“Chiemo e Kinde Makare”
1. Ere kaka chokruok makende ma nyocha oa tim nokonyi in kaachiel gi jomamoko?
1 Bang’ dhi e chokruok makende mar alwora, wajowacho ni, “Gik ma wapuonjrego ema owinjore gi dwaro magwa!” Jarit-alwora moro nowacho ni jomoko e alwora ma entie nobedo gi gombo mar tiyo tij lendo e okang’ momedore bang’ winjo program mar chokruok makende ma nyocha oa tim. Jarit-alwora moro nowacho ni, “Programno nokonyowa mondo wapar malong’o kuom kinde mwadakieni kendo nono yiero mwatimo e ngimawa.” Machielo nowacho ni, “Thoth jolendo nowacho ni programno nokonyogi bedo gi paro makare mondo ging’e gimowinjore giket mokwongo, ma en tij lendo.” In to programno nokonyi e yo mane?
2. Ang’o mibiro wuoyoe e program ma higa manyien mar tijwa?
2 Program ma higa mabiro mar tijwa bende biro puonjowa gik mowinjore gi dwaro magwa. Wiye maduong’ nobed “Ket Jehova Obedni Kar Buok,” kaluwore gi Zaburi 118:8, 9, NW. Magi gin weche moko mibiro wuoyoe: “Kaka Jehova Bedonwa Kar Buok e Kinde mag Chandruok,” “Kony Jomoko Mondo Oyud Kar Buok e Buomb Jehova,” “Luw Ranyisi mar Jehova e Chiwo Kar Buok,” “Rowere, Keturu Geno Maru Kuom Jehova!” kod “Paradis Marwa mar Ranyisi—Kar Buok ma Jehova Ochiwonwa.”
3. Ere kaka wanyalo yudo ber chuth kuom bedo e chokruogni?
3 Mondo Iyud Ber: Chak timo chenro mar bedo e programno in kaachiel gi jopuonjreni mag Muma bang’ koselandnu tarik mar chokruogno. Mondo wanyag olemo “gi kinda,” nyaka wati gi gik ma wawinjo. (Luka 8:15) Omiyo chik iti malong’o mondo iwinj program duto, ndik weche machuok kaachiel gi gik michano tiyogo e ngimani kod e tij lendo. Bang’ chokruok kawuru kinde matin mondo uwuo kuom program kaka joot kendo unon yore ma gik mupuonjoru nyalo konyougo e ngimau.
4. Ang’o momiyo onego wagen ahinya dhi e chokruok makende mar alwora?
4 Mana kaka chiemo magero del, higani bende oseiknwa chokruok makende mar alwora kiketo dwaro magwa e paro. Mad Jehova gwedh kinda mitimo mondo ibed e chokruogni kendo yudo “chiemo e kinde makare” mabiro gero winjruokni gi Nyasaye kaka Jakristo.—Math. 24:45.