Program Manyien mar Chokruok Makende mar Alwora

Program mar chokruok makende mar alwora mar higa 2008 wiye maduong’ nobed “Sisi Ni Udongo—Yehova Ni Mfinyanzi Wetu,” kaluwore gi Isaiah 64:8. Puonj mag Ndiko ma ichiwo kokalo kuom programni, biro miyo wamed hero kendo winjo tiend rieko, bura makare, teko, kod hera mar Jehova kaka Jachwe Agulni Maduong’.

Twak mar jarit-alwora, “Kutumikia Tukiwa Vyombo Vyenye Kuheshimika Katika Huduma” biro nyiso kaka ji mamedore, yudo gweth mogundho mar ng’eyo adiera kendo puonjo jomoko adierano. Twak mawacho ni, “Kutafakari Kutakulinda” biro lero kaka paro matut kuom puonj makare mag Jehova ritowa. Jagol-twak matimo limbe biro golo twege mawacho ni, “Tusifanyizwe Kulingana na Mfumo Huu wa Mambo” kod “Ufinyangwe na Mfinyanzi Mkuu.” Jonyuol kaachiel gi nyithindo biro yudo jip kuom twege mawacho ni, “Vijana Wanaotumiwa na Yehova” kod “Daraka Muhimu la Wazazi Katika Kufinyanga.” Kokalo kuom ranyisi mitimo koda dwoko ma jomoko chiwo kuom penjo ma imiyogi, wabiro bedo mamor kuom winjo kendo ng’eyo gigo ma owetewa koda nyiminewa timo e tij lendo. Jogo madwaro nyiso chiwruokgi ne Nyasaye e yor batiso mar pi onego onyis jarit matayo kanyakla mapiyo kaka nyalore. Par iting’ Mnara wa Mlinzi ma ibiro puonjruok e juma mar chokruok makende mar alwora.

Dwaro moro amora ma Jachwe Agulni Maduong’ nigo, otimo. Kata kamano, ng’ato ka ng’ato kuomwa ema onego oyier kaka obiro rwako yo ma Nyasaye rieyowago. Jogo mabolore kuom chike Jehova kod kaka orieyogi, inyalo chwegi kaka lowo michweyo e gir jachwe agulni, mi losgi maber mondo gibed gik ma inyalo ti godo. Ka wabolore e bwo Jehova, wamiyo lochne duong’ kendo wayudo gweth mang’eny.