Kaka Inyalo Paro Ndiko

Be wiyi osegawil gi ndiko moro ma samoro isegasomo nyading’eny? Samoro en ndiko ma hoyoga chunyi, ma konyiga loyo paro maricho, kata miheroga somo ne jomamoko. (Zab. 119:11, 111) Ne ane paro moko ma nyalo konyi paro ndiko ma kamago.

• Ti gi kare mar tag e JW Library^®. Los tag ma wacho ni “Ndiko ma Ahero,” kae to iket ndiko moro amora ma diher paro kanyo.

• Ket ndikono kama inyalo nene mayot. Ndik ndiko ma diher paro e kalatas moro kae to ikete kama inyalo nene mayot. Jomoko ketoga kalatas ma kamano e kio kata e dhood frij. Jomamoko to goyoga ndikono picha kae to gikete e skrin mar simbegi kata kompyutagi.

• Los kad matindo tindo moting’o ndiko mag Muma. Ndik ndikono e bath kad konchiel, to komachielo indikie weche mag ndikono. Kae to item nwoyo weche manie ndikono kata paro kama oyudore e Muma kitiyo gi kadno.