“Ere Kaka Ang’eyo Seche ma Alendogo?”

Be isepenjorie penjono? E bug Tengenezo ite mag 86-87 ochiw paro manyalo konyowa e wachni. Kinde ka kinde imiyowa weche momedore e wi wachni, kaka mayudore e Sandug Penjo e Tijwa mar Pinyruoth ma Septemba 2008. Bedo ni ngima ji ok chal kuonde duto, ok omiwa chike mang’eny monego oluw e wi wachni. Omiyo ok owinjore jodongo kata joma moko oket chike e wi weche mosechiwgo.

Kapo ni jalendo moro nigi penjo e wi wachni to onge kama osechiw dwokone e bugewa, onyalo nono wechegi: Be sechego natiyogo e tij lendo? Koso natiyo kodgi e timo gimachielo mopogore gi tij lendo? Gik ma wandiko e ripodewa dwe ka dwe onego omiwa mor e chunywa to ok mamiyo wabed gi chuny maok ler e nyim Nyasaye. (Tich 23:1) Kuom adier, dwarowa maduong’ ok en mana seche mwatiyogo e tij lendo, to en kaka watiyo kodgi e tijno.—Hib. 6:11.