Thieth Maber Moloyo Chalo Nade?

“Jatuwo moro amora ma oyudo thieth ma ok tiye gi remo, kuom adier oyudo thieth maber moloyo.” Mano e gima Laktar Michael Rose, ma en jatend osiptal kendo ng’at molony e wach yedhe nindo ne owacho. Gin yore mage ma inyalo ti godo e “thieth ma ok tiye gi remo”? Dwarore ni ing’e mondo omi iyier thieth ma inyalo yie godo kaluwore gi gima iwinjo tiende maber. Ne vidio mar No Blood—Medicine Meets the Challenge. Bang’e, ti gi penjo maluwogi e nono kabe iwinjo tiend vidiono maber.—Par Wachni: Nikech vidiono oting’o piche moko manyiso ka iyang’o ji e thieta, jonyuol onego oti gi rieko sama gineno vidiono gi nyithindo matindo.

(1) En wach mane maduong’ mamiyo Joneno mag Jehova ok yie mondo omedgi remo? (2) Kaluwore kod wach thieth, dwaro mar Joneno mag Jehova en ang’o? (3) Jotuwo nigi ratiro mane? (4) Ang’o momiyo en wach mowinjore kendo manyiso ni ng’ato rito ngimane ka oyiero mondo omiye thieth ma ok tiye gi remo? (5) Ka remo ochwer mang’eny, gin gik ariyo mage ma lakteche onego okwong godo? (6) Thieth ma ok tiye gi remo otenore kuom weche mage madongo ang’wen? (7) Ere kaka lakteche (a) nyalo miyo remo kik chwer mang’eny, (b) kungo ng’injo ma rokwere, (c) miyo remo omed losore, kendo (d) reso remo sa yeng’o? (8) Ler ane yore mag thieth mong’ere kaka (a) hemodilution kod (b) reso remo (cell salvage). (9) En ang’o ma onego idwar mondo onyisi kuom wach yor thieth moro amora ma ok tiye gi remo? (10) Be yeng’o ma kore tek inyalo tim ma ok omed ng’ato remo? (11) En dongruok mane maber ma timore sani e yore mag thieth?

Yie kod yore moko mag thieth ma inyiso e vidiono en wach ma ng’ato onego oyier en owuon kaluwore gi chunye michiko gi Muma. Be iseyiero yore thieth ma ok tiye gi remo ma inyalo yie mondo otimni kaachiel gi nyithindi? Joodu ma ok gin Joneno bende onego ong’e maler yiero ma isetimo kod gimomiyo iyiero kamano.—Ne “Maswali Kutoka kwa Wasomaji” mayudore e Mnara wa Mlinzi mag Jun 15, 2004, kod Oktoba 15, 2000.