Diher Yudo Mapiyo Buge mag Dhok Mawendo?

Nitie kinde ma waromo gi joma ohero somo bugewa e dhok mawendo ma kanyaklawa ongego. Be ing’eyo ni kapo ni in gi Intanet kod printa inyalo goyo buge e dhok 400 mopogore opogore? Inyalo luwo okang’ maluwogi:

• Dhi e www.watchtower.org ma en Web site marwa mopwodhi.

• Di dhok midwaro. Ite moro biro elore manyiso buge minyalo goyo e printa, kaka trakt, brosua, kod sula mamoko. Nikech kama iyawono ondik e dhok miyiero, kik idew ka ok iwinjo tiend weche ma ni kanyo.

• Di gima. Gima oyaworeno biro nenore kendo koro inyalo goye.

• E bath kama oyaworeno gi korachwich ma en kar chako, nitie kama ochanie dhok. Di picha mar piny mondo ine dhok duto mayudore.

Web site marwa oting’o mana bugewa matin; mamoko yudore kokalo kuom kanyakla. Kapo ni iromo gi ng’ato morwako wach, ber ka ikwayone buge e kar buge mar kanyaklau.