“Chiw Gaset Moro Machon Kata Brosua ma Ng’atno Diher Somo”

E dweche ma wachiwo bug Muma Puonjo kendo chako puonjruok gi ng’ato e limbe mokwongo, ijiwowa ni kapo ni wuon ot nigi bugno kendo ok orwako puonjruok mar Muma wanyalo ‘chiwo gaset moro machon kata brosua ma ng’atno diher somo.’ Ang’o momiyo?

Brosua kod gasede machon-go pod oting’o puonj makonyo e kindegi. Nyalo bedo ni nitie wach moro e bugego mabiro mulo wuon ot. Omiyo, seche michano bagni mar lendo, ne ni iting’o brosua mopogore opogore kaachiel gi gasede machon. Inyalo kawo gasede machon e kar kawo buge mar kanyakla kapo ni ionge gi gasedego. Kapo ni wuon ot nigi bug Muma Puonjo to ok orwako puonjruok Muma, inyalo nyise moko kuom gasede kata brosua kendo ikwaye mondo oyier ma doher somo. Bang’e tim chenro kaka inyalo dok mondo uwuo e wach ma omoreno. Samoro bang’e onyalo rwako puonjruok mar Muma.