Websait Marwa​—Ti Kode e Konyo Joma Wacho Dhok Mawendo

Nyisgi Websaitwa: Nyisgi kaka ginyalo tiyo gi kar yudo “Dhok” mondo gine Websaitni e dhok ma giwacho. (Nitie dhok moko ma weche mayudoree nok.)

Nyisgi Websaitni e Dhogi Giwegi: Yaw buk moro amora mayudore e Websaitni kaka Muma Puonjo kata trakt mar Ng’eyo Adiera. Inyalo yiero dhok ma ng’at miwuoyogo wacho kitiyo gi kama ondiki ni “Som e Dho.”

Ketnegi Sula Momaki Mondo Giwinji: Many buk moro amora man gi weche momaki miwinjo mayudore e dhok ma jogo wacho, kendo iketnegi giwinji. Kapo ni ipuonjori dhok machielo, med lony kuom winjo weche momaki e dhokno sama isomo.​—Di kama ondiki ni “Buge” kae to idi “Buge kod Brosua” kata “Gasede.”

Lend ne Momni: Ka iyudo momo, inyalo tugone sula moro e vidio mar Muma, buk, brosua, kata trakt e dho ranyisi.​—Di kama ondiki ni “Buge” kae to idi “Dho Ranyisi.”

[Diagram e ite mar 6]

(For fully formatted text, see publication)

Tem tiyo Kode

1 Di ▸ mondo iwinj weche momaki (ka giyudore e dhou) kata inyalo diyo achiel kuom gik manie bwo kama ondiki ni “Yore mag Golo” mondo igol wechego.

2 Yier dhok machielo kidiyo kama ondiki ni “Som e Dho” mondo ine weche e dhokno.

3 Kidwaro somo sula machielo, di kama ondik ni “Maluwo” kata moro kuom sula mochan e bwo “Weche Mayudore.”