Websait Marwa​—Ti Kode e Tij Lendo

Jiw Ji Olim Websait Marwa: Jomoko ma ok ohero wuoyo kodwa kata kawo bugewa samoro nyalo hero nono weche mag Joneno mag Jehova e jw.org sama gin kar kendgi. Kuom mano, nyis jomamoko kuom Websaitno e thuolo moro amora moyudore.

Dwok Penjo ma Ji Nigo: Nitie seche ma wuon ot, jal mohero gik ma wapuonjo, kata ng’at mong’iyo kodwa nyalo penjowa weche moko e wi Joneno mag Jehova kata gik ma wayiego. Sama mano otimore, nyise dwoko mar penjono mana gi kanyono kitiyo gi kompyuta kata gir tudruok machielo. Nyalo bedo maber ka isomone ndiko moketi achiel kachiel e Muma. Ka ionge gi yor donjo e Intanet, ler ne jalo kaka onyalo tiyo gi jw.org e yudo dwoko kende owuon.​—Di kama ondiki ni “Weche e Wiwa” kae to idi “Penjo ma Ji Jopenjo” kata e Kiswahili, di kama ondiki ni “Mafundisho ya Biblia” kae to idi “Majibu ya Maswali ya Biblia.”

Or Sula Kata Buk Moro ne Ng’at Ming’eyo: Sama indiko ne ng’ato barua mar e-mail inyalo orone sula kata buk moro molos e yor PDF kata EPUB. Bende, inyalo golo weche momaki mar buk moro e Websaitno kae to ikete e CD. Sa asaya ma imiyo ng’at mapok obatisi weche momaki moting’o ite duto mag buk, brosua, kata gaset, inyalo keto mano e ripot mar buge michiwo e lendo. Ok onego ior gik mathoth ne ng’ato, to bende ok onego ior gik moko ne ng’at maok ong’eyi. Kik iket gik miorogo e Websait machielo.​—Di kama ondiki ni “Buge.”

Nyis Ji Weche Manyien e Wi Joneno mag Jehova: Mani biro konyo jopuonjre mag Muma kod jomamoko ma ilimo mondo ofweny ni tijwa en gima dhi nyime e piny ngima kendo ni watiyo kanyachiel kaka Jokristo. (Zab. 133:1)​—E Kiswahili, di kama ondiki ni “Habari.”

[Diagram e ite mar 5]

(For fully formatted text, see publication)

Tem Tiyo Kode

1 E bwo “Buge,” many gima diher golo, kae to iyier kaka idware.

2 Di kama ondiki ni “MP3” mondo inwang’ kama ochanie sula ka sula. Di sulano mondo igole kata idi ▸ mondo iwinje e Intanet.

3 Yier dhok machielo ka diher golo buk e dhokno.