Wach Achiel, Gasede Ariyo

Gasedewa mag Ohinga mar Jarito kod Amkeni! wuoyoga kuom weche mopogore opogore. Sama wadwa miyogi ng’ato e tij lendo, kar lerone weche duto manie igi dichiel, ber mondo wawuo mana kuom wach achiel. Ka wang’eyo i gasedewa maber kendo wanono chal mar jal ma walendone, wanyalo yiero wach mowinjore kode e achiel kuom gasedego. Kuom ranyisi, ka wadonjo e dala kata ot moro to waneno gik ma nyithindo tugogo, wanyalo yiero wuoyo kuom wach moro motudore gi ngima mar joot. To ka ng’ama dichwo ema wayudo, wanyalo wuoyo kuom sula malero weche ma chwo oheroga, kaka sirkal maber. Kata obedo ni owinjore wawuo mana kuom wach achiel kende, pod onego wachiw gasede ariyo ne joma omor gi gik ma waleronegi.