Weche Miparonwa Kuom Rapar

Jodongo onego opar weche maluwogi ka giikore ne Rapar:

◼ Neuru ni mkate kod divai ok olwor nyaka bang’ podho chieng’.

◼ Mkate gi divai mowinjore onego omany ma keti obed moikore.​​—⁠Ne Mnara wa Mlinzi, ma Februar 15, 2003, ite mag 14-​15.

◼ Sande kod gilase, mesa gi kitamba mowinjore onego okel ma gibed moikore chon e Od Romo.

◼ Od Romo kata kama chielo ma ibiro timoe chokruogno, onego oluok maber chuth chon.

◼ Onego oyier jorwak welo kod jogo mabiro lworo divai gi mkate chon mondo onyisgi chenro ma ibiro luwo, kendo jiwo negi wach rwakruok mobidhore.

◼ Jodongo onego otim chenro mar kadho mkate gi divai ne jal moro amora mowal kuom roho manyalo bedo ni tuwo kendo ok nyal chopo e nyasino.

◼ Kama kanyakla mokalo achiel tiyo gi Od Romo achiel, onego oket chenro maber mamiyo thuolo bedoe kuonde ma ji donjogo, ma giwuothoe, koda kar keto mtokni.

◼ Ka ibiro tiyo gi kamoro machielo, onego one ni kinanda kod spika tiyo maber mondo mi ng’ato ka ng’ato mantie owinj jagol-twak.