“Otama Yudo Kendo!”

Be isegawacho kamano kuom ng’at ma ne ochiki mondo idog ilime bang’ lendone, to ok iyude? Samoro kata mana bang’ manye nyadinwoya mondo iol pi ne kodhi ma ne ichwoyo, pod otami yudo. (1 Kor. 3:6) Sama mano otimore, jolendo moko molony ndikoga barua moro machuok kae to gisoyo e bwo dhood ng’atno. Jolendo moko to ikore chon ne loyo pek ma kamago kuom kwayo wuon ot namba simbe e limbe mokwongo. Ginyalo penje e yo mariek ni, “Be anyalo tudora kodi e simo ka pok aduogo limi?” Sama wayudo ka ng’ato onge to wasoyone barua moro machuok e bwo dhoode, kata ka wandikone e-mail, kata wagoyone simo, wanyalo kwano mago kaka limbe ma watimo, kendo wariwgi e ripot ma wachiwo dwe ka dwe. Mano nyiso ni kata ka ng’ato otamowa yudo chuth sama wadok lime, pod wanyalo dhi nyime olo pi ne kodhi ma wachwoyo e chunye.