Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Novemba

“Waduto dwaher dak e bwo sirkal maber. Ineno nade, en sirkal mane ma biro tieko chandruoge mag dhano? [Rit dwoko.] Ne ane gima gasedni wacho.” Mi wuon ot Mnara wa Mlinzi ma Novemba 1, kendo unon kode wach mayudore e bwo wich matin mokwongo e ite mar 16 kod moko kuom ndiko moket kanyo. Chiw gasedego kendo itim chenro mar dok nono penjo maluwo. Kapo ni uonge gi gasede mag Novemba, unyalo tiyo gi gasede manyien ma kanyaklau nigo kod Tijwa mar Pinyruoth manyiso kaka inyalo chiwgi.

Ohinga mar Jarito Novemba 1

“Dwaher winjo paro ma in-go e wi wach moro. Dabed ni omiyi thuolo mar penjo Nyasaye penjo moro achiel, dipenje ang’o? [Rit dwoko.] Yesu nowacho ni manyo dwoko mag penjo ma chando pachwa ok en gima rach. [Som Mathayo 7:7.] Gasedni lero dwoko ma Muma chiwo e wi weche adek madongogi.” Nyis wuon ot penjo mochan e ite mar 3.

Amkeni! Novemba

Walimo joot ka wajiwore kodgi e wi wach moro. Ndalogi nitie udi mang’eny ma nigi janyuol achiel. Be iparo ni joot ma kamago romo gi pek mang’eny moloyo udi ma jonyuol duto nitie? [Rit dwoko.] Jonyuol mang’eny osefwenyo ni puonj manie Muma nyalo konyogi. [Som 2 Timotheo 3:​16.] Gasedni chiwo paro moko manyalo konyo jonyuol ma onge mondgi kata chwogi e nyagruok gi ting’ mar bedo janyuol achiel.”