Bed gi Sinani

Puonj: “Ne gidhi nyime puonjo kendo lando wach maber.”—Tich 5:42.

Gima Paulo Notimo

Jaote Paulo lando wach maber ne jomoko manie od romo mar skul.

VIDIO: Paulo Nano ka en Efeso

1. Ne VIDIO, kata isom Tich Joote 19:8-10. Bang’ mano, non penjo ma luwogi:

Ere kaka Paulo ne odhi nyime nano kendo konyo joma norwako wach kata obedo ni jomoko ne kwede?
Paulo nodok limo joma norwako wach nyadidi, to notimo kamano kuom kinde ma romo nade?

Ang’o ma Wapuonjore Kuom Paulo?

2. Onego wakaw thuolowa kendo timo kinda mondo wadog limo joma norwako wach kendo chako puonjruok kodgi Muma.

Luw Ranyisi mar Paulo

3. Ikri limo ji sama giyudoree. Penjri kama: ‘En kinde mane ma ng’at ma nalendone ni thuolo, to anyalo yude kanye?’ Ikri lime kata ka sama oyudoree ok donjre gi chenroni.

4. Chike chieng’ ma ibiro dok lime. E giko mbakau, chan kode chieng’ ma ibiro lime kendo. Tem mondo idog lime mana kaka uchano.

5. Kik chunyi jogi. Kik ipar ni ng’at ma yudo e ot tek kata modichga ahinya ok nyal rwako wach. (1 Kor. 13:4, 7) Kar mano, dhi nyime nano kimanyo ng’atno, kendo ne ni itiyo maber gi thuolo ma in-go.—1 Kor. 9:26.

NE BENDE

Tich 10:42; 1 Kor. 9:22, 23; 2 Kor. 4:1; Gal. 6:9