Sandug Penjo

◼ Gin Kinde Mage Manyalo Dwarore ni Ing’ad Puonjruok mar Muma gi Ng’ato?

Kapo ni japuonjre Muma oweyo timo dongruok moro amora e weche Nyasaye, inyalo tiyo gi rieko mondo ing’ad puonjruogno. (Mat. 10:11) Magi e moko kuom gik ma inyalo keto e paro: Be oyudorega e odiechienge mag puonjruok? Be otimoga ikruok kapok upuonjoru? Be osegabiro e chokruok moro amora mar kanyakla? Be onyisoga jomoko gik ma opuonjore? Be otimo lokruoge e ngimane mondo odag kaluwore gi puonj mag Muma? En adier ni kapok ing’ado mar weyo puonjri kode nyaka ipar chal mare kod hike. Ji duto ok timga dongruok e yo machalre. Bende, kata obedo ni inyalo weyo puonjri kode, we mondo ong’e ni iikori chako kendo puonjruok kode e kinde ma biro ka osetimo lokruok.—1 Tim. 2:4.