Be Iikori?

Ka po ni masira moro nyalo timore kama idakie sani, be biro yudo ka iikori? Yiengni mag piny, yamo mager, mach, kod koth ma daro ji nyalo timore sa asaya kendo nyalo ketho gik mathoth. E wi mano, jonjore nyalo monjowa sa asaya, tulo nyalo muoch kamoro amora, kendo tuoche nyalo sieko apoya nono. (Ekl 9:11) Ok onego wapar ni gik ma kamago ok nyal timore kama wadakie.

Ng’ato ka ng’ato kuomwa nyaka ikre ne masira. (Nge 22:3) Kata obedo ni riwruok mar oganda Jehova chiwoga kony sama masira moro otimore, mano ok nyis ni koro wan wawegi waonge gi ting’.​—Gal 6:5.

NEURU VIDIO MA WIYE WACHO NI, BE IIKORI NE MASIRA? KAE TO UDWOK PENJO MA LUWOGI:

• 

  Bedo gi winjruok maber gi Jehova nyalo konyowa nade sama masira otimore?

• 

  Ang’o momiyo onego . . .

  • • ibed gi tudruok maber gi jodongo sama masira pok otimore, ka masira pod dhi nyime, kod bang’ ka masira oserumo?

  • • ibed gi bag moro matin moting’o gik mochuno ahinya?​—g 17.5-SW 6

  • • item ng’eyo masiche ma nyalo timore alworau kod gima inyalo timo sama moro ka moro kuomgi otimore?

• 

  Gin yore mage adek ma wanyalo konyogo jomoko sama masira oyudogi?