Be Inyalo Chano Mondo Ilend Kodgi?

E kanyakla mang’eny, nitie jomoko ma ok nyal timo mathoth e tij lendo nikech gin gi midekre kata nikech hikgi koro oniang’. (2 Kor. 4:16) Be inyalo chano mondo joma kamago oteri e puonjruok mag Muma? Ka dipo ni nitie jalendo moro maok nyal wuok e dalane kata e ode nikech midekre kata nikech hike oniang’, donge inyalo chano mondo in ema idhi gi japuonjre Muma e dalane mondo upuonjru kuno? Be inyalo chano mondo kinde ka kinde jalendo moro ma nigi midekre odhi kodi e lendo mar ot ka ot kata dok timo limbe moko? Thoth jolendo ma hikgi ng’eny nigi lony ma nyalo konyowa e tij lendo. Omiyo kinda ma itimo mondo ilend kodgi biro jiwogi ahinya. In bende ibiro yudo puonj mabeyo kowuok kuomgi. (Rumi 1:12) E wi mago, Jehova biro gwedho kinda ma itimo e nyiso hera e yo ma kamano.—Nge. 19:17; 1 Joh. 3:17, 18.