Pak Jehova Kuom Bedo Painia

Jo-Israel ne nigi gik mathoth ma ne nyalo miyo gipak Jehova. Nogologi e piny Misri kendo noresogi ka ne jolwenj Farao lawogi! (Wu 15:1, 2) Jehova pod dhi nyime timo ne joge gik mabeyo. Ere kaka wanyalo goyo ne erokamano?​—Za 116:12.

Achiel kuom yore ma wanyalo timogo kamano en bedo painia makonyo kata painia mapile. Inyalo lemo mondo Jehova omiyi gombo kod teko mar bedo painia. (Fil 2:13) Thoth ji chakoga gi bedo painia makonyo. Inyalo yiero lendo kuom seche 30 kata 50 e dweche mag Mach kod April kaachiel gi dweche mag limbe mag jarit-alwora. Ka isewinjo mit mar bedo painia makonyo, inyalo chako bedo gi gombo mar bedo painia mapile. Kata mana joma tiyo tij andika kod joma tuore osegabedo jopainia mapile. (mwb16.07 8) Onge kiawa ni kinda moro amora ma watimo mondo wapak Jehova, en gima owinjore.​—1We 16:25.

NEURU VIDIO MA WIYE WACHO NI NYIMINE ADEK MODAK E PINY MONGOLIA, KAE TO UDWOK PENJO MA LUWOGI:

• 

  Gin pek mage ma nyimine adek noloyo mondo gibed jopainia?

• 

  Gin gueth mage ma giseyudo?

• 

  Gin thuolo mage mag tiyo ne Jehova ma ne giyudo ka gin jopainia mapile?

• 

  Ranyisi margi osejiwo jomamoko nade?