“Inyalo Dwoko Penjogi Nade?”

1. Gin weche mage ma thothwa nyalo yudo ni tek korka Muma?

¹ Kata obedo ni ihero Wach Nyasaye, be inwang’o ni tek paro weche moko mag sigendini manie Muma, kata paro kama weche mamoko yudoree ei Ndiko? Be diher mondo nyithindi ong’e tiend weche kod puonj manie Muma e yo maber? Sula mawacho ni “Ungejibuje?” (“Inyalo Dwoko Penjogi Nade?”) miketo dwe ka dwe ei Amkeni! ite mar 31 nyalo konyo rowere gi jo madongo mondo omed ng’eyo Wach Nyasaye e yo maber.—Tich 17:11.

2. Ere kaka inyalo ti gi weche mopogore opogore manie ite mar “Ungejibuje?”

² Ere kaka inyalo tiyo gi weche manie iteno e yo maber chuth? Amkeni! mar Januar 2006 nochiwo paro maluwogi: “Kaw thuolo mondo inon ite mar 31 . . . Weche moko manie iteno biro moro rowere, to penjo moko biro miyo jogo mosebedo ka puonjore Muma mondo opar matut. Kama wacho ni ‘Ilitukia Lini?’ biro konyi ng’eyo kinde ma joma iwuoyo kuomgi ei Muma ne odakie koda kinde ma gik moko madongo ne otimore. Kata obedo ni dwoko mag kama wacho ni ‘Katika Toleo Hili’ biro yudore ei gaset mangima, dwoko mag thoth penjo mamokogo biro yudore e ite moyiedhi ei gasedno, kama ibiro ketogie ka nyukta orango piny. Kapok ing’iyo dwokogo, donge inyalo timo nonro, kae to iwuo gi jomoko kuom gima isepuonjri? Unyalo kata mana tiyo gi sula mar, ‘Ungejibuje?’ e twak kuom Muma kaka joot kata gi jo mamoko kanyakla.”

3. Ere kaka joot moko osekonyore kuom tiyo gi sula mar “Ungejibuje?”, to gin kuonde mage mamori ahinya e iteno?

³ Kuom adier, joot mang’eny ohero tiyo gi sulani e puonjruok margi mar joot. Miyo moro ndiko kama: “An kaachiel gi chwora ne waneno ni ber mondo wati bende gi kama wacho ni ‘Watoto Watafute Picha’ e puonjruokwa kaka joot mondo omi nyarwa ma jahigini adek obed gi ilo mar puonjruok. Neno ka okawo Amkeni! ma mare kendo oelo itege achiel achiel, ma nyaka oyud kama odwaro, en gima morowa ahinya.” Wuoro moro manie piny Brazil wacho kama: “An kaachiel gi wuoda ma jahigini abiriyo wahero ahinya sulano ei Amkeni! Sulano osekonyo Moises keto pache sa puonjruok, somo Ndiko moket, ng’eyo gimomiyo oket piche, kendo ng’eyo kinde ma gik moko ne otimoree.” Ashley ma en jahigini aboro, ndiko niya: “Ero uru kamano kuom keto kama wacho ni ‘Ungejibuje?’ e ng’e Amkeni! Ajapuonjora weche mang’eny e wi Muma nikech sulano.”

4. Joot nyalo tiyo nade gi sula mar “Ungejibuje” e puonjruokgi Muma kaka joot?

⁴ Ang’o ma moni tiyo gi sula mar “Ungejibuje?” kinde moko e puonjruok maru mar joot? Inyalo tiyo gi Index kata Watchtower Library manie CD-ROM, kama giyudore, mondo umany dwoko mag penjo ma korgi tek. Timo kamano biro konyo nyithindi ng’eyo kaka itimo nonro. Ka in gi nyithindo ma bet dongo, ang’o mamoni miyogi migawo mar timo nonro e wi kuonde mawacho ni “Mimi Ni Nani?” kata “Ilitukia Lini?” kapok uromo e puonjruok maru mar joot? Mano nyalo miyo gichiw paro ma giyudo kuom nonro e secheu mag puonjruok. Tiyo gi iteno e yo maber chuth en achiel kuom yore ma jonyuol nyalo puonjogo nyithindgi Wach Nyasaye, ka gikonyogi ng’eyo “Ndiko Maler” nyaka a e tin-gi.—2 Timo. 3:15; Rapar 6:7.