Puonj ma Pinyruoth Chiwo​—Kaka Ruoth Tiego Joge

PAR ane ni in e chokruok mar alwora, to ineno ka owadwa moro ma ja kanyaklau golo twage mokwongo e chokruok ma kamano. Hike ni e diere. Sama idhi nyime winjo twage, ibwonjo mayom kihum e chunyi kaka jo Jehova itiego maber. Inyalo paro maber chieng’ ma owadwano nohango golo twak e kanyaklau kothuthni malich, to sani koro osetimo dongruok malach, to ahinya-ahinya bang’ a e Skul mar Jopainia. Machiegnini, ne odhi gi jaode e Skul mar Joland-Injili mar Pinyruoth. Sama ipamone kotieko twak, igo wang’i e i jowinjo, kae to iwacho e chuny ni, ‘Omera Jehova tiegowa adier. Awuoro!’

Muma nokoro ni ndalo ne dhi biro ma ‘Jehova ne dhi puonjo nyithinde.’ (Isa. 54:13, NW) Ndalono osechopo. Jehova sani puonjowa weche mang’eny, ok kokalo kuom bugewa kende, to bende kokalo kuom chokruogewa mag kanyakla, chokruogewa mag alwora, chokrugewa madongo, kod skunde ma tiegowa ne migepe mopogore opogore ma nitie e riwruok mar oganda Jehova. E sula ariyo ma luwogi, wabiro nono kaka puonj ma Jehova miyowa nyiso gadier ni Pinyruodh Nyasaye locho.