Weche Miparonwa Kuom Rapar

Nyasi mar Rapar ma higani nobed chieng’ Wuok Tich tarik 2 April. Jodongo onego one ni oluw weche man piny kaegi.

◼ Sama ichano keto seche mag timo chokruogno, neuru ni mkate kod divai ok kadhi ka chieng’ podi ok opodho.

◼ Onego onyis ji duto koriwo nyaka jagol twak, kama ibiro timoe nyasino koda sa e wang’e.

◼ Mkate gi divai mowinjore onego omany ma keti obed moikore.—Ne Mnara wa Mlinzi mar Februar 15, 2003, ite mag 14-15.

◼ Sande kod gilase, mesa gi kitamba mowinjore onego okel ma gibed moikore chon e Od Romo.

◼ Od Romo kata kama chielo ma ibiro timoe chokruogno, onego oluok maber chuth chon.

◼ Onego oyier jorwak welo kod jogo ma biro lworo divai gi mkate chon mondo onyisgi chenro ma ibiro luwo, kendo jiwo negi wach rwakruok mobidhore.

◼ Jodongo onego otim chenro mar kadho mkate gi divai ne jal moro amora mowir mo kuom roho manyalo bedo ni tuwo kendo ok nyal chopo e nyasino.

◼ Kama kanyakla mokalo achiel tiyo gi Od Romo achiel, onego oket chenro maber mamiyo thuolo bedoe kuonde ma ji donjogo, ma giwuothoe, koda kar keto mtokni.