Land Adiera e Wi Yesu gi Kinda

Kindawa medore sama wang’eyo kaka wanyalo lando ne jomamoko adiera e wi Yesu. Yesu e mise mar kidi moriwo kor ot ma yie madier igeroe. (Efe. 2:20) Ok wanyal bedo gi geno mar dak nyaka chieng’ ka ok wakalo kuom Yesu. (Tich 4:12) Omiyo, dwarore ni ji duto ong’e migawo ma Yesu nigo e chopo dwaro mar Nyasaye. Ji mang’eny osewuond gi puonj ma ok winjre gi Muma. Gima lit en ni samoro ok gibi yudo gueth ma Nyasaye osingo ne joma oketo yie margi kuom Yesu. Kinda ma wan-go ne adiera biro konyo joma chunygi nikare mondo ong’e adiera e wi Yesu, winjruok ma en-go gi Nyasaye, kod migawo ma en-go e chopo dwaro mar Nyasaye. Be ibiro lando adiera e wi Yesu gi kinda e kinde mag Rapar?