Kaka Wanyalo Medo Lony e Tij Lendo​—Keto Mise ne Limbe Maluwo

Gimomiyo Mano Dwarore: Ka wayudo ng’at moyie winjo wach ma walando, wadwaroga ni sama wadok lime, to wayude dala mondo waol pi ne kodhi ma wachwoyo. (1 Kor. 3:6) Mondo watim mano, onego waket mise mar dok lime. Wanyalo penje odiechieng’ monyalo yudoree. E wi mano, ber mondo waweye gi penjo moro ma wanyalo wuoyoe e limbe maluwo. Mano biro miyo orit limbeno gi siso, kendo kapo ni dwoko mar penjono yudore e buk ma wawene, siso ma en-go mar somo bugno biro medore. Ka waketo mise maber ne limbe maluwo, wabiro yudo ka yotnwa dok e limbeno nikech waseng’eyo gima wadhi wuoyoe, to wuon ot bende ong’eyo motelo penjo ma ogeno yudo dwokone. Sama wadok lime, wanyalo nyise ni wabiro dwoko penjo ma ne waweyego e limbe mokalo, kae to wadonjo e mbaka achiel kachiel.