Ang’o Momiyo Onego Wadhi e Alwora mar Lendo Mapiyo?

Sama wanie romo mar dhi lendo gi owetewa gi nyiminewa, waheroga goyo mbaka kodgi. Kata kamano, ber dhi e alwora mar lendo mapiyo bang’ ka romono oserumo. Tijwa mar lendo onego otim e okang’ mapiyo ahinya. (2 Tim. 4:2) Kapo ni pod wadigni bang’ romono, wabiro dong’ gi thuolo matin mar lendo. Sama wan e tij lendo gi jolendo wetewa, wabiro yudo thuolo mang’eny mag wuoyo kodgi ka wajiwre. Ka wadhi e alwora mar lendo ma ok wadigni, wanyiso ni wan jokinda e tiyo ne Jehova kod Wuode.​—Rumi 12:11.