Kaka Wanyalo Tiyo gi Fom mar Tafadhali Fuatia Upendezi (S-43)

Onego ipong’ fomni ka iromo gi ng’at morwako wach to ok odak e alworau, kata ng’at mawacho dhok mawendo. Kata obedo ni kinde mokalo ne watiyo gi fomni kane waromo gi ng’at mawacho dhok mawendo bedni orwako wach kata ok orwako, sani wabiro pong’e mana ka ng’ato orwako wach. Pogruok nitie mana seche ma waromo gi ng’at ma momo. Ka waromo gi ng’at ma momo, onego wapong’ fom mar S-43 bedni orwako wach kata ok orwako.

Onego wami ng’a fomno bang’ pong’e? Onego wamiye jagoro mar kanyakla. Kapo ni jagorono ong’eyo kanyakla monego oorie fomno, obiro ore ne jodongo mag kanyaklano mondo gichan kaka inyalo many ng’atno. Kapo ni ok ong’eyo kanyakla mowinjore, obiro ore ne ofis.

Kapo ni ng’at morwako wachno wacho dhok mawendo to odak e alworau, inyalo dhi nyime kilime nyaka chop kinde ma ibiro or jalendo mawuok e kanyakla mawacho dhokno.—Ne Tijwa mar Pinyruoth ma Novemba 2009, ite mar 4.