Sik Kiikori e Giko mar ‘Ndalo mag Gikogi’

Kaka wamedo nano e giko mar ‘ndalo mag gikogi,’ e kaka wamedo romo gi tembe kod chandruoge. (2Ti 3:1; nwtsty weche mag timo nonro e Mat 24:8) Sama jotich Jehova oyudo masira, imiyogiga puonj ma ka giluwo to nyalo reso ngimagi e sa mowinjore. Ka wayie luwo kaka ichikowa sani, mano biro konyowa mondo watony e masira e kinde mabiro. Mano dwaro ni wabed gi winjruok maber gi Nyasaye sani kendo iko gik mochuno.​—Luk 16:10.

• Bed gi winjruok maber gi Nyasaye: Bed gi chenro maber. Puonjri lendo e yore mopogore opogore. Kik iluor ka gik ma timore nyalo miyo ibedo mabor gi owete gi nyimine kuom kinde machuok. (Isa 30:15) Jehova gi Yesu ni kodi kinde duto.​—od 176 ¶15-17

• Ik gik mochuno: Bed gi bag moro matin miketoe gik mochuno kaka chiemo manyalo chwalou kuom kinde, pi, yedhe, kod gik munyalo losogo kama udakie ka ochuno ni udag oko kuom thuolo momedore.​—Nge 22:3; g-SW 17.5 4, 6

NEURU VIDIO MA WIYE WACHO NI, BE IIKORI NE MASIRA? KAE TO UDWOK PENJO MA LUWOGI:

• 

  Bedo gi winjruok maber gi Jehova nyalo konyowa nade sama masira otimore?

• 

  Ang’o momiyo onego . . .

  • ibed gi tudruok maber gi jodongo?

  • ibed gi bag moro matin moting’o gik mochuno ahinya?

  • item ng’eyo masiche ma nyalo timore alworau kod gima inyalo timo sama moro ka moro kuomgi otimore?

• 

  Gin yore mage adek ma wanyalo konyogo jomoko sama giyudo masira?

PENJRI ANE KAMA: ‘Tuo mar COVID-19 opuonja ang’o e wach ikruok ne masira?’