Kony Joodi Mondo Otine Jehova

Ne oor Jeremia mondo osiem Jo-Yahudi ni idhi kethgi nikech wigi ne owil gi Jehova Nyasachgi. (Yer 13:25) Ere kaka oganda Jo-Yahudi noketho winjruok maber ma ne gin-go gi Jehova? Joot mopogore opogore mag oganda Israel ne osedok chien e weche mag lamo. Ne nenore ayanga ni wiye udi ne ok luw kaka Jehova chikogi mana kaka ndiko mar Rapar mar Chik 6:5-7 wacho.

Joot ma dhi maber e weche mag lamo miyo kanyakla ma kindegi bedo motegno. Wiye udi nyalo konyo joutegi opar Jehova, kuom bedo gi chenro mar Lamo mar Joot kendo time ma ok gibare. (Zab 22:27) Bang’ neno vidio ma wiye wacho ni “Wechegi Onego Obed e Chunyi”​—Kare ma Ipenjoe Joot, nonuru penjo maluwogi:

• Ere kaka joot moko oseloyo pek ma nyalo monogi timo lamo mar joot?

• Moko kuom gueth ma wayudo nikech timo lamo mar joot ma ok wabare gin mage?

• Gin pek mage ma ajaromogo e wach lamo mar joot, to gin chenro mage maketo mondo okonya loyo pekgo?