod gige duto mag lweny. Onge gima Hezekia ne ok onyisogi e ode kata e pinye.
3 Bang’ mano, janabi Isaya nodhi ir Ruoth Hezekia mopenje niya: “Jogi oa kanye, kendo en wach mane ma nokelogi kae?” Hezekia nodwoke niya: “Gia Babulon, piny man mabor ahinya.”+ 4 Isaya ne openje niya: “To ang’o ma ne gineno e odi?” Hezekia nodwoke niya: “Ne gineno gik moko duto manie oda. Onge gimoro amora e oda mar keno ma ne ok anyisogi.”
5 Eka Isaya ne owacho ne Hezekia niya: “Ma e gima Jehova Nyasach oganda lweny owacho, 6 ‘Winji! Ndalo biro ma gik moko duto manie odi, kendo ma kwereni ne okano nyaka chil kawuono ibiro ter Babulon. Onge gima ibiro we,’+ Jehova owacho.+ 7 ‘Kendo moko kuom yawuoti ibiro ter Babulon kendo gibiro bedo jotelo e od ruodh pinyno.’”+
8 To Hezekia ne odwoko Isaya niya: “Wach Jehova ma isenyisano ber.” Kae to nomedo niya: “Nikech kuwe biro betie e ndalona duto.”+
40 “Houru joga, hogiuru,” Nyasachu owacho.+
Lwet Jehova osechwade nyadiriyo nikech richone.”+
3 Dwol moro kok e thim niya:
“Ikuru ne Jehova yo!+
Losuru yo moriere tir+ kendo ma kalo e thim ne Nyasachwa.+
4 Buguru hohni duto,
Pauru gode matindo kod madongo mondo kuondego odong’ mopie.
Buguru kuonde motimo buche,
Lokuru kuonde motimo kite obed ka mopie.+
6 Winjuru! Dwond ng’ato wacho niya: “Ting’ dwondi mondo iwuo!”
To ng’at machielo penje niya: “Ere gima dawachi?”
“Dhano duto chalo gi lum mang’ich.
Heragi duto chalo gi maua manie pap.+
Adier, dhano chalo mana gi lum mang’ich.
9 Idh e wi got mabor,
Yaye in dhako ma kelo wach maber ne Sayun.+
Kog matek,
Yaye in dhako ma kelo wach maber ne Jerusalem.
Ting’ dwondi malo kendo kik iluor.
Land ne mier mag Juda niya: “Nyasachu nika!”+
Neuru! Enobi gi pok,
Kendo gik mobiro chulo ji nie nyime.+
11 Obiro rito rombene mana kaka jakwath.+
Obiro choko nyirombe gi bade,
Kendo obiro ting’ogi e kore.
Obiro wuotho mos e nyim rombene ma nigi nyithindo.+
En ng’a mosechoko buru e rapim+
Kata mosepimo gode madongo e ratil,
Kendo mosepimo gode matindo e rapim?
14 Ne odhi dwaro rieko kuom ng’a?
Ng’ano ma osepuonje yo makare,
Kata mosepuonje ng’eyo,
Kata mosekonye winjo tiend weche?+
15 Neuru! Ogendni chalo mana gi ton mar pi e ndo,
Kendo gichalo mana ka buru momoko e ratil.+
Neuru! Oting’o chulni mana ka buru.
16 Kata mana Lebanon onge gi yiende moromo chwekogo,
Kendo le man kanyo ok nyal romo timogo misango miwang’o.
18 Unyalo pimo Nyasaye gi ng’ano?+
Ere gima duwach ni chalo gi Nyasaye?+
20 Oyiero yath mowinjore,+
Yath ma ok bi tow.
Omanyo japecho molony
Mondo opane sanamu ma ok digore piny.+
21 Pok ung’eyo, koso?
Pok uwinjo, koso?
Pok owachnugo a chakruok piny?
Pok uwinjo tiend wachno nyaka ne ket mise mag piny, koso?+
Oyaro polo mana ka pasia ma reprep,
Kendo ogure mana ka hema midakie.+
23 Oduoko jotelo piny,
Kendo omiyo jong’ad bura* mag piny bedo jo ma nono.
24 Kata ka pok ochuogi maber e lowo,
Kata ka pok gimoko maber e lowo,
Tiendgi bende pok ogurore motegno
Ikudhogi mi gitwo
Kendo yamo ting’ogi mana ka yugi.+
25 Ng’at Maler penjo niya: “En ng’ano ma dupimago?”
26 “Ting’uru wang’u e polo mondo une.
Ng’ano mosechueyo gigo duto?+
En Ng’at ma golo ogandagi kokwanogi;
Ma luongogi giduto gi nyingegi.+
Nikech tekone ng’eny kendo lich miwuoro,+
Onge kata achiel kuomgi ma ok ochung’ kare.
27 Yaye Jakobo, yaye Israel, ang’o momiyo iwacho ni,
‘Jehova ok nyal neno yorewa,
Nyasaye ok ng’adna bura makare’?+
28 Pok ung’eyo, koso? Pok uwinjo, koso?
Jehova, Jachuech ma nochueyo piny duto, en Nyasaye ma nyaka chieng’.+
Ok oolga kendo ok onyosrega.+
Riekone tut ahinya.+
30 Yawuoyi biro ol kendo gibiro nyosore,
Kendo chwo biro chwanyore mi podhi,
31 To jo mogeno kuom Jehova tekogi noduogi.
Gibiro fuyo mana kaka otenga.+
Giniring to ok giniol;
Giniwuoth to tekogi ok norum.”+
41 “Un chulni, ling’uru thi mondo uwinja;
Un ogendni, mad uyud teko kendo.
Weuru gisud machiegni; eka giwach gima giwacho.+
Wachokreuru mondo ong’adnwa bura.
2 Ng’ano moseting’o malo jal moa yo wuok chieng’,+
Moseluonge obi ire* mondo otim gik makare,
Moseketo ogendni e lwete
Kendo ruodhi e bwoye?+
Ng’ano ma keyogi gi liganglane mana ka buru,
Kendo ma riembogi gi atung’ mana ka mihudhi ma yamo tero?
3 Olawogi matek, onge ng’at ma geng’e
Olawogi e nderni ma ne pok oluwoga.
4 Ng’ano mosetimo tijego, kendo mosemiyo gitimore,
Moseluongo tienge duto a chakruok?
5 Chulni noneno mano mi gibedo maluor.
Kuonde mogik mag piny nochako tetni.
Ne gichokore kanyachiel.*
6 Ng’ato ka ng’ato konyo nyawadgi
Ojiwo owadgi niya: “Bed gi chir.”
Opako gima oselosono niya: “Gini ber.”
Kae to ogure matek gi msumal mondo kik owuodhre.
8 “To in Israel, in e jatichna,+
In Jakobo, in e ng’at ma aseyiero,+
Koth Ibrahim osiepna.+
9 In e ma ne agoli e tung’ piny,+
In e ma ne aluongi ka in ka mabor ahinya.
Kik iparri, nimar an e Nyasachi.+
Abiro tegi, ee, abiro konyi,+
Anamaki motegno gi bada ma korachwich ka atayi e yo makare.’
11 Winji! Ji duto mosin kodi biro yudo wich-kuot maduong’.+
Jo ma kedo kodi biro lal nono.+
12 Ibiro manyo jo ma kedo kodi to ok ininwang’gi;
Jogo ma kedo kodi nobed ma onge chuth, ee, ginilal nono.+
13 Nikech an Jehova Nyasachi, amako lweti ma korachwich,
An e ma awachoni niya, ‘Kik iluor. Abiro konyi.’+
14 A in Jakobo, in mana kudni* to kik ibed maluor,+
Un Jo-Israel, abiro konyou,” Jehova Jawarni,+ kendo Ng’at Maler mar Israel owacho kamano.
15 “Neuru! Asemiyo ibedo kaka gir dino mabith,+
Ee, gir dino manyien ma nigi lekene ariyo mabith.
Ibiro nyono gode kikethogi,
Inimi gode matindo olokre mihudhi.
16 Ibiro piedhogi,
Yamo biro terogi mabor;
Kendo yamo mager biro keyogi.
17 “Jo ma chandore kod jo modhier manyo pi, to pok giyudo.
Riyo osetwoyo dwondgi.+
An Jehova, abiro dwoko kwayogi.+
An Nyasach Israel, ok anajwang’gi.+
Abiro loko thim obed thidhiya,
Kendo pi biro bubni e piny motwo.+
19 Abiro pidho yiend sida e thim,
Abiro pidho yiend shita, murtel, kod obudo e thim.+
Abiro pidho yiend junipa e piny motwo,
Kendo anapidh yiende miluongo ni tidhar gi saipras e thim,+
20 Mondo ji duto one kendo ong’e
Kendo gichik itgi mondo wach odonjnegi
Ni lwet Jehova e mosetimo mano,
Kendo Ng’at Maler mar Israel e mosechueyo mano.”+
21 “Keluru bura ma un-go” Jehova owacho.
“Nyisauru weche ma un-go,” Ruodh Jakobo owacho.
22 “Nyiswauru gik ma biro timore.
Nyiswauru gik ma notimore chon,
Mondo wapargi, wang’e kaka ne gibedo achien.
Kata, nyiswauru gik ma biro timore.+
23 Nyiswauru gik ma biro timore e ndalo mabiro,
Mondo wane ka be un nyiseche adier.+
Ee, timuru ane gimoro maber kata marach,
Ma nyalo miyo wadhier nono.+
24 Neuru! Uchalo mana jo ma pok obetie,
Kendo onge gimoro amora musetimo.+
Ng’ato ang’ata moyierou en ng’at ma isin-go.+
25 Aseting’o ng’at moro moa yo nyandwat malo, kendo enobi,+
Ng’at moa yo wuok chieng’+ biro luongo nyinga.
Obiro nyono jotelo mana ka lowo ma imuonogo,+
Mana ka jachuecho ma nyono lowo.
26 Ng’ano ma nokoro wechegi mondo wang’e
Koso en ng’a ma nonyisowa chon ni wechego biro timore mondo wayie ni gin adier?+
Kuom adier, onge ng’at ma nolandogi!
Onge ng’at ma nohulogi!
Onge ng’at ma nowinjo gimoro amora kuomu!”+
27 An e ma ne akwongo nyiso Sayun niya: “Neuru! Eri gin kae!”+
Kendo abiro oro ng’at moting’o wach maber Jerusalem.+
28 Ne asiko ka ang’icho, to ne onge ng’ato;
Ne onge kata ng’ato achiel kuomgi ma ne nyalo ng’ado rieko.
Ne asiko kapenjogi wach mondo gidwoka.
29 Neuru! Giduto gichalo gi gik manono.
Tije ma gitimo ok kony kata matin.
Sanamu maggi chalo gi yamo.+
Jal ma ayiero+ kendo ma ayiego!+
Obiro ng’ado bura gi adiera.+
5 Ma e gima Jehova Nyasaye madier owacho,
Jal ma nochueyo polo, kendo Ng’at Maduong’ ma noyarogi,+
Jal ma noyaro piny kod gik moko duto monyago,+
Jal ma kudho muya ne jo modak e iye,+
Ma chiwo roho ne jogo ma wuotho e iye:+
6 “An Jehova, Nyasaye ma timo gik makare, aseluongi;
Asemako lweti motegno.
Anariti, anami ibed singruok e kinda kod ogendni,+
Kendo kaka ler ne ogendni,+
Igony jo motue manie jela,
Kendo igol jo manie jela motimo mudho.+
9 Neuru, gik machon osekadho;
Koro alandonu gik manyien.
Anyisougi kata ka pok gitimore.”+
10 Weruru ne Jehova wer manyien,+
Pakeuru nyaka ka ma piny ogikie,+
Un jo ma kwang’ e nam kod gik moko duto mopong’e,
Un chulni kod jo modak e iye.+
Jo modak e lwanda mondo okog matek;
Ee, gikog matek e wi gode.
12 Weuru gimi Jehova duong’
Kendo giland pakne e chulni.+
13 Jehova biro wuok oko kaka jalweny ma ratego.+
Enobed gi kinda mana ka jalweny.+
Obiro kok matek, ee, obiro kok mana ka jalweny;
Obiro nyisore ni en gi teko moloyo wasike.+
14 “Aseling’ kuom kinde malach.
Asebedo ka akuwe kendo ka atero weche mos.
To koro mana ka dhako ma muoch kayo
Abiro ywak mi agam muya dichiel matek.
15 Abiro ketho gode madongo gi matindo
Kendo anami gik motwi kuondego duto otwo.
Mano e gima abiro timonegi, kendo ok abi jwang’ogi.”
17 Jo mogeno gik mopa,
Kendo ma nyiso sanamu maggi mag nyinyo ni, “Un e nyisechewa,”
Biro yudo wich-kuot maduong’ mi gidog chien.+
18 Winjuru, un jo ma itgi odino,
Ranguru un muofni, mondo une.+
19 Be nitie ng’at ma muofu kaka jatichna,
Kendo ma radin kaka jaotena?
Be nitie ng’at ma muofu kaka ng’at ma aseguedho,
Ng’at ma muofu kaka jatich Jehova?+
20 Ineno gik mang’eny, to ok idewgi.
Iyawo iti, to ok iwinji.+
21 Jehova noneno ni ber mondo chik oyud duong’ kod pak
Nikech ohero tim makare.
Osemakgi mana ka gik mope to gionge jares,+
Oseyakgi to onge ng’at ma wachoni: “Duokgiuru!”
23 En ng’ano kuomu ma biro winjo wachni?
Ng’ano ma biro chiko ite mondo owinj e ndalo mabiro?
24 Ng’ano mosechiwo Jakobo e lwet jomecho?
Ng’ano mosemiyo oyak Israel?
Donge en mana Jehova, Nyasaye ma ne waketho chikene?
Ne gitamore wuotho e yorene,
Ne gitamore luwo chikene.+
25 Omiyo, ne oolone mirimbe mager,
Ich-wang’ne kod lweny mager.+
Mirimbe nowang’o gigene duto koni gi koni, to pod ne ok odewo.+
Majno ne orewe, to pod ne ok odewo.+
43 A Jakobo, yaye Israel
Jehova Jachuechni, kendo Jal ma nolosi owacho kama:+
“Kik ibed maluor, nimar asewari.+
Aseluongi gi nyingi.
In ng’ata.
Sa ma ikalo e mach, mach ok bi rewi,
Ee, majno ok bi wang’i.
3 Nimar an e Jehova Nyasachi,
Ng’at Maler mar Israel, kendo Jawarni.
Asechiwo Misri, Ethiopia, kod Seba,
Mondo awari.
Omiyo, abiro chiwo ji mondo awarigo,
Abiro chiwo ogendni mondo aresgo ngimani.
5 Kik iluor, nimar an kodi.+
Anakel kothi koa yo wuok chieng’
Anachok jogi koa yo podho chieng’.+
6 Abiro wacho ne nyandwat ni, ‘Weuru joga!’+
Kendo ne milambo ni, ‘Kik ugeng’ joga.
Keluru yawuota man ka mabor, kod nyiga man e tung’ piny,+
7 Ng’ato ang’ata miluongo gi nyinga,+
Kendo ma asechueyo mondo ayud duong’,
Ee, joga ma aseloso.’+
8 Keluru jo ma nigi wengegi, to ok nyal neno,
Kod jo ma nigi itgi, to ok ginyal winjo.+
9 Ogendni duto mondo ochokre,
Ji bende ochokre kanyachiel.+
En ng’ano kuomgi ma nyalo hulo wachni?
Kata ma nyalo koro gik ma biro kwongo timore?*+
Weuru gikel joneno mondo ginyis ka be giwacho adier,
Weuru ji owinj wechego mondo giwach ni wechego gin adier!”+
10 Jehova owacho niya, “Un jonenona,+
Ee, jatichna ma aseyiero,+
Mondo ung’eya kendo ugena
Kendo ung’e ni an e en.+
Onge Nyasaye ma nokwongona betie,
Kendo onge Nyasaye moro amora ma osebedoe bang’a.+
11 An Jehova,+ onge jawar machielo mak mana an.”+
12 Jehova owacho kama: “An e ma ne ahulo wach, ne aresou, kendo ne anyisou wach
Ka ne onge nyasaye moro amora e kindu.+
Omiyo, un jonenona, kendo an e Nyasaye.+
Be nitie ng’at ma nyalo tama timo gimoro?”+
14 Ma e gima Jehova, Jawaru+ kendo Ng’at Maler mar Israel+ owacho:
“Abiro oro jolweny mondo odhi omuk rangeye mag Babulon mondo aresu,+
Mi Jo-Kaldea man e meli biro ywak malit nikech chandruok.+
15 An Jehova, Ng’atu Maler,+ Jachuech Israel,+ kendo Ruodhu.”+
16 Ma e gima Jehova owacho,
Ng’at ma loso yo e nam,
Kendo ma loso ndara e apaka madongo,+
17 Ng’at ma golo geche lweny kod farese,+
Oganda lweny kaachiel gi jolweny ma roteke:
“Gininind to ok gini a malo.+
Ginitho mana ka kitambi mosim.”
18 “Kik upar gik machon,
Kik uket chunyu e gik mosekalo.
19 Neuru! Eri atimo gimoro manyien;+
Kendo gino osechako nenore.
Pok ufwenye?
20 Le mag bungu biro miya duong’,
Bwe kod udo biro miya duong’,
Nimar asekelo pi e thim,
Kendo aoche e piny motwo,+
Mondo joga, ng’at ma ayiero,+ omodhi,
21 Joga ma an awuon ne aloso
Mondo giland weche ma miya duong’.+
23 Pok ikelona rombe kaka misengni miwang’o
Kata miya duong’ gi misengni magi.
Pok achuni mondo ikelna mich,
Kata pok ajonyi ka akwayi ubani.+
24 Ne ok ing’iewona odundu ma nigi suya mamit,
Kendo boche mag misengni magi ne ok omora.+
Kar mano, isetura gi richoni
Kendo isejonya gi kethoni.+
26 Parnauru; biuru wayal wach man e kindwa;
Wachuru wecheu ma nyiso ni uonge ketho.
28 E momiyo abiro dwanyo jotendu man ka maler,
Abiro weyo mondo oketh Jakobo
Kendo Israel nobed oganda ma ji yanyo.+
44 “Yaye Jakobo jatichna, chik iti,
Yaye Israel jal ma aseyiero, chik iti.+
Anaol rohona kuom kothi+
Kendo guethna kuom nyikwayi.
4 Gibiro dongo ka lum man ka ma ng’ich,+
Ka yien man e bath aora.
5 Ng’ato biro wacho niya: “An mar Jehova.”+
Ng’at machielo biro luongore gi nying Jakobo,
To machielo biro ndiko e lwete niya: “An mar Jehova.”
Kendo obiro tiyo gi nying Israel.’
‘An e mokwongo kendo an e mogik.+
Onge Nyasaye moro mak mana an.+
7 Be nitie ng’at machal koda?+
Ng’atno mondo ochung’ owach kamano e nyima!+
Weuru giwach gik ma ne otimore
Chakre ne alos oganda moro chon,
Kaachiel gi gik machiegni timore.
8 Kik ubed maluor,
Kik luoro omi chunyu nyosre.+
Donge ne anyiso ng’ato ka ng’ato kuomu ni gima kama biro timore?
Un joneno maga.+
Be nitie Nyasaye moro mak mana an?
Onge Lwanda machielo;+ ok ang’eyo moro amora.’”
9 Jo ma loso sanamu gin jo manono,
Kendo gik ma giherogo ok bi konyogi kata matin.+
Sanambego ok nyal bedo jonenogi, ok ginen kendo ok ging’eyo gimoro,+
Ji duto ma losogi biro yudo wich-kuot.+
10 Be nitie ng’at moseloso nyasaye gi bao kata gi chuma
Mokonye e yo moro amora?+
11 Neuru! Ji duto ma riwore kode biro yudo wich-kuot!+
Jopecho gin mana dhano.
Weuru gichokre giduto mondo gichoma tir.
Luoro biro makogi kendo giniyud wich-kuot.
12 Jatheth e ma chwako chuma e mach.
Othedhe gi nyundo,
Kotiyo gi bade man gi teko.+
Kech chako kaye, kendo tekone rumo;
Ok omodh pi, kendo ool.
13 Japecho to pimo bawo gi tol, oketo alama kuome gi choka makwar.
Olose gi randa kopime gi kompas.
14 Nitie ng’at ma tong’o yiend sida.
Opidho yath ma nyinge oren, kendo koth miyo odongo.
15 Bang’e, ng’ato biro kawo dir yadhno mondo ochwekgo.
Dire machielo obiro mokogo mach mooyo;
Obiro moko kode mach motedgo makate.
Bende, oloso kode nyasaye molamo.
Oloso kode sanamu kendo okulorene.+
16 Bath yadhno omokogo mach;
Kendo obulo kode ring’o mondo ocham oyieng’.
Bende, ooye kowacho niya:
“Ero! Amor kendo denda winjo liet.”
17 To bathe modong’ opayo, kendo olosogo nyasache.
Okulorene mondo olame.
Olame kokwaye niya:
“Resa, nimar in e nyasacha.”+
18 Ok ging’eyo gimoro amora, bende ok giwinj tiend gik moko,+
Nikech wengegi odinore,
Kendo chunygi ok nyal fwenyo tiend gimoro.
19 Ng’at machal kamano onge gi rieko,
Kendo ok openjre kata niya:
“Bath yadhni ne awang’o,
Kendo maka mage ne atedogo makate mi abulogo ring’o mi achamo.
To koro ere kaka dalok bathe modong’ obed nyasaye?+
Ere kaka dakulra piny ka alamo osiki mopa?”
20 Ochamo buch kendo.
Chunye mofuwo osewuonde.
Ok onyal resore owuon, kata penjore niya:
“Donge gima ating’o e lweta ma korachwichni en mana sanamu?”
21 “Yaye Jakobo, yaye Israel, paruru wechegi,
Nimar in jatichna.
Ne alosi, kendo in e jatichna.+
Yaye Israel, wiya ok nowil kodi.+
22 Abiro umo kethou gi bor polo,+
Abiro umo richou gi bor polo motuere.
Duoguru ira, nimar abiro warou.+
23 Koguru gi mor, un polo,
Nimar Jehova e mosetimo kama!
Koguru matek, un kuonde matut mag piny!
Koguru gi mor, un gode,+
Un bunge kod yiende duto!
Nimar Jehova osewaro Jakobo,
Kendo osenyiso duong’ne e Israel.”+
24 Ma e gima Jehova Jawarni,+
Jal ma ne ochueyi e ich owacho:
“An Jehova, Nyasaye ma nochueyo gik moko duto.
Ng’ano ma ne ni koda?
25 An e ma aketho ranyisi mag jomiriambo,*
Kendo an e ma amiyo jokor weche lokore jomofuwo;+
Aduoko jo mariek chien
Aloko riekogi obed fuwo;+
26 An e ma amiyo wach jatichna chopo kare
Kendo achopo weche duto ma jootena owacho.+
An e ma awacho e wi Jerusalem ni, ‘Ji biro dak e iyi,’+
Kendo ne mier mag Juda ni, ‘Ibiro geru kendo,+
Abiro loso kuonde duto mokethore kuomi’;+
27 An e ma awacho ne nembe matut ni, ‘Duonuru,
Kendo abiro duono pige mag aocheni duto’;+
28 An e ma awacho e wi Kuros+ ni, ‘En jakwadha,
Kendo obiro timo gik moko duto ma adwaro’;+
An e ma awacho e wi Jerusalem ni, ‘Ibiro gere kendo,’
Kendo e wi hekalu ni, ‘Ibiro ket miseni.’”+
45 Ma e gima Jehova wacho ne Kuros ng’ate mowal,+
Ma asemako lwete ma korachwich+
Mondo olo ogendni e nyime,+
Oketh teko mag ruodhi,
Oyaw dhoudi e nyime,
Kendo rangeye ok nolor:
Anatur dhoudi molos gi mula,
Kendo anang’ad sirni mag nyinyo.+
3 Abiro miyi mwandu mopand e mudho
Abiro miyi mwandu mopand kuonde mopondo,+
Mondo ing’e ni an Jehova,
Nyasach Israel moseluongi gi nyingi.+
4 Aseluongi gi nyingi
Nikech jatichna Jakobo, kod Israel jal ma aseyiero.
Amiyi nying ma nigi duong’, kata obedo ni ne ok ing’eya.
5 An Jehova, kendo onge machielo.
Onge Nyasaye machielo mak mana an.+
Anamiyi teko, kata obedo ni ne ok ing’eya,
6 Mondo ji ong’e
Kochakore yo wuok chieng’ nyaka yo podho chieng’
Ni onge Nyasaye machielo mak mana an.+
An Jehova, kendo onge machielo.+
8 Un polo, weuru koth ochwe koa malo;+
Weuru tim makare ochwe koa e boche polo.
Piny mondo oyawre kendo onyag warruok,
Weuru tim makare bende odongi e kindego.+
An Jehova, an e ma achueyo mano.”
9 Yaye nobed malit ne jal ma piem gi Jachuechne,
Nimar ochal gi agulu
Moket e kind agulni mamoko e lowo!
Be lowo dipenj Jachue-Agulu ni, “Ichueyo ang’o?”+
Be gima isechueyo diwach ni, “Ionge lweteni?”*
10 Yaye, nobed malit ne ng’at ma wacho ni wuon-gi ni: “Ne inyuolo ang’o?”
Kendo ne min-gi ni: “Ne inyuolo ang’o?”
11 Ma e gima Jehova, Ng’at Maler mar Israel,+ kendo Jachuechne wacho:
“Be unyalo penja weche ma biro timore kinde mabiro
Kendo nyisa gik ma atimo ne yawuota+ kod gik ma atimo gi lweta?
12 Ne achueyo piny+ kod dhano.+
13 Jehova Nyasach oganda lweny owacho ni, “Asechungo ng’at moro makare,+
Abiro rieyo yorene duto.
14 Ma e gima Jehova owacho:
“Ohala mar Misri* kod gik ohala* mag Ethiopia kod Jo-Sabea, ma gin jo ma roboche,
Nobi iri kendo ginibed e bwo lochni.
Gibiro wuotho bang’i ka otwegi gi nyororo.
Ginibi kendo ginikulre e nyimi.+
Gibiro lemo ka giwacho niya, ‘Adier, Nyasaye ni kodi,+
Kendo onge Nyasaye machielo; en kende e Nyasaye.’”
15 Adier, in Nyasaye ma yorene opondo,
A Nyasach Israel, Jawar.+
16 Gibiro yudo wich-kuot mi gihum nono;
Jo ma loso sanamu biro yudo wich-kuot maduong’.+
17 To Jehova biro reso Israel nyaka chieng’.+
Ok giniyud wich-kuot kendo.+
18 Ma e gima Jehova wacho,
Nyasaye madier ma nochueyo polo,+
Jal ma nochueyo piny mi oguro misene motegno,+
“An Jehova, kendo onge machielo.
19 Ne ok awuoyo ka mopondo,+ e piny motimo mudho;
Ne ok awacho ne koth Jakobo ni,
‘Umanya kayiem nono.’
An Jehova, awacho weche makare kendo ahulo gik matir.+
20 Chokreuru mondo ubi.
Suduru machiegni, un jo ma osetony e ogendni.+
Jo ma ting’o sanamu ok ong’eyo gimoro amora
Gilamo nyasaye ma ok nyal resogi.+
21 Keluru wach ma un-go.
Weuru gipor wach kanyachiel.
Ng’ano ma nokoro wachni chon?
Ng’ano ma nowacho wachni chon?
Donge ne en an Jehova?
23 Asekuong’ora awuon;
Wach moa e dhoga en wach makare,
Kendo wachno ok bi duogo nono:+
Ji duto biro goyo chongegi piny e nyima,
Kendo lep duto biro kuong’orena+
24 Ka giwacho ni, ‘Kuom adier, Jehova e ma nigi teko, en gi adiera, kod tim makare.
Ji duto ma osin kode biro yudo wich-kuot.
25 Koth Israel biro bedo makare e nyim Jehova,+
Kendo gibiro sungore nikech en.’”
46 Nyasachgi ma Bel kulore,+ to Nebo lung’ore.
Jamni gi punde e moting’o sanamu maggi,+
Gilokre osike ma turo jamni mool.
3 “Winjauru, yaye un joka Jakobo, kod un Jo-Israel modong’,+
Un jo ma ne arito ka un e ich kendo aseritou nyaka ne nyuolu.+
4 Kata ka ubedo moti, ok analokra;+
Kata ka yie wiu otimo lwar, pod anating’u ating’a.
Pod abiro ting’ou kendo resou mana kaka asebedo ka atimo.+
5 Unyalo pima gi ng’a?+
Ng’ano ma duwach ni achalgo?+
6 Nitie jo ma sungore gi dhahabu mang’eny ma gin-go e ofukegi;
Gipimo fedha e ratil.
Gindiko jathedh chuma mondo olosnegi nyasaye.+
Eka gikulore e nyim nyasayeno, ee, gikulore ka gilame.+
7 Giting’o nyasachgino e gokegi;+
Gikete ka ma giselosone, kendo ochung’ mana kanyo.
Ok onyal wuok kanyo.+
Giywakne, to ok owinj ywakgi;
Ok onyal reso ng’ato ang’ata e chandruok.+
8 Paruru wachni, kendo ubed gi chir.
Un joricho, paruru wachni e chunyu.
9 Paruru gik ma notimore chon,
An e Nyasaye, onge moro.
An e Nyasaye kendo onge nyasaye moro machal koda.+
10 Awacho giko mar gimoro ka pok otimore,
Kendo chakre chon, asekoro gik ma pok otimore.+
Asewacho ni, ‘Gima ang’ado* ok nyal lokore,+
Abiro timo gimoro amora ma adwaro.’+
Asewacho mano kendo abiro time.
Asechano mano kendo abiro chope.+
12 Winjauru, un jo ma wigi tek,
Un jo ma ni mabor gi tim makare.
13 Asekelo timna makare;
Ok en mabor,
Kendo ok abi deko warou.+
Abiro reso Sayun, mondo Israel ma nigi duong’na oyud resruok.”+
47 A in nyar Babulon,+ nyako ma silili
Duog piny, ibed e buru.
2 Kaw pong’ iregi.
Gol law miumogo wang’i.
Ng’wan lawi, tiendeni odong’ nono.
Ng’ad aoche.
3 Ibiro dong’ duk.
Ibiro yudo wich-kuot.
Abiro chulo kuor,+ kendo onge ng’at ma biro geng’a.*
6 Joga ne owang’o iya.+
To ne ok ikechogi.+
Kata mana joga moti ne uturo gi ting’ mapek.+
7 Ne iwacho niya: “Anabed Min* Pinjeruodhi nyaka chieng’.”+
Ne ok idewo gik ma nitimo;
Ne ok ipar gik ma gigo ne dhi keloni.
8 Omiyo, koro winji, in ng’at mohero mor mag piny,+
Chunyi ma ok dew gimoro wachoni niya:
“An kenda e ma antie, onge ng’at marom koda.+
Ok abi dong’ chi liel.
Nyithinda ok bi tho.”+
9 To gik moko ariyogi notimreni e odiechieng’ achiel:+
Nyithindi biro tho, kendo inidong’ chi liel.
10 Ne igeno timbeni maricho.
Ne iwacho niya: “Onge ng’at ma nena.”
Riekoni kod ng’eyo e ma nomiyo irwenyo,
Ne iwacho niya: “An kenda e ma antie, onge ng’at marom koda.”
11 Kata kamano, masira biro yudi,
Kendo ajuokeni ok nogeng’ masirano.
Gik maricho biro yudi; ok inigeng’gi.
Kethruok maduong’ nobini ka diemo wang’.+
12 Dhi adhiya nyime gi timbeni mag juok,+
Misebedo kitimo chakre tinni.
Samoro ginyalo konyi;
Samoro ginyalo bwogo ji.
13 Ji mang’eny ma ng’adoni rieko osemedo mana nyosi.
We mondo gichung’ malo giresi,
Jogo ma lamo polo,* kendo ma rango sulwe,+
Jogo ma nyisi gik mabiro timore e dwe ka dwe,
Ee, jo ma koro gik ma biro timoreni.
14 Neuru! Gichalo ka mihudhi.
Gibiro wang’ e mach.
Ok ginyal resore e mach magerno.
Majno ok en mach ma ng’ato nyalo oyo,
Ee, ok en mach ma ng’ato dibedie bute.
15 Mano e gima biro yudo ajuokeni,
Jogo misebedogo chakre tinni.
Moro ka moro biro chomo yore.
Onge kata ng’ato ma biro resi.+
48 Winjuru wachni un joka Jakobo,
Un jo ma luongore gi nying Israel+
Kendo mosebiro koa e pige mag Juda,*
Un jo ma kuong’ore gi nying Jehova+
Kendo ma luongo nying Nyasach Israel
To gadiera kendo e yo makare.+
2 Nimar giwacho ni gidak e dala maler+
Kendo gisirore kuom Nyasach Israel,+
Ma nyinge en Jehova Nyasach oganda lweny.
3 “Chon gi lala ne akoro weche moko, mi ne gitimore.
Ne ahulogi gi dhoga awuon,
Kendo ne uwinjogi.+
Ne akawo okang’ mapiyo, mi gitimore.+
4 Nikech nang’eyo ni wiu tek,
Ng’utu tek ka nyinyo kendo lela wang’u tek ka mula,+
5 Ne anyisou gigo chon.
Ne anyisougi ka pok ne gitimore,
Mondo kik uwach ni sanambeu e motimogi,
Kendo ni kido ma ne upayo kod ma ne uthedho gi chuma e ma notimogi.
6 Useneno kendo usewinjo gigi duto.
Donge koro ubiro hulogi?+
Chakre sani abiro nyisou gik manyien,+
Gik mopandi ma pok uwinjoga.
7 Ne ok achueyo gigo chon, to achueyogi mana sani,
Ne ok uwinjogi chon, to uwinjogi mana kawuono,
Mondo kik uwach ni ne ung’eyo gigo chon.
8 Adier, pok uwinjogi+ kendo pok ung’eyogi,
Kendo itu ne pok oyawore e ndalo machon.
10 Neuru! Asepwodhou, to ok kaka ipwodho fedha e mach.+
Asetemou* e chandruok mager ka mach.+
Ok anami ng’ato ang’ata duong’na.
12 Yaye Jakobo kod Israel ma aseluongo, winjauru.
Ok alokra.+ An e mokwongo; An e mogik.+
Ka aluongogi, to gichung’ malo.
14 Un duto chokreuru mondo uwinji.
Ng’ano kuomgi mosehulo gik ma biro timoregi?
Jehova osehero ng’atno.+
15 An awuon asewacho mano, kendo aseluonge.+
Asekele, kendo gik mochano biro dhi maber.+
16 Suduru machiegni mondo uwinj wachni.
Chakre chon pok apando wach moro amora.+
Ka gigo nochakore, ne antie kanyo.”
Kendo koro Jehova Wuon Loch Duto oseora kaachiel gi rohone.
17 Ma e gima Jehova Jawarni, kendo Ng’at Maler mar Israel owacho:+
19 Kothi dobedo mang’eny ka kuoyo
Nyikwayi bende dobedo mang’eny ka kuoyo.+
Nyingegi dine ok ong’ad oko, kendo dine ok oruchi e nyima.”
20 Wuoguru ua Babulon!+
Ringuru ua kuom Jo-Kaldea!
Landuru wachno gi mor! Ee, huleuru!+
Landeuru nyaka e tunge piny.+
Wachuru ni: “Jehova osewaro jatichne Jakobo.+
21 Riyo ne ok oloyogi ka ne otelonegi e thim.+
Ne omiyo pi owuoknegi e lwanda;
Ne obaro lwanda mi pi mang’eny obubnie.”+
22 Jehova owacho niya: “Joricho ok nobed gi kuwe.”+
49 Winjauru un chulni,
Chikuru itu un pinje man kuonde maboyo.+
Jehova oseluonga ka pok onyuola.+
Oseluongo nyinga ka pod an e i mamana.
2 Nopiago dhoga mobedo mabith ka ligangla;
Ne opanda e tipo mar lwete.+
Ne olosa mi abedo ka asere ma nyilni;
Ne oketa e ofuko mar kano asere.
4 To ne awacho niya: “Asetiyo matek kayiem nono.
Asetiyo gi tekrena duto e gima onge ohala.
Kata kamano, Jehova e ma nong’adna bura,
Nyasaye e ma biro chula.”+
5 Jehova, Jal ma ne ochueya e ich mondo abed jatichne,
Nowachona ni aduok Jakobo ire,
Mondo achok Israel ire.+
Abiro yudo duong’ e wang’ Jehova,
Kendo Nyasacha biro bedo tekona.
7 Jehova, Jawar Israel kendo Ng’at Maler,+ owacho ne ng’at ma chandore,+ ma piny osin-go, kendo ma jatich ruodhi niya:
“Ruodhi biro neno mi gichung’,
Kendo jotelo biro kulore
Nikech Jehova, ma en jadiera,+
Ng’at Maler mar Israel, oseyieri.”+
8 Jehova wacho niya:
“E kinde mowinjore, ne adwoko kwayoni,+
Kendo kinde warruok ne akonyi;+
Ne ariti kendo ne amiyo ibedo singruok e kinda kod ogendni,+
Mondo aduok piny obed kaka ne en chon,
Kendo aduokgi e pinygi ma ne gisejwang’o,+
9 Mondo inyis jo motue e jela niya, ‘Wuoguru oko!’+
To jo ma nie mudho+ ni, ‘Wuoguru mondo ji oneu!’
Ginichiem e nderni,
Kendo kuonde motwo* e ma ginikwaye jambgi.
11 Abiro loko godena duto obed nderni,
Kendo yorena duto biro ting’ore malo.+
12 Neuru! Ginibi ka gia kuonde maboyo ahinya,+
Neuru! Moko noa yo nyandwat kod yo podho chieng’,
Kendo moko noa e piny Sinim.”+
13 Un polo koguru gi mor, in piny bed mamor.+
Gode bende obed mamor.+
14 To Sayun ne siko wacho niya:
“Jehova oseweya,+ wi Jehova osewil koda.”+
15 Be nitie dhako ma wiye diwil gi nyathine ma pod dhoth
Kata ma ok nyal kecho nyathine ma onyuolo?
Kata obedo ni mon wigi nyalo wil gi nyithindgi, an to wiya ok nyal wil kodu.+
16 Neuru! Asendiko nyingi e lweta.
Ohinga magi nie nyima kinde duto.
17 Nyithindi duogo iri ng’wech.
Jogo ma nogoyi piny kendo ojwang’i biro ringo.
18 Ting’ wang’i mondo ing’i alwora duto.
Giduto gichokore kanyachiel.+
Gibiro iri.
Jehova owacho niya: “Akuong’ora ni,*
Ibiro rwakogi giduto kaka gik dusruok,
Kendo ibiro tweyogi e dendi mana kaka miaha timoga.
19 Kata obedo ni ne oketh pinyi mi omuke kendo ojwang’e,+
Koro sani obiro bedo madiny ne jo ma odak e iye,+
20 Nyithindi ma ne inyuolo bang’ ka mokwongo osetho biro wachoni niya,
‘Kae diny ahinya.
Manynwa kamoro malach wadagie.’+
21 Ibiro wacho e chunyi niya,
‘Wuon nyithindogi en ng’a?
Nyithinda nosetho kendo an mana migumba,
Ne omaka mi otera e tuech.
Ng’a mopidho nyithindogi?+
22 Jehova Wuon Loch Duto owacho niya:
“Neuru! Abiro rieyo bada ne ogendni
Abiro ng’awo bendecha malo ne ogendni,+
Gibiro kelo yawuoti ka giting’ogi e korgi
To nyigi gibiro ting’o e gokegi.+
23 Ruodhi biro tiyoni,+
Kendo nyi ruodhigo biro pidho nyithindi.
Gibiro kulore nyaka e lowo+
Mi ginang’ buru manie tiendi+
Kendo ibiro ng’eyo ni an Jehova;
Jogo mogeno kuoma ok none wich-kuot.”+
24 Be dima ng’at ma ratego jo mosemako,
Kata dires jo ma oseter e tuech gi ng’at mager?
25 To ma e gima Jehova wacho:
“Ibiro gony kata mana jo ma ne omak gi ng’at ma ratego,+
Kendo ibiro res jo ma oter e tuech gi ng’at mager.+
Abiro kwedo jo ma kwedi,+
Kendo abiro reso nyithindi.
26 Abiro miyo jo ma sandi ocham ringregi,
Kendo ginimer gi rembgi giwegi ma biro bedonegi kaka divai mamit.
50 Ma e gima Jehova owacho:
“Ere barup weruok+ ma ne amiyo minu ka nariembe?
Be nitie jagopa ma ne ausi ire?
2 Ang’o momiyo ne ok ayudo ng’ato kae ka ne abiro?
Ang’o momiyo ne onge ng’at ma ne odwoka ka ne aluongou?+
Uparo ni lweta chiek ma ok anyal warou?
Koso uparo ni aonge teko ma daresugo?+
Rech manie igi tow nikech pi onge,
Githo nikech riyo oloyogi.
3 Aloko polo bedo rateng’,+
Kendo aume gi gunia.”
Ochiewa okinyi kokinyi;
Oyawo ita mondo achik ita mana kaka jo ma ipuonjo.+
Ne ok alokora ma aluwo yo machielo.+
6 Ne aloko ng’eya ne jo ma goya
Kendo lemba ne jo ma dwaro pudho yie tika.
Ne ok apando wang’a mondo kik kuod wiya, kata kik ng’ulna olaw.+
7 Jehova Wuon Loch Duto biro konya.+
Mano e momiyo ok nayud wich-kuot.
Mano e momiyo aweyo lela wang’a obed ka kidi,+
Kendo ang’eyo ni ok abi yudo wich-kuot.
8 Ng’at ma kwana ka ng’at makare chiegni koda.
Ng’ano ma nyalo donjona?+
We obi ochung’ koda.
Ng’ano ma nigi wach koda?
Ochung’ obi ira.
9 Neuru! Jehova Wuon Loch Duto biro konya.
Ng’ano ma nowach ni bura oloya?
Neuru! Gibiro ti ka law.
Kudni biro chamogi.
10 Ng’ano kuomu moluoro Jehova
Kendo ma winjo dwond jatichne?+
Ng’ano ma osewuotho e mudho mandiwa, ka ma onge ler kata matin?
We mondo ogen nying Jehova kendo osirre kuom Nyasache.
11 “Winjuru un ji duto ma moko mach
Kukwadhe mondo ogol pilni,
Wuothuru e ler mar majno,
Wuothuru e pilni mach ma usemokono.
Ma e gima lweta biro timonu:
Ubiro nindo piny gi rem mang’eny.
51 “Winjauru un jo ma luwo tim makare,
Un jo ma manyo Jehova.
Paruru lwanda ma ne ogolue,
Paruru bur ma ne okunyue.
2 Paruru Ibrahim wuonu
Kod Sara+ ma ne onyuolou.
3 Nimar Jehova biro hoyo Sayun.+
Obiro hoyo kuondene momukore,+
Kendo obiro miyo thim man kuno obed ka Eden+
Piny motwo man kuno bende nobed ka puoth Jehova.+
Mor kod ilo nobed kuno,
Erokamano kod wer nobed kuno.+
4 Winjauru, un joga,
Chiknauru itu, un ogandana.+
5 Timna makare chiegni chopo.+
Chulni biro geno kuoma,+
Kendo gibiro rito tekona.
6 Ting’uru wang’u ung’i polo,
Ng’iuru piny bende.
Nimar polo biro lal nono ka yiro;
Piny biro ti ka law,
Kendo jo ma odak e iye biro tho ka lwang’ni,
7 Winjauru un jo ma ong’eyo tim makare,
Oganda ma chikna nie chunygi.+
Kik uluor ajara ma dhano adhana jarougo,
Kata luorogi nikech giyanyou.
Timna makare biro siko nyaka chieng’,
Kendo resruokna nosik e tienge duto.”+
9 In bad Jehova,+
A malo! A malo! Rwakri gi teko!
A malo mana kaka ne itimo chon, ee, mana kaka ne itimo ne tienge machon.
10 Donge in e ma ne iduono nam, ee, pi nam matut?+
Donge in e ma niloko nam matut mobedo yo ma jo mores noluwo?+
11 Jo ma Jehova oreso biro duogo.+
Ginibed mamor kendo moil,
Kendo kuyo gi lit noa kuomgi.+
12 “An awuon e ma ahoyou.+
Ere tiende luoro dhano adhana+
Kendo wuod dhano ma ner ka lum mang’ich?
Odiechieng’ mangima ne usiko kuluoro ng’at ma sandou,
Mana ka gima nonyalo tiekou.
Koro ere mirimb jal ma ne sandou?
15 An Jehova Nyasachi,
Ma tugo nam kendo miyo apaka madongo wuo,+
—Jehova Nyasach oganda lweny e nyinge.+
16 Abiro keto wechena e dhogi,
Abiro umi gi tipo mar lweta,+
Mondo aket polo kendo aket mise mar piny+
Kendo awach ne Sayun niya, ‘Un joga.’+
17 In Jerusalem, A malo! A malo! Yaye, chung’ malo,+
Jehova osemiyo imadho okombe mar mirimbe mager.
Isemadho okombe maduong’ mar divai;
Iselung’e mi ikwang’ akwang’a.+
18 Onge wuode kata achiel man kode mondo okonye,
Kuom yawuote duto ma ne opidho, onge moro amora momako lwete.
19 Gik moko ariyogi oseyudi.
Ng’ano ma biro kechi?
Kethruok, gi kech kod ligangla oseyudi!+
Ng’ano ma biro hoyi?+
20 Teko yawuoti oserumo.+
Ginindo e yore duto
Mana ka le* ma obadho omako.
Jehova oseolo mirimbe kuomgi, ee, Nyasachi osekumogi.”
21 Koro winj wachni,
In dhako ma chandore kendo momer, to ok gi divai.
22 Ma e gima Jehova Ruoth Nyasachi ma kedo ne joge osewacho:
“Neuru! Abiro golo okombe ma mero ji manie lweti,+
Okomb divai, okombe mar mirimba;
Ok ibi madhe kendo.+
23 Abiro kete e lwet jogo ma sandi,+
Jogo ma wachoni ni, ‘Nind piny mondo wawuoth kuomi!’
Omiyo, ne inindo piny auma,
Mi ne giwuotho e ng’eyi mana ka jo ma wuotho e yo.”
52 A Sayun!+ A malo! A malo! Rwakri gi teko!+
Rwak lepi mabeyo,+ A Jerusalem, dala maler!
Nimar onge ng’at ma ok oter nyangu kata ma ok ler ma biro donjo kuomi kendo.+
2 Teng’ buru, chung’ mondo ibedi, yaye Jerusalem.
Gony nyororo motue e ng’uti, yaye nyar Sayun ma ne oter e tuech.+
3 Nimar Jehova owacho niya:
4 Jehova Wuon Loch Duto owacho niya:
“Joga nodhi Misri ma gibedo jodak kuno;+
To bang’e, Jo-Asuria ne ochako sandogi ma onge gimomiyo.”
5 Jehova owacho niya: “Okang’ mane monego akaw kaluwore gi wachni?”
Jehova owacho niya: “Joga oseter e tuech nono.
6 Nikech mano, joga biro ng’eyo nyinga;+
Nikech mano, chieng’no gibiro ng’eyo ni an e ma asewuoyo.
Neuru, an e en!”
7 Mano kaka tiend jalo ma wuotho e gode ka kelo wach maber long’o,+
Jal ma lando kuwe,+
Ma kelo wach maber e wi gimoro maber moloyo,
Ma lando warruok,
Ma wacho ne Sayun niya: “Nyasachi osebedo Ruoth!”+
8 Winjuru! Jorit magu biro ting’o dwondgi malo.
Gibiro ting’o dwondgi kanyachiel ka gikok gi mor,
Nimar gibiro neno gi wang’gi ka Jehova duoko Sayun.
9 Beduru mamor, koguru kanyachiel gi mor, un pidhe mag Jerusalem,+
11 Wuoguru, wuoguru, auru kanyo,+ kik umul gimoro amora ma ok ler!+
12 Ok unuwuog kuno kurikni,
Kata kuringo,
Nimar Jehova e ma biro telonu,+
Kendo Nyasach Israel noluw bang’u koritou.+
13 Neuru! Jatichna+ biro tiyo gi rieko.
Ibiro ting’e malo,
Ibiro ting’e malo ma miye duong’.+
14 Mana kaka ji ne ng’iye ka gihum
—Nikech ne oketh wang’e moloyo dhano duto
Kendo ne oketh dende mi odoko gimoro nono—
15 E kaka ogendni mang’eny biro buok ka onene.+
Ruodhi biro hum ka ginene,+
Nimar gibiro neno gima ne pok owachnegi
Kendo gibiro chiko itgi ne gima ne pok giwinjo.+
53 Ng’ano moseketo yie kuom gima walando?*+
Lwet Jehova+ osefwenyore ne ng’a?+
2 Obiro chako dongo kaka yath ma twi e osiki,*+ kendo ka yath ma twi e piny motwo.
Ok nobed gi del maber kendo ok noyud duong’;+
Kendo ka wanene, onge gimoro kuome ma lombo wang’wa.
Ne chalo ka gima opandnwa wang’e.*
Ne ochaye, kendo ne wakwane ka ng’at ma nono.+
To wan ne waparo ni Nyasaye e ma ne goye, e ma ne kelone masira, kendo e ma ne sande.
Kendo adhondene nomiyo wachango.+
6 Waduto waselal mana ka rombe,+
Waseke mi ng’ato ka ng’ato ochomo yore,
Kendo Jehova oseketo richowa kuom jalo.+
Ne otere e kar yeng’o mana ka rombo,+
Ne oling’ thi mana ka rombo manie nyim ng’at ma liele,
Kendo ne ok oyawo dhoge kata matin.+
9 Noyike kanyachiel gi joricho,+
Kendo gi jomwandu,+
To ne ok otimo richo moro amora
Kendo ne onge wuondruok moro amora e dhoge.+
10 Ne en dwaro mar Jehova mondo ogoye kendo obed matuo.
Ka ichiwo ngimane mondo obed misango mar ketho,+
Obiro neno kothe, kendo obiro dak aming’a,+
Kendo kokalo kuome dwach Jehova biro timore.+
11 Nikech chunye ma chandore, obiro neno kendo winjo maber.
Kokalo kuom rieko mar ng’at makare, jatichna,+
12 Nikech mano, abiro miye pok e kind ji mang’eny,
Kendo abiro pogone gik moyak kaachiel gi jo ma roteke,
Nimar nochiwore chuth nyaka e tho+
Kendo ne okwane gi joricho;+
Ne oting’o richo mag ji mang’eny,+
Kendo nosayo ne joketho.+
54 Jehova owacho niya: “Kog gi mor in dhako ma migumba ma ne ok onyuol!+
Bed mamor kendo moil+ in dhako ma muoch ne ok okayo,+
Nimar nyithind dhako ma chwore oweyo ng’eny
Moloyo nyithind dhako man gi dichwo.”+
2 “Yar ka ma idwaro guroe hembi.+
Yar law hema mari mar lamo.
Kik ikunge, tud tondene obed maboyo,
Gur loyene motegno.+
3 Tong’ mari biro yarore kochomo korachwich kod koracham.
Nyikwayi* biro loyo ogendni,
Kendo gibiro dak e mier ma ne ojwang’.+
Wiyi biro wil gi wich-kuot ma ne iyudo ka ne in rawera,
Kendo ok inipar wich-kuot ma ne iyudo ka ne in chi liel.”
5 “Jachuechni Maduong’+ e chwori,+
Jehova Nyasach oganda lweny e nyinge,
Kendo Ng’at Maler mar Israel e Jawarni.+
Noluonge ni Nyasach piny duto.+
6 Nimar Jehova ne oluongi ire mana ka dhako ma chwore nojwang’o, kendo ma ne chunye lit.+
Mana ka dhako ma ne okend ka pod tin kae to ojwang’,” Nyasaye owacho.
7 “Ne ajwang’i kuom kinde matin,
To abiro ng’wononi mi aomi kendo.+
8 Ka ne an gi mirima mang’eny ne apandoni wang’a kuom kinde matin,+
9 “Kindegi chalona gi kinde Noa.+
To mana kaka ne asingora ni ok abi ketho piny gi pi kaka e ndalo mag Noa,+
E kaka asingora ni mirima ok nomaka kodi, kendo ok nachak akweri matek.+
10 Gode madongo inyalo gol
Kendo gode matindo inyalo yiengi,
To herana mosiko ok nogol kuomi,+
Kendo singruok mar kuwe ma ne atimo kodi ok noyiengni,”+ Jehova, Jal ma kechi+ owacho.
11 “Yaye in dhako ma sandore,+ miyuko koni gi koni, ma onge ng’at ma dihoye,+
Ageri gi simiti motegno
Kendo aketo miseni gi safir.+
12 Abiro gero ohinga magi gi rubi,
Rangeyeni gi kite marieny,
Kendo tong’ magi duto gi kite ma nengogi tek.
14 Miseni ibiro ger e wi tim makare.+
Sand nobed mabor kodi,+
Ok iniluor gimoro amora kendo onge gima nobuogi,
Nimar ok ginisud machiegni kodi.+
15 Ka ng’ato omonji,
Ok an e ma aore.
Ng’ato ang’ata motemo monji biro podho.”+
16 “Neuru! An e ma ne achueyo jatheth,
Ma kudho maj maka,
Mondo othedhie gigene mag lweny.
Bende an e ma nachueyo ng’at ma ketho gik moko.+
17 Gir lweny moro amora molos mondo ohinyi ok nohinyi,+
Kendo ibiro loyo lep moro amora modonjoni e bura.
Mano e pok mar jotich Jehova,
Kendo anenogi ka jo makare,” Jehova owacho.+
55 Biuru, un jo ma nigi riyo,+ biuru ka ma pi nitie!+
Un jo ma onge pesa, biuru ung’iep kendo uchiem!
Ee, biuru ung’iew divai gi chak+ nono, ma ok uchulo gimoro.+
2 Ang’o momiyo utiyo gi pesau kung’iewo gima ok chiemo,
Kendo ang’o momiyo utiyo gi misachu e gima ok yieng’u?
3 Chiknauru itu kendo ubi ira.+
Winjauru, kendo unubed mangima,
Abiro timo kodu singruok mosiko+
Nikech hera mosiko ma ne aherogo Daudi, ma en hera minyalo gen.+
5 Neuru! Iniluong oganda moro mikiya,
Kendo oganda ma ok ong’eyi noring iri
Nikech Jehova Nyasachi,+ Ng’at Maler mar Israel,
Biro miyi duong’.+
6 Dwaruru Jehova ka pod kinde minyalo yude nitie.+
Luongeuru ka pod en machiegni.+
8 Jehova owacho niya: “Gik ma aparo ok e gik ma un uparo,+
Kendo yoreu opogore gi yorena.
9 Nimar mana kaka polo ni malo moloyo piny,
E kaka yorena ni malo moloyo yoreu
Kendo pacha ni malo moloyo pachu.+
10 Mana kaka koth chue kendo pe lwar koa e polo
To ok gidog malo ma ok giyomo lowo kendo miyo gik moko twi,
Mi jachuoyo yud kodhi kendo ji yud chiemo,
13 Yiend junipa biro twi to ok yiend kuthe,+
Kendo yiend murtel e ma biro twi to ok yiend aila.
Mano biro kelo ne nying Jehova duong’,+
Kendo enobed ranyisi ma nyaka chieng’.”
56 Ma e gima Jehova owacho:
2 Ng’at mamor en ng’at ma timo gigi duto
Kendo wuod dhano ma makogi matek,
Ma rito Sabato kendo ma ok dwanye+
Kendo ma geng’o lwete kuom timo gima rach.
3 Wendo moro amora ma lamo Jehova+ kik wach niya:
‘Jehova biro poga gi joge.’
Kendo bwoch kik wach ni, ‘Neuru! An mana yien motwo.’”
4 Nimar ma e gima Jehova wacho ne jo ma bwoch ma rito sabato mage, ma timo gik ma more, kendo ma ok keth singruok ma gitimo kode:
5 “Anamigi gima iparogigo e oda, kendo giniyud nying ei ohinga maga,
Nying maber moloyo yawuoyi gi nyiri.
Abiro miyogi nying ma nyaka chieng’,
Nying ma ok nokethre.
6 To welo ma obiro lamo Jehova kendo tiyone,
Mohero nying Jehova+
Ma dwaro bedo jotichne,
Jogo duto ma rito Sabato kendo ma ok dwanye
Ma rito singruok ma atimo kodgi,
7 Abiro kelogi e goda maler+
Kendo abiro miyo gibed mamor e oda mar lamo.
Abiro yie gi misengnigi miwang’o kod misengnigi mamoko ma gikelo e kendona mar misango.
Nimar ibiro luong oda ni od lamo mar ogendni duto.”+
8 Jehova Wuon Loch Duto ma choko Jo-Israel mokere,+ owacho niya:
“Abiro chokone jomamoko ma pok ochoki.”+
9 Un le duto mag thim, biuru uchiem,
Ee, un le duto mag bungu.+
10 Jorit mage gin muofni,+ kendo giduto pok gineno gimoro.+
Giduto gin guogi ma momni ma ok nyal gweyo.+
Gigamo muya matek kendo ginindo piny; gihero mana nindo.
11 Gin guogi ma wuor;
Ok giyieng’.
Gin jokwath ma onge rieko.+
Gichomo yoregi giwegi;
Giduto gimanyo mana gik ma konyogi giwegi kendo giwacho niya:
12 “Biuru, akel divai wamadhi,
Kendo wamadh kong’o mi wamer.+
Nimar kiny bende nobed maber moloyo kawuono.”
57 Ng’at makare oselal nono,
To onge ng’at ma dewo wachno.
2 Odonjo ka mokuwe.
Ji duto ma nowuotho tir koro yueyo e otandagi.*
3 “Suduru machiegni,
Un nyithind ajuoga ma dhako,
Un koth ng’at ma terore kod dhako ma chodo:
4 En ng’ano ma ujaro?
En ng’ano ma ung’amo ne dhou, kuminone lewu?
Donge un mana nyithind richo,
Kendo nyithind miriambo?+
5 Donge ung’eny mana gi gombo maricho e kind yiende madongo,+
E bwo yiende duto mabeyo,+
Kunego nyithindo e hohni,+
Kendo e kind lwendni maboyo?
6 Kar dak mopogni en hoho motimo lwendni mapoth.+
Adier, mano e pokni.
Ichiwonegi misengni miolo piny kod chiwo mamoko.+
Iparo ni dawe ma ok asin gi gigo, koso?
8 Ne ichungo raparni e tok dhoot kod e sirni mag dhoot.
Ne iweya, mi ilonyo lepi duto;
Ne iidho ma iyaro otandani obedo malach.
Ne itimo singruok kodgi.
9 Ne ilor midhi ir Melek* gi mo miwirruokgo
Kod modhi mamoko ma nigi suya mamit.
Ne ioro jooteni ka mabor,
Kendo ne ilor nyaka e Liel.*
10 Ne iol ahinya nikech ne iluwo yore mang’eny,
To ne ok iwacho ni, ‘Atimo gima nono!’
Ne ineno ka tekoni oduogo,
Mano e momiyo chunyi ne ok ool.
11 En ng’ano ma ne iluoro kamano
Momiyo ichako wacho miriambo?+
Ne ok ipara.+
Ne ok iwinjo wachna.+
Koso ne idagi luora nikech ne aling’ aling’a
Mi achalo ka ng’at ma ok neni?+
13 Sa ma iywak kidwaro kony,
Sanambeni ok bi konyi.+
Yamo biro terogi mabor,
Ee, kata mana muya matin nono biro kudhogi mi tergi mabor,
To jo ma oketa kar bwokgi e ma nobed weg piny
Kendo goda maler nobed pokgi.+
14 Ubiro winjo kiwacho ni, ‘Buguru ndara, buguru ndara! Ikuru yo!+
Goluru gik moko duto ma nyalo chwanyo joga e yo.’”
“Adak ka ma ni malo kendo maler,+
Gi jogo ma chunygi onyosore kendo ma chandore,
Mondo aduog chuny jo ma chandore,
Kendo aduog chuny jo ma onyosore.+
16 Nimar ok abi dagigi kinde duto
Kata siko gi mirima kodgi;+
Nimar ka atimo kamano, to chuny dhano biro nyosore,+
Kaachiel gi gik mamoko duto mangima ma ne achueyo.
17 Mirima ne omaka nikech ne ohero timbe mag mibadhi,+
Omiyo ne achwade, mi apandone wang’a, kendo ne asin kode.
To ne omedo wuotho awuotha ka andhoga+ ma luwo yo ma chunye dwaro.
19 Jehova owacho niya: “Achueyo weche mag pak.*
Ng’at modak mabor kod ng’at modak machiegni biro bedo gi kuwe mosiko.+
An awuon abiro change.”
20 “To joricho chalo gi nam motugore ma ok nyal kuwe,
Kendo pige oselokore mana chuodho kod yugi.”
21 Nyasacha wacho niya: “Joricho ok nobed gi kuwe.”+
58 “Koguru matek; kik uling’!
Ting’uru dwondu mana ka tung’.
Huluru ne joga kethogi,+
Huluru ne jood Jakobo richogi.
2 Gimanya odiechieng’ kodiechieng’,
Giwacho ni gigombo ng’eyo yorena,
Ka gima chon ne gin oganda ma timo gik makare
Kendo ma ne ok oweyo chike mag Nyasachgi.+
Gikwaya ni anyisgi chike makare,
Mondo gisud machiegni gi Nyasaye:+
3 ‘Ang’o momiyo watueyo chiemo to ok ine?+
Ang’o momiyo ok idew sa ma wasando ringrewa?’+
En nikech sa ma utueyo, utimo mana dwachu,
Kendo usando jo ma tiyonu.+
4 Tueyo chiemo ma utueyo kelo mana dhawo gi lwenje,
Uhero goyo joweteu adhong’ gi timbeu maricho.
Yo ma utueyogo miyo dwondu ok nyal chopo e polo.
5 Be kama e kaka onego utue,
Be ma e kaka ng’ato onego osand ringrene,
Kokulo wiye ka lum maboyo,
Kendo onindo e gunia mopedho e buch kendo?
Be ma e gima uluongo ni tueyo e odiechieng’ ma Jehova oyiego?
6 Ooyo, to ma e tueyo ma ayiego:
Gonyo tonde mag richo,
Gonyo tonde mag jok,+
Mondo jo misando oyud yueyo,+
Kendo turo jok duto;
7 Pogo chiembu ne jo ma kech kayo,+
Rwako jadhier kod jo ma sandore e uteu,
Miyo ng’at ma wuotho duk nanga,+
Kendo weyo loko ng’eyi ne dhano wadu.
8 Eka ler maru biro yawore kaka ru mar piny,+
Kendo ubiro chango mapiyo.
Timbeu makare biro telonu,
To duong’ mar Jehova biro rito yo ka ng’eu.+
9 Eka ubiro luongo Jehova, to enodwoku;
Ubiro ywakne mondo okonyu, kendo enowachnu niya, ‘An ka!’
Ka ugolo jok muketo ne ji
Kendo uweyo siemo ji ka uyanyogi,+
10 Ka umiyo jo ma kech kayo gima un uwegi ugombo,+
Kendo konyo jo ma sandore,
Eka ler maru biro rieny kata e mudho,
Kendo mudho maru biro bedo ka ler mar odiechieng’.+
11 Jehova biro telonu kinde duto
Obiro pidhou kata mana e piny motwo;+
Obiro tego chokeu,
Mi unuchal ka puodho mang’ich,+
Kendo ka soko ma pige ok duon ngang’.
Ibiro luongu ni joger ohinga momukore,+
Kendo jolos yore mondo ji odagie.
13 Ka ugeng’o tiendu chieng’ Sabato mondo kik utim dwachu e odiechienga maler+
Mi uluongo Sabato ni odiechieng’ mar mor ahinya, odiechieng’ maler mar Jehova, odiechieng’ monego omi duong’,+
Kendo umiyo odiechiengno duong’, kar timo dwachu uwegi kuwacho weche manono,
14 Eka unuyud mor mogundho kuom Jehova,
Kendo anateru e piny ka moting’ore malo.+
Abiro miyou pok mar Jakobo kwaru,+
Nimar dho Jehova e mosewacho kamano.”
2 To kethou e mosepogou gi Nyasachu.+
Richou e mosemiyo opandonu wang’e,
Kendo osetamore winjou.+
3 Nimar lwetu opong’ mana gi remo+
Kendo lith lwetu opong’ gi ketho.
Miriambo e mopong’o dhou,+ kendo lewu wacho gik ma ok kare.
4 Onge ng’at ma donjo ne nyawadgi gi bura makare,+
Kendo onge ng’at ma wacho adiera e od bura.
Gigeno gik ma onge,+ kendo giwacho gik manono.
Gichano weche maricho e igi, kendo ginyuolo mana gik maricho.+
5 Gibutno e tong thuol ma nigi sum mager,
Gichueyo od mbui.+
Ng’ato ang’ata ma chamo tongegi biro tho,
Kendo tong’ ka tong’ moto golo mana thuol.
6 Od mbui ma gin-go ok nyal losonegi nanga,
Kendo ok gibi umore gi gik ma giloso.+
Tijegi kelo mana hinyruok,
Kendo lwetgi odich mana gi timbe mahundu.+
7 Tiendegi ringo timo gik maricho,
Girikni chuero remb jo ma onge ketho.+
Giparo mana weche maricho;
Masira gi kethruok e mopong’o yoregi.+
8 Pok ging’eyo yor kuwe,
Onge bura makare e yoregi.+
Yoregi duto ogondore;
Ng’at ma wuotho e yoregi ok nong’e kuwe.+
9 Mano e momiyo bura makare bor kodwa,
Kendo tim makare pok ojukowa.
Wageno yudo ler, to mudho lilo e ma waneno;
Adier, wagombo neno ler to wawuotho mana e mudho mandiwa.+
10 Wamulo amula kor udi mana ka muofni;
Ee, wamulogi mana ka jo ma onge wengegi.+
Wachwanyore godiechieng’ ka gima piny oyuso;
Wachalo mana jo mosetho e kind jo mangima.
11 Wasiko wang’ur mana ka dubu,
Kendo waywagore malit mana ka akuru.
Wageno yudo bura makare, to pok wayudo;
Warito resruok, to pod en mabor kodwa.
Wang’eyo kethowa duto;
Richowa osiko kodwa.+
13 Waseng’anyo mi wakwedo Jehova;
Waseloko ne Nyasachwa ng’ewa.
14 Bura makare osegol oko,+
Tim makare ochung’ gi ka mabor;+
Adiera osechwanyore e laru,
Kendo tim matir ok nyal donjo.
15 Adiera oselal chuth,+
Kendo ng’ato ang’ata ma weyo richo, iyako.
Jehova ne oneno mano mi nosin ahinya,
Nimar ne onge bura makare.+
16 Ne oneno ni onge ng’at ma ne inyalo kony,
Kendo ne owuoro ni ne onge jathek,
Omiyo, bade owuon e ma nokelo warruok,
Kendo timne makare e ma ne osire.
17 Ne orwako tim makare mana kaka law akor,
Kendo norwako ogudu mar warruok e wiye.+
Ne orwako chulo kuor mana ka nanga+
Kendo norwako kinda mana ka kandho ma onge bade.
18 Obiro chulogi kaluwore gi timbegi:+
Obiro kumo jowasike, obiro chulo kuor ne jo ma kedo kode.+
Kendo chulni biro yudo gima giwinjorego.
19 Gibiro luoro nying Jehova kochakore yo podho chieng’
Kendo enoyud duong’ chakre yo wuok chieng’,
Nimar obiro donjo ka aora ma muomore,
Nikech roho mar Jehova e ma tere.
21 “To koro ma e singruok ma atimo kodgi,”+ Jehova owacho. “Rohona man kuomu kaachiel gi wechena ma aseketo e dhou ok nogol e dhou, e dho nyithindu, kata e dho nyikwau, chakre sani kendo nyaka chieng’,” Jehova owacho.
60 “A Jerusalem,* a malo+ irieny, nikech lerni osechopo.
Duong’ mar Jehova rieny kuomi.+
2 Neuru! Mudho biro imo piny
Mudho mandiwa biro umo ogendni;
To Jehova biro rieny kuomi,
Kendo duong’ne biro nenore kuomi.
4 Ting’ wang’i malo mondo ing’i koni gi koni!
Giduto gisechokore; gibiro iri.
5 E kindego ibiro bedo mamor ahinya,+
Chunyi nopong’ gi ilo,
Nikech ibiro kelni mwandu moa e nam;
Ibiro kelni mwandu mag ogendni.+
6 Ngamia mang’eny biro pong’o pinyi,
Ngamia ma chwo mowuok Midian kod Efa.+
Ji duto moa Sheba nobi iri;
Gibiro ting’o dhahabu kod ubani.
Gibiro pako Jehova.+
7 Ibiro chokni rombe duto mag Kedar.+
Ibiro tiyo gi yimbe mag Nebayoth.*+
8 Mago jomage ma fuyo ka boche pologo,
Kendo ka akuche ma duogo e odgi?
9 Chulni biro keto genogi kuoma;+
Meli mag Tarshish e motelo,
Gikelo yawuoti ka gia ka mabor,+
Gibiro gi fedha kod dhahabu maggi,
Gibiro e nying Jehova Nyasachi, kendo e nying Ng’at Maler mar Israel,
Nikech obiro miyi duong’.+
10 Welo biro gero ohinga magi,
Kendo ruodhigi biro tiyoni,+
Iya ne owang’ kodi, mi ne achwadi,
To koro asekechi mi ang’wononi.+
11 Dho rangeyeni biro siko koyaw;+
Ok nolorgi odiechieng’ kata otieno,
Mondo ji okelni mwandu mag ogendni,
Kendo ruodhigi e ma notelnegi.+
12 Oganda moro amora kata pinyruoth ma ok notini biro lal nono,
Kendo ibiro keth ogendnigo chuth.+
13 Duong’ mar Lebanon nobi iri,+
Yadh junipa, yath tidhar, kod yadh saipras nobi iri,+
Mondo gibidh kara maler;
Abiro miyo raten tienda duong’.+
14 Yawuot jo ma ne sandi nobi iri mi ginikulre e nyimi;
Jogo duto ma nochayi nokulreni,
Kendo gibiro luongi ni dala mar Jehova,
Ee, Sayun mar Ng’at Maler mar Israel.+
15 Abiro miyo ibed dala man gi duong’ mosiko,
Kendo ma kelo ne ji mor e tienge duto,+
Kar bedo dala mojwang’, mocha, kendo ma ok lim.+
Ibiro dhodho thunde ruodhi;+
Kendo ining’e ni an e Jehova Jaresni,
Nyasach Jakobo, Jal ma nigi teko e Jawarni.+
17 Kar mula anakel dhahabu,
Kar nyinyo anakel fedha
Kar yien anakel mula,
Kar kite anakel nyinyo;
Bende, anaket kuwe obed joritni,
Kendo tim makare obed jotendi.+
18 Timbe mahundu ok nowinj kendo e pinyi
Kata tulo kod kethruok e tong’ magi.+
Ibiro luongo ohinga magi ni Warruok,+ to dho rangeyeni iniluong ni Pak.
19 Wang’ chieng’ ok nochak orienyni godiechieng’,
Kendo dwe ok nochak orienyni gotieno,
Nimar Jehova e ma nobedni ler mosiko,+
Kendo Nyasachi nobed duong’ni maler.+
20 Wang’ chieng’i ok nopodhi,
Kendo dweyi ok notho,
Nikech Jehova e ma nobedni ler mosiko,+
Kendo mano noyud ka ndaloni mag ywagruok oserumo.+
21 Jogi duto nobed jo makare;
Ginidag e piny nyaka chieng’.
22 Ng’at matin nobed gana,
Kendo ng’at ma ok duong’ nobed oganda ma nigi teko.
An Jehova, abiro miyo gino otimre piyo ka kindene ochopo.”
61 Roho mar Jehova Wuon Loch Duto ni kuoma,+
Nimar Jehova osewira mondo aland wach maber ne jo mamuol.+
Oseora mondo akue chuny jo monyosore,
Aland ne jo moter e tuech ni koro gin thuolo,
Ayaw wenge jo motue,+
2 Aland higa ma Jehova oyiego
Kod chieng’ ma Nyasachwa chuloe kuor,+
Aho chuny jo mokuyo,+
3 Akony jo ma ywago Sayun,
Amigi kondo mar maua kar buch kendo,
Amigi mo ma kelo mor kar kuyo,
Amigi pak kaka nanga kar chuny malit.
Ibiro luonggi ni yien madongo mag tim makare,
Ma Jehova nopidho mondo oyudgo duong’.+
4 Gibiro gero kuonde ma nomukore;
Gibiro chungo kuonde ma nowe,+
Gibiro loso taonde ma nokethore,+
Ee, kuonde ma ne ojwang’ kuom tienge mang’eny.+
Ubiro chamo mwandu mag ogendni,+
Kendo ubiro sungoru nikech mwandu maggi.
7 Kar yudo wich-kuot, ubiro yudo pok nyadiriyo,
Kar yudo achaya gibiro mor nikech pok momigi.
Adier, giniyud pok nyadiriyo e pinygi.+
Ginibed gi mor mosiko.+
Abiro miyogi pok margi.
Kendo anatim kodgi singruok ma nyaka chieng’.+
9 Kothgi biro ng’ere e kind ogendni,+
Kendo nyikwagi biro ng’ere e kind ji.
10 Anabed mamor ahinya kuom Jehova.
Chunya duto noil kuom Nyasacha.+
Nimar oserwakona warruok ka law;+
Oserwakona tim makare ka kandho,
Mana kaka wuon kisera morwako kilemba kaka mar jadolo,+
Kendo kaka miaha mobidhore gi gige dusruok.
11 Mana kaka lowo miyo gik moko twi,
Kendo kaka kodhi mopidhi e puodho twi,
E kaka Jehova Wuon Loch Duto
62 Nikech ahero Sayun ahinya, ok abi ling’,+
Nikech ahero Jerusalem ahinya, ok abi yueyo
Nyaka chieng’ ma timne makare biro golo ler ma rieny+
Kendo resruokne oliel kaka taya.+
Ibiro luongi gi nying manyien,+
Nying ma dho Jehova owuon biro wacho.
3 Inibed kaka osimbo maber e lwet Jehova,
Kilemba mar ruoth e lwet Nyasachi.
To ibiro luongi ni Dhako ma Ahero,+
Kendo pinyi ibiro luong ni Dhako Mosekendi.
Nimar Jehova biro heri ahinya,
Kendo pinyi biro chalo kaka dhako mosekendi.
5 Mana kaka wuoyi kendo nyako ma silili,
E kaka jo modak e pinyi* biro kendi.
Mana kaka wuon kisera mor koyudo miaha,
E kaka Nyasachi biro mor koyudi.+
6 A Jerusalem, aseketo jorit e wi ohinga magi.
Ok onego giling’ odiechieng’ gotieno duto.
Un jo ma luongo nying Jehova
Kik uyue,
7 Kendo kik uwe oyue nyaka chop ogur Jerusalem motegno,
Adier, nyaka chop omi piny duto opake.”+
8 Jehova osekuong’ore gi bade ma korachwich, lwete ma nigi teko:
“Ok anachak ami wasiki chambi mondo gicham,
Bende, ok anawe jo moa e pinje mamoko omadh divai mari manyien ma isetiyone matek.+
9 To jo mosekeyo e ma biro chamo chambgi, kendo ginipak Jehova;
Jo mosepono mzabibu biro madho divaigi e laruna maler.”+
10 Kadhuru, kadhuru e dho rangeye.
Losuru ne ji yo.+
Buguru, buguru lowo e ndara.
Goluru kite.+
Ting’uru bendera mondo ji one.+
11 Ne! Jehova oselando nyaka e tung’ piny niya:
“Wach ne nyar Sayun,
‘Ne! Resruokni chiegni.+
Ne! Enobi gi pok,
Kendo gik mobiro chulo ji nie nyime.’”+
12 Ibiro luonggi ni oganda maler, jo ma Jehova osewaro,+
Kendo ibiro luongi ni Ng’at ma Ji Dwaro, Dala ma Ok Ojwang’.+
63 Mano ng’a ma biro koa Bozra+ e piny Edom,+
Korwakore gi lewni ma rangigi rieny?*
Orwako lewni mabeyo ahinya,
Kendo obiro gi teko mang’eny.
“En an, Jal ma wacho gik makare,
Jal ma nigi teko mar reso ji.”
2 Ang’o momiyo lepi kwar,
Mana ka lep ng’at ma nyono mzabibu?+
3 “Asenyono mzabibu kenda e kar bicho.
Onge ng’ato ang’ata ma ne ni koda.
Ne anyonogi ka akecho,
Adier, ne anyonogi ka an gi mirima mager.+
Rembgi ne okirore e lepa,
Kendo lepa duto notimo remo.
4 Asechano odiechieng’ ma abiro chuloe kuor,+
Kendo higa mar waro joga osechopo.
5 Ne arango ng’at ma dikonya, to ne ok ayudo;
Ne awuoro ni ne onge ng’at ma nochiwore konya.
Kuom mano, bada awuon e ma nomiyo alocho,+
Kendo mirimba mang’eny e ma nojiwa.
7 Anahul tije mag Jehova ma nyiso herane mosiko,
Anapak tije madongo mag Jehova,
Nimar Jehova osetimonwa gik mabeyo,+
Osetimo gik mabeyo ne od Israel,
Osetimo kamano nikech ong’won kendo herane osiko.
8 Nikech nowacho niya: “Jogi gin joga adier, gin yawuota ma ok nyal wuonda.”+
Kuom mano, nobedo Jawargi.+
9 Chunye ne chandore e kinde ma ne gichandore.+
10 To ne ging’anyo+ mi gimiyo rohone maler okuyo.+
11 Ne giparo ndalo machon,
Ndalo mag Musa jatichne niya:
“Ere Jal ma noresogi e nam+ gi jokwath ma ne kwayo joge?+
Ere Jal ma ne oketo rohone maler kuome,+
12 Jal ma nomiyo bade ma nigi duong’ osiro bad Musa ma korachwich,+
Jal ma nobaro pi e nyimgi,+
Mondo nyinge oyud duong’ ma nyaka chieng’,+
13 Jal ma nomiyo giwuotho e nam matut,
Ka giwuotho ma ok gichwanyore,
Mana ka faras ma wuotho e pap?
14 Mana kaka jamni ma ridore e hoho,
Roho mar Jehova nomiyogi yueyo.”+
Mano e kaka ne itayo jogi,
Mondo nyingi oyud duong’.+
15 Ng’i ane piny ka in e polo
Ka in ka maler ma idakie, kendo ma nigi duong’.
Kidoni mabeyogo ogeng’orena.
16 In e Wuonwa;+
Kata obedo ni Ibrahim ok ong’eyowa,
Israel bende ok ong’eyowa,
To in, A Jehova, in e Wuonwa.
Jawarwa ma nyaka nene e nyingi.+
17 A Jehova, ang’o momiyo isemiyo wabalo mi waweyo yoreni?
Ang’o momiyo isemiyo chunywa obedo matek mondo kik waluori?+
Duogi nikech hera miherogo jotichni,
Dhoudigo gin mwanduni iwuon.+
18 Ne en mar jogi maler mana kuom ndalo manok.
Jowasikwa osenyono kari maler.+
19 Kuom ndalo mang’eny, osekwanwa ka jo ma ok nie bwo loch mari,
Ka jo ma pok oluong gi nyingi.
64 Mad ibar polo kendo ilor piny,
Mondo gode oyiengni nikech in,
2 Mana kaka mach wang’o oswekle,
Kendo majno yienyo pi e kendo;
E kaka wasiki biro ng’eyo nyingi,
Kendo ogendni biro kirni e nyimi!
4 Nimar chakre chon onge ng’at mosewinjo
Kata moseneno Nyasaye moro amora mak mana in,
Nyasaye ma rito jo mogeno kuome,+
5 Isebiro mondo ikony jo ma timo gik makare gi mor,+
Jogo ma pari kendo ma luwo yoreni.
Ne! Mirima nomaki, to wan pod ne watimo mana richo,+
Ne watimo kamano kuom kinde malach.
Be koro diwarwa adier?
6 Waduto wasebedo ka ng’at ma ok ler,
Kendo timbewa duto makare chalo mana gi otamba ma dhako osedhigo e dwe.+
Waduto wabiro ner ka oboke,
Kendo richowa biro kwadhowa mana ka yamo.
7 Onge ng’ato ang’ata ma luongo nyingi,
Onge ng’at ma oseikore padore kuomi,
Nimar isepandonwa wang’i,+
Kendo isemiyo walal nono nikech richowa.
8 To koro A Jehova, in e Wuonwa.+
Wan e lop agulu, to in e Jachue-Agulni;+
Kendo waduto wan tich lweti.
9 A Jehova, kik ibed gi mirima mager kodwa,+
Kendo kik ipar richowa nyaka chieng’.
Rangwa, wasayi, nimar wan jogi.
10 Mier magi maler oselokore thim.
Sayun koro chalo mana gi thim,
To Jerusalem osedong’ gunda.+
11 Odwa ma ne ler kendo ma ne nigi duong’,
Ka ma kwerewa ne pakie,
Osewang’ gi mach,+
Kendo giwa duto ma ne wageno osekethore.
12 A Jehova, be ibiro pandonwa apanda wang’i nyaka chieng’?
Be ibiro mana ling’ kendo weyowa mondo wasandre malit kamano?+
65 “Aseweyo mondo jo ma ne ok penj wachna omanya;
Aseweyo mondo jo ma ne ok manya oyuda.+
Ne awacho ni, ‘An ka, An ka!’ ne oganda ma ne ok luong nyinga.+
2 Aseyaro bedena odiechieng’ mangima ka ahombo jo ma wigi tek,+
Jo ma wuotho e yore ma ok kare,+
Ma luwo mana pachgi giwegi;+
3 Oganda ma timo richo e wang’a pile,+
Gichiwo misengni e puothe+ ka giwang’o misengni e kendo molos gi matafari.
4 Gibet e liete,+
Gibuto kuonde mopondo* otieno mangima,
Ka gichamo ring anguro,+
Kendo agulni maggi opong’ gi chiemo ma ok ler.+
5 Giwacho ne jomoko ni, ‘Kik usud butwa; kik umulwa,
Nimar waler moloyou.’*
Gin yiro ma thung’o uma, kendo mach maliel odiechieng’ duto.
6 Neuru! Osendik wachno e nyima;
Ok abi ling’ aling’a,
Abiro kumogi,+
Anakumgi* kaluwore gi richogi
7 Ee, anakumgi nikech richogi kaachiel gi richo kweregi,”+ Jehova owacho.
“Nikech gisewang’o misengni e gode madongo
Kendo gisekweda e gode matindo,+
Mokwongo, abiro miyogi kum monego giyudi.”
8 Ma e gima Jehova owacho:
“Mana kaka olemo mabeyo milosogo divai nyalo yudore e saga midwaro witi,
Mi ng’ato wach ni, ‘Kik iwit sagano nimar oting’o moko mabeyo,’
E kaka abiro timo ne jotichna;
Ok anakethgi giduto.+
9 Anami koth Jakobo moro owuogi
Kendo Juda nogol ng’at ma biro kawo godena kaka mwandune;+
Joga ma ayiero biro kawe,
Kendo jotichna biro dak kuno.+
11 To un, un e kind jo ma osejwang’o Jehova,+
Jo ma wigi osewil gi goda maler,+
Jo ma pedho mesa ne nyasach Hawi Maber,
Kendo ma pong’o divai e okombe ne nyasaye ma chano kinde mabiro.
12 Abiro ketou e lwet ligangla,+
Mi uduto ubiro kuloru mondo onegu,+
Nikech ne aluongou to ne ok udwoka,
Ne awuoyo kodu to ne udagi winja;+
Ne usiko utimo gik maricho e wang’a,
Kuyiero mana gik ma ne osina.”+
13 Omiyo, Jehova Wuon Loch Duto wacho kama:
“Neuru! Jotichna biro chiemo, to un kech biro kayou.+
Neuru! Jotichna biro metho,+ to un riyo biro loyou.
Neuru! Jotichna biro mor,+ to un ubiro yudo wich-kuot.+
14 Neuru! Jotichna biro kok gi mor nikech chunygi okuwe,
To un ubiro ywagoru nikech chuny malit
Ubiro goyo nduru nikech nyosruok mar chuny.
15 Kusetho, joga ma aseyiero biro tiyo gi nyingu sa ma gikuong’o ng’ato,
Jehova Wuon Loch Duto biro negou uduto,
To obiro luongo jotichne gi nying machielo;+
16 Kamano, ng’ato ang’ata ma dwaro yudo gueth e piny
Ibiro guedhe gi Nyasaye ma ja adiera,
Kendo ng’ato ang’ata ma kuong’ore e piny
Biro kuong’ore gi nying Nyasaye ma ja adiera.+
Nikech wich biro wil gi chandruoge machon;
Ginilal nono e wang’a.+
17 Neuru! Achueyo polo manyien gi piny manyien;+
Ji ok nopar gik machon,
Bende, gigo ok nochand chunygi kendo.+
18 Kuom mano, beduru mamor kendo moil nyaka chieng’ nikech gik ma achueyo.
Nimar, achueyo Jerusalem mondo obed dala ma kelo mor
Kendo achueyo joge mondo okel ilo.+
19 Anabed mamor nikech Jerusalem, kendo anabed moil nikech joga;+
Ok nowinj kendo jo ma ywak kata ma ywagore e iye.”+
20 “Onge nyathi ma biro dak mana kuom ndalo matin,
Kata jaduong’ moti ma ok bi chopo ndalone.
Nikech ng’ato ang’ata ma biro tho ka hike mia achiel ibiro kwan mana ka wuoyi matin,
To ibiro kuong’ jaricho kata obedo ni ojahigni mia achiel.*
22 Ok giniger ute mondo jomamoko e modagie,
Kendo ok ginipur mondo jomoko nono e mocham.
Nimar ndalo mag joga nobed mana ka ndalo mag yien,+
Kendo joga moyier nobed mamor gi tich lwetegi.
23 Ok giniti matek kayiem nono,+
Kata nyuolo nyithindo mondo one masira,
Nikech ginibed kodhi ma Jehova oguedho,+
Kaachiel gi nyikwagi.+
24 Anadwokgi kata ka pok giluonga;
Anawinjgi kata ka pok giwuoyo.
25 Ondiek gi nyarombo biro kwayo kanyachiel,
Sibuor nocham lum mana ka ruath,+
Kendo thuol nocham lowo.
Ok ginihiny ng’ato kata ketho gimoro amora e goda duto maler,”+ Jehova owacho.
66 Ma e gima Jehova wacho:
“Polo e kom-lochna, to piny e raten tienda.+
2 Jehova owacho ni, “Lweta e mosechueyo gigi duto,
Kendo gisebedoe nikech ne achueyogi.+
Abiro ng’iyo ng’at ma bolore,
Ma chunye onyosore, kendo ma tetni kowinjo wachna.+
3 Ng’at ma yang’o ruath chal gi ng’at ma nego dhano wadgi.+
Ng’at ma chiwo rombo chal gi ng’at ma turo ng’ut guok.+
Ng’at ma chiwo mich moro chal gi ng’at ma chiwo remb anguro!+
Ng’at ma wang’o ubani mar rapar+ chal gi ng’at ma guedho nyawadgi gi weche juok.*+
Giseyiero yoregi giwegi,
Kendo gihero mana timo timbe modwanyore.
4 Abiro yiero kaka nakumgi,+
Abiro kelonegi mana gik ma giluoro.
Nikech ka ne aluongogi, onge ng’at ma nodwoko;
Ka ne awuoyo kodgi, onge ng’at ma ne winja.+
Ne gitimo mana gik maricho e wang’a,
Kendo ne giyiero timo gik ma osina.”+
5 Winjuru gima Jehova wacho un jo ma tetni kowinjo wachne:
“Oweteu mosin kodu kendo moseriembou nikech uhero nyinga, wacho ni, ‘Jehova mondo oyud duong’!’+
Obiro fwenyorenu mi nokelnu mor,
To gin e ma giniyud wich-kuot.”+
6 Winjuru! Tulo omuoch e dala, koko winjore e hekalu!
En dwond Jehova ma kumo wasike gi kum mowinjore kodgi.
7 Ne onyuolo nyathi ka pok muoch okaye.+
Ne onyuolo wuoyi ka pok owinjo rem moro amora.
8 En ng’ano mosewinjo wach ma kama?
En ng’ano moseneno gima kama?
Be inyalo nyuol piny gi odiechieng’ achiel?
Be inyalo nyuol oganda duto dichiel?
Kata kamano, Sayun ne onyuolo nyithinde mapiyo bang’ winjo ka muoch kaye.
9 Jehova penjo niya: “Be dawe sa ma dhako nyuolie ochopi mak amiye teko mar nyuol?”
“Be dadin iye to an e ma amiye teko mar nyuol?” Nyasachu penjo kamano.
10 Un duto muhero Jerusalem,+ beduru mamor kendo moil kode.+
Adier, beduru gi ilo nikech en, un duto ma yande uywage,
11 Nimar ubiro dhodho thundene ma hoyou, mi uyieng’,
Adier, ubiro yieng’ kendo ubiro bedo mamor nikech osemiye duong’ ahinya.
12 Ma e gima Jehova owacho:
Unubed mamor mana ka nyathi ma idhodho,
Miting’o e gok, kendo mipiro e chong.
14 Chunyu biro bedo mamor ahinya kuneno mano,
Dendu* nobed maber mana ka lum mang’ich.
15 “Nimar Jehova nobi ka mach,+
Kendo gechene nobi ka yamo mager,+
Mondo ochul kuor ka en gi mirima,
Kendo okwer ji gi mach ma kakni.+
16 Jehova biro yalo buch dhano gi mach,
Ee, obiro yalo ji duto gi ligangla;
Kamano, jo ma Jehova onego biro bedo mang’eny.”
17 Jehova owacho kama: “Ji duto ma pwodhore kendo bedo maler mondo gidonj e puothe*+ mondo gichung’ e tok ng’at man diere, ka gichamo anguro,+ gi oyieyo,+ kaachiel gi gik mamoko ma ok ler, ibiro tiekgi kanyachiel. 18 To nikech ang’eyo tijegi kaachiel gi gik manie pachgi, abiro choko ji moa e ogendni duto kod jo ma wacho dhok mopogore opogore mondo gibi gine duong’na maler.”
19 “Anaket ranyisi e kindgi, mi anaor jogi moko motony ir ogendni ma pok owinjo humba kendo neno duong’na maler, kendo gibiro lando duong’na e kind ogendnigo.+ Ogendnigo gin Tarshish,+ Pul, Lud,+ jogo ma ywayo atung’, Tubal, Javan,+ kaachiel gi chulni man mabor ahinya. 20 Gibiro kelo jou duto ma gigolo e kind ogendni+ kaka mich ne Jehova. Gibiro kelogi nyaka e goda maler, e Jerusalem ka jomoko oidho farese, to moko oidho geche mag lweny, geche mamoko, punde, ngamia ma ringo,” Jehova owacho mano. “Gibiro kelogi mana kaka Jo-Israel keloga mich e tewni maler ne Jehova e ode.”
21 “Moko kuomgi anami tij dolo, to moko anami tij Jo-Lawi,” Jehova owacho.
22 “Mana kaka polo manyien kod piny manyien+ ma achueyo biro siko e nyima kinde duto, e kaka kothu kod nyingu bende nosiki,”+ Jehova owacho.
23 “Kochakore dwe manyien nyaka e dwe manyien, kendo sabato nyaka sabato,
Ji duto nobi mi ginikulre e nyima,”+ Jehova owacho.
24 “Giniwuog oko mondo ging’i ringre jo ma nong’anyona;
Kudni ma chamogi ok bi tho,
Kendo mach ma wang’ogi ok bi tho,+
Mi ginibed gik ma ji duto osin-go.”
Tiende ni, “Warruok mar Jehova.”
E dho Hibrania wach moloki ni “yugi” en chilo migolo bang’ ka oseleny dhahabu kata fedha.
Nyalo bedo ni magi ne gin yiende kata puothe motudore gi lamo mag nyiseche manono.
Kata, “saburi mar tworo.”
Kata, “puonj.”
Ma bende iluongo ni hanyinya.
Hibrania, “giting’o ng’utgi malo.”
Kata, “lewni ma iye.”
Tiende ni, wichkuot ma ng’ato yudo nikech ok okende kendo oonge nyithindo.
Hibrania, “Obiro lwoko chieth.”
Tiende ni, bath. Som Apendiks B14.
Som Apendiks B14.
Som Apendiks B14.
Hibrania, “Sheol.” Som Tiend Weche.
Ma en yath miluongo ni oak e dho Kisungu.
Kata, “Kodhi maler en kisikine.”
Kata nyalo bedo, “ne ok gilocho.”
Tiende ni, “Jo Manok e ma Noduogi.”
Kata nyalo bedo, “wamonje.”
Hibrania, “Sheol.” Som Tiend Weche.
Tiende ni, “Nyasaye ni Kodwa.”
Tiende ni, Yufrate.
Tiende nyalo bedo,“Ringo Dhi Yako Gik Mope.”
Kata, “Kendo adwaro ni Uria jadolo kod Zekaria wuod Jeberekia oketie kokgi.”
Shiloa ne en freji.
Tiende ni, Yufrate.
Som Isaya 7:14.
Kata, “jiemo; jemo.”
Hibrania, “Loch nobed e goke.”
Kata nyalo bedo, “bad othith kod odundu.”
Kata, “Kendo duong’ ma un-go unukan kanye?”
Kata, “Ubiro kulore e kind jo motue.”
Kata, “Obiro tieko chuny kod ringruok mag.”
Kata nyalo bedo, “Kendo nyaroya kod sibuor biro chiemo kanyachiel.”
Tiende ni, Babulon.
Hibrania, “Gibiro lor e gok Jo-Filistia gi yo podho chieng’,”
Kata nyalo bedo, “noduon.”
Tiende ni, Yufrate.
Kata nyalo bedo, “mondo opoggo aorano nyadibiriyo.”
“Jah” en nying Jehova e yo machuok.
Hibrania, “Kesil maggi.” Nyalo bedo ni iwuoyo kuom sulwe miluongo ni Orion kod sulwe mamoko molwore.
Kata nyalo bedo, “Kendo jochiende machal diek.”
Kata, “ubiro jaro.”
Hibrania, “Sheol.” Som Tiend Weche.
Hibrania, “Sheol.” Som Tiend Weche.
Hibrania, “Sheol.” Som Tiend Weche.
Kata, “thuol ma fuyo.”
Kata nyalo bedo, “Nikech koko mar lweny osechopo ne olembeu mag ndalo oro kod chambu mukayo.”
Tiende ni, higni adek e wang’e.
Som Tiend Weche.
Kata, “ne nyasaye ma wendo.”
Kata, “piny ma buombe papnie.”
Kata nyalo bedo, “ka ang’icho gie kar dakna.”
Kata, “nengni ma rochere.”
Kata, “Memfis.”
Kata nyalo bedo, “bad othith kata odundu.”
Kata, “jatend lweny.”
Kata, “Ne owuotho korwako lewni ma iye kende.”
Nyalo bedo ni iwuoyo kuom ka ma piny Babulon ne nitie.
Kata, “oluru ne okumba mo.”
Tiende ni, “Ling’ thi.”
Tiende ni, higa achiel e wang’e.
Nenore ni iwuoyo kuom Jerusalem.
Kata “oseketh nyar joga.” Nyalo bedo ni wendni ne iwero sa ma ikecho ng’ato.
Kata, “Ibiro gol gima rito Juda.”
Tiende ni, achiel kuom aoche matindo mag Aora Nael.
Kata nyalo bedo, “ka ma meli gowoe.”
Kata nyalo bedo, “Piny otwo.”
Kata nyalo bedo, “Divai manyien two.”
Kata, “Ka gia e nam.”
Kata, “e alwora man yo wuok chieng’.”
Kata, “ibiro non-gi.”
Kata, “noyud wich-kuot.”
Kata, “Rieko ma ning’ado chon.”
Kata, “muonyo.”
Tiende ni, Moab.
Kata nyalo bedo, “jogo duto ma chunygi ok yiengni.”
“Jah” en nying Jehova e yo machuok.
Kata, “opie.”
Tiende ni, ji opar Nyasaye kendo giland nyinge.
Kata nyalo bedo, “tho momoko e alode.”
Som Tiend Weche.
Nyalo bedo ni iwuoyo kuom Israel kaka dhako kipime gi puoth mzabibu.
Som Tiend Weche.
Tiende ni, Yufrate.
Nyalo bedo ni iwuoyo kuom Samaria ma ne en dala maduong’.
Kata, “Ma ka ng’ato oneno, to ochame ka pod en e luete.”
Kata, “Tol mar pimo, kuom tol mar pimo.”
Kata, “Tol mar pimo, kuom tol mar pimo.”
Kata nyalo bedo, “wasetimo gima fweny wacho.”
Hibrania, “Sheol.” Som Tiend Weche.
Hibrania, “Sheol.” Som Tiend Weche.
Kata nyalo bedo, “ka giwinjo tiend wechego, gibiro bedo maluor.”
En kit ngano ma nengone ni piny ma ne ipidho Misri.
Kata, “rieye; chwade.”
Kata, “ma riekone ber ahinya.”
Tiende nyalo bedo, “Ka ma Kendo mar Misango Ochungie,” ma nyalo bedo ni ne en Jerusalem.
Kata, “osemiyou chuny mar nindo matut.”
Tiende ni, luoro ma ng’ato bedogo nikech wich-kuot.
Kata nyalo bedo, “pi yawo.”
Kata nyalo bedo, “kendo unuluonggi ni chilo.”
“Tofeth” ochung’ne ka ma iwang’oe gik moko, ma tiende en kethruok.
Ma en kit poda moro ma mako mach mapiyo ahinya, kendo sa ma oliel ogolo tik mager kendo marach.
Kata, “mabudho abudha nono; ma ok dew gimoro amora.”
Kata nyalo bedo, “Piny otwo.”
Kata, “udi maboyo.”
Kata, “Rembgi biro bubni e gode.”
Nenore ni iwuoyo kuom Bozra, dala maduong’ mar piny Edom.
Ma en kit poda moro ma mako mach mapiyo ahinya, kendo sa ma oliel ogolo tik mager kendo marach.
Kata nyalo bedo, “Kendo jachien machal diel.”
Safron gin maupe.
Kata, “jatend jolos divai.”
Kata, “dho Siria.”
Kata nyalo bedo, “e kind.”
Kata, “twenyoni ume.”
Orowe gin cham ma twi kendgi bang’ keyo.
Nyalo bedo ni ngasni e ma ne itiyogo e ng’eyo sa.
Hibrania, “Sheol.” Som Tiend Weche.
“Jah” en nying Jehova e yo machuok.
Kata nyalo bedo, “ongo wang’.”
Tiende ni, weche kod tije Nyasaye.
Hibrania, “Sheol.” Som Tiend Weche.
Ma en bor man e kind lith lwedo mathuon kod lith lwedo matin sa ma ng’ato oyaro lwetene. Som Apendiks B14.
Kata nyalo bedo, “moseng’eyo.”
Kata, “mong’inore.”
Kata, “jotelo.”
Kata “mondo obi e tiende.”
Kata, “Ne gisudo machiegni mi gibiro e nyime.”
Tiende ni, ng’at ma onge teko.
Kata, “yewni.”
Samoro iwuoyo kuom gik ma biro kwongo timore e kinde mabiro.
Samoro iwuoyo kuom jopuonj ma ne puonjogi Chik.
Tiende ni, “Ng’at Matir,” nying mar duong’ ma nomi Israel.
Kata, “e lowo motwo mobarore.”
Ma en yath miluongo ni oak e dho Kisungu.
Kata, “mag jonabi mag miriambo.”
Kata nyalo bedo, “Be lowo nyalo wacho ni, ‘Gima iseloso onge lwetene’?”
Kata nyalo bedo, “Jotich mag Misri.”
Kata nyalo bedo, “jolok ohala.”
Kata nyalo bedo, “mondo obed nono.”
Tiende ni, sanamu ma lego oting’o.
Kata, “Wachna; Dwacha; Parona.”
Kata nyalo bedo, “kendo ok ananyis ng’ato ang’ata ng’wono.”
Kata, “Mikach.”
Kata, “Mikach.”
Kata nyalo bedo, “Kata obedo ni iritori gi juogi mang’eny.”
Kata nyalo bedo, “Jogo ma pogo polo; Jogo ma koro ka tiyo gi sulwe.”
Kata nyalo bedo, “Kendo koth Juda.”
Kata, “Asenonou.” Kata nyalo bedo, “Aseyierou.”
Kata nyalo bedo, “gode modong’ nono.”
Kata, “Adier, kaka angima.”
Kata nyalo bedo, “dajiwgo.”
Kata nyalo bedo, “kudni.”
Som Tiend Weche.
Kata, “rombo mar bungu.”
Kata nyalo bedo, “kuom gik ma ne wawinjo?”
Nyalo bedo ni obiro twi e nyim dhano kata e nyim Nyasaye.
Kata nyalo bedo, “Ne ochaye ka ng’at ma ji pandone wengegi.”
Kata, “onono anyuola ma ne owuokie; onono kaka ngimane ne chalo?”
Kata, “Kothi.”
Kata, “Nyithindi.”
Kata, “nowene richone duto.”
Tiende ni, osetho.
Kata nyalo bedo, “Mondo kik one masira.”
Tiende ni, e liete.
Samoro iwuoyo kuom lamo nyiseche manono.
Kata nyalo bedo, “ir ruoth.”
Hibrania, “Sheol.” Som Tiend Weche.
Kata, “Abiro chule.”
Kata, “Achueyo olemo mar dhok.”
Kata, “A in dhako.”
Kata, “kosirgi e nungo.”
Kata, “Yimbe mag Nebayoth biro tiyoni.”
Kata, “kodhi.”
Kata, “A in dhako.”
Kata, “E kaka yawuoti.”
Kata nyalo bedo, “lewni makwar.”
Kata, “malaika ma noa e nyime.”
Kata nyalo bedo, “Gipondo e kiche.”
Kata nyalo bedo, “Nimar wanyalo miyo ubed maler.”
Kata, “Anachulgi.”
Kata nyalo bedo, “Ng’at motho ka pok hike oromo mia achiel ibiro kwan ka ng’at mokuong’.”
Kata nyalo bedo, “ng’at ma pako sanamu.”
Kata, “Chokeu.”
Kata, “tekone.”
Tiende ni, puothe ma nowal ne lamo nyiseche manono.