Kaka Wanyalo Medo Lony e Tij Lendo—Keto Mise mar Dok Timo Limbe

GIMOMIYO MANO DWARORE:

Gombowa maduong’ en olo pi ne kodhi mag adiera mwapidho e chuny ji. (1Ko 3:6) Ka wayudo ng’at morwako wach, ber ka wapenje penjo mwabiro nono sama wadok lime. Mano biro miyo ng’atno siso mar winjo weche momedore, kendo wan bende biro bedonwa mayot timo ikruok ne limbeno. Sama wadok wanyalo nyise ni waduogo dwoko penjo ma ne waweyo e limbe mokalo.

KAKA WANYALO TIMO MANO:

• Sama iiko weche ma ibiro tiyogo e lendo mar ot ka ot, ber ka iiko penjo mibiro wuoyoe e limbe ma luwo. Dwoko mar penjono nyalo bedo ni yudore e buk ma ilendogo. Kata dwokono nyalo bedo e achiel kuom buge mwatiyogago e puonjruok mar Muma gi ji ma ichano terone e limbe ma luwo.

• Sama itieko mbaka gi ng’at morwako wach, inyalo nyise ni diher dok kendo mondo uwuo kuom penjo ma niseiko chon. Inyalo kawo nambane mar simo kata adres mare.

• Ne ni idok e sa ma uwinjoru.—Mat 5:37.